Сабақтың тақырыбы: Мен не білемін?

Пәні: қазақ тілі Сынып: 3                       Күні: Сабақтың тақырыбы :Мен не білемін? Нәтиже сабақ. Оқу құралдары  Мақсаты: Оқу құралдары туралы білімдерін жинақтау, ойын арқылы өткен сабақтардағы сөздерді еске түсіру. Синтаксистік құрылымда үйренген қарапайым конструкцияларды пайдаланып, сөз тіркестері мен оралымдарды күнделікті жағдаяттарда қолдану.  Күтілетін нәтиже: Оқу құралдары туралы білімдері пысықталады, сөздік қорлары молаяды. Қойылған сұрақтарға жауап береді, таныс атауларды, сөздерді оқып, түсінеді.  Сабақтың әдісі:  Тренинг, сұрақ-жауап, түсіндіру, ойын, сергіту, әңгімелеу.  Ресурстар: Презентация, суреттер, оқу құралдары  Ұйымдастыру кезеңі:  Оқушылармен амандасу. Назарларын сабаққа аудару:  Психологиялық тренинг (өлең жолдарын хормен айту)  Соғылды қоңырау ,  Шақырып сабаққа.  Көп білгім келеді  Бүгінгі сабақта.  Қызығушылықты ояту Миға шабуыл:  Сұрақ-жауап:  • Балалар, қазір қандай жыл мезгілі?  • Күз айлары қандай?  • Қазір қандай ай?  • Қандай айда мектепке келдіңдер?  • Мектепте кімдер бар?  • Мектепке келгенде оқушы не алып келеді?  (оқушылар оқу құралдарын атайды)  «Ия, жоқ» ойыны. (Өткен сабақтардағы сөздерді еске түсіру)  Мұғалім «сиқырлы қапшықтан» оқу құралдарын алып шығып, сұрақтар қойып отырады: (Оқушылар қолдарын көтеріп жауап береді)  -Мынау дәптер ме? ( қаламды көрсету) – Жоқ, бұл қалам  - Мынау өшіргіш пе? (дәптерді көрсету) – Жоқ бұл дәптер  -Мынау кітап па? (кітапты көрсету) - Ия бұл кітап  - Мынау бояулар ма? (қарындаштарды көрсету) – Жоқ, бұл қарындаштар.  -Мынау сызғыш па? (сызғышты көрсету) – Ия, бұл сызғыш.  Мағынаны тану Сабақтың тақырыбы мен мақсатын хабарлау. Тақырыбы: Оқу құралдары. (Ендеше бүгінгі сабақта біз сендермен оқу құралдарын еске түсіреміз, өткен сабақтарда алған білімімізді тексереміз)  «Суретпен жұмыс»  Оқушылар суреттегі оқу құралын атап, сөз тіркесін, сөйлем құрастырады.  Қойылатын сұрақтар:  -Бұл не? – Бұл кітап  - Кітап қандай? – Кітап жаңа, таза.  - Бұл не? – Дәптер  - Дәптер қандай? - Дәптер жасыл.  - Мынау нелер? – Қарындаштар.  -Неше қарындаш? – Екі қарындаш.  «Образға кіру ойыны»  Әр оқушы бір оқу құралын алып шығып, оқу құралының атынан сөйлейді.  Мысалы:  1. Мен қазақ тілі оқулығымын. Мен оқушыға білім беремін. Мені күтіп ұстау керек. 2. Мен қаламмын. Қалам жазу үшін керек. Менімен оқушы жазады.  Жұппен жұмыс:  «Диалог құру» (Оқу құралдарына байланысты диалог құру)  Айтылым іс-әрекеті.  Сергіту сәті:  Біз мектепке барамыз,  Қолға қалам аламыз.  Кітапты да оқимыз  Суретті де саламыз. (Қимылмен көрсету.)  Дәптермен жұмыс:  Жазылым: Сөйлемдерді толықтырып жаз.  Кітап (читать) үшін керек.  Дәптер (писать) үшін керек.  Өшіргіш (өшіру) үшін керек.  Фломастер (рисовать) үшін керек.  Сызғыш (чертить) үшін керек.  Сергіту сәті: (Қимылмен орындату)  Бір, екі, үш  Ал кәнеки ұш.  Төрт, бес, алты, жеті.  Мынау ауыл шеті,  Сегіз, тоғыз, он.  Ал кәнеки қон.  Оқылым:  Жекелей оқу.  Хормен оқу.  Бүктеме қарағым,  Кітаптың парағын.  Арманы бар онда  Атаның, бабаның.  Жыртпашы, қарағым,  Кітаптың парағын.  Ақылы бар онда  Ақынның дананың.  Ой толғаныс Суретпен жұмыс:  Оқу құралдарын қалай ұстау керек? (таза, ұқыпты)  Оқу құралдары не үшін керек?  Кітап не үшін керек? Кітап оқу үшін керек.  - Өшіргіш не үшін керек? Өшіргіш өшіру үшін керек.  - Сызғыш не үшін керек? Сызғыш сызу үшін керек.  - Дәптер не үшін керек? Дәптер жазу үшін керек.  - Түрлі -түсті қарындаш не үшін керек? Түрлі -түсті қарындаш сурет салу  үшін керек.  Қорытынды Оқу құралдары туралы білетін тақпақтары сұралады.  «Кім жүйрік» ойынын ойнату. Тақтаға екі оқушыдан шығып отырады, мұғалім сөздердің орысша баламасын айтып отырады, оқушылар қазақша жауап беріп отырады. Кім тез, дұрыс жауап берсе, сол алғыр атанады.  Кері байланыс  Бағалау Бағдаршам  Қызыл түс – түсінген жоқпын  Сары түс-әлі де сұрақтарым бар  Жасыл түс-барлығы түсінікті  (оқушылар тақтада ілініп тұрған бағдаршамның түстеріне стикерлерді жапсырады)  Сабақ барысында жақсы жауап беріп отырған оқушыға жұлдызшалар біріліп отырады. Сабақ соңында жұлдызшалар есептеліп, оқушылар бағаланады.