Тэставая работа для вучняў 9 класа – варыянт 2

Беларуская мова – тэст – варыянт 2

Частка А

А1. Адзначце складаны сказ: 1) Гэта быў буйны дрозд – цёмна-шэры, нават карычняваты, са светлымі плямкамі на пер’і, з вялікімі лупатымі вачыма. 2) Многае захавалася з таго, чым была калісьці славутая і багатая Заходняя Дзвіна. 3) З ціхай, спакойнай задуменнасцю на твары, адпачываючы пасля нялёгкага будня, сядзелі жанчыны па абодва бакі стала, накрытага простым ільняным абрусам.

А2. Адзначце складаныя бяззлучнікавыя сказы: 1) Шлях да сапраўднай культуры творчасці – гэта рух пісьменніка да найглыбейшых дум і пачуццяў свайго народа. 2) Дыхнуў ветрык, загаманілі маладыя дубы, вітаючы свайго гаспадара. 3) Адзінокі яблык так і застаўся на яблыні: яго адсюль не відно.

А3. Адзначце складаныя сказы з рознымі відамі сувязі частак: 1) Спачатку месяц быў чырвоны і стаяў нізка над зямлёй; здавалася, што ён ляжаў на прырэчных кустах, у тым месцы, дзе на высокім беразе высечаны лес. 2) Міхась гаварыў знаёмым, што той, хто хоць раз бачыў велічныя рэшткі колішніх муроў Навагрудскага замка, роў, што акружае Замкавую гару, хто хадзіў брукаванымі вуліцамі, якія круцяцца на вялізным грудзе, гэтага горада не забудзе. 3) Мяне здзівіла чысціня каля хаты: нідзе няма ні паперынкі, ні сухой былінкі, а дарожка з вуліцы на двор акуратна падмецена.

А4. Адзначце сказы, у якіх знакі прыпынку пастаўлены правільна: 1) Зямля нібы раставала, растаплялася ў душна-салодкй млосці; гэтая млосць пераходзіла на людзей, на жывёлу, спавівала ўсіх мяккай пялёнкай бяссілля. 2) Пад вечар зніклі хмары, і выбліснула сонца. 3) Іван ведаў, што гэтае заданне яму будзе пад сілу, бо яго ён зможа рашыць самастойна.

А5. Адзначце сказы, у якіх знакі прыпынку пастаўлены правільна: 1) І хістаецца асока і шуміць высокі бор, а ў душы не замаўкае струн вясёлы перабор. 2) Павее ветрык – шурхнуць травы. 3) Сакавітая зеляніна травы коле рукі, датыкаецца да ног.

А6. Адзначце складаныя бяззлучнікавы сказы: 1) У траве бесклапотна скакалі конікі, па-звычайнаму ціўкалі вераб’і. 2) Раптам бачу: зайчык з кустоў выскачыў, бяжыць паперадзе. 3) Палявая дарога раскісла, і ўсюды пабеглі ручайкі.

А7. Адзначце складаныя сказыі, у якіх знакі прыпынку пастаўлены правільна: 1) Гуляе рыба з промнямі сонца, а хваля шэпчацца з прыбярэжным пяском. 2) Па тым як краска падатліва пружыніла пад пчалою і слухалася яе лапак узнікала пачуццё іх супольнасці, здавалася нават: кветка ведае, што трэба пчале. 3) Лес спрадвеку стаіць каля вёскі, дзе я нарадзіўся і вырас, і яго шум, заклапочаны шум старога бору, наводзіць на развагу.

А8. Адзначце складаныя сказы, у якіх знакі прыпынку пастаўлены няправільна: 1) Шырокаю паласою, якая перарываецца толькі зрэдку селішчамі і невялікімі палямі, па беразе нашай ракі цягнуцца бары, і нават пушча. 2) У зімовы час зубры трымаюцца ў такой мясцовасці, дзе лягчэй хавацца ад ветру а снег не такі глыбокі. 3) Алесю здавалася, што і кнігі, і мастацтва хвалююць яго таму, што ў бяскрайніх абшарах зямлі ёсць дарагі яго сэрцу кавалачак зямлі, які ўтульна змясціўся між дзвюма вёскамі.

Частка В

В1. Устанавіце адпаведнасць паміж сказамі і тымі знакамі прыпынку, якія трэба паставіць на месцы пропускаў. Адказ запішыце.

А. Пасярод лужка, як усё роўна хто са жмені сыпануў іх у траву, зіхацелі, кідаліся ў вочы ярка-чырвоныя агеньчыкі, ці, як тут кажуць, пажарыкі __ у левым кутку рэдка, па адным, стаялі белыя рамонкі, якія павярнуліся тварыкамі да сонца.	1. Коска
Б. Віктар памятае __ яго блізкі сябар, перапоўнены каханнем, так засумаваў па сваёй абранніцы, што позна ўвечары, напазычаўшы ў сяброў грошай, узяў таксі і паехаў у гэткую далеч – аж у Крупкі! – каб толькі пабачыць яе і раніцою вярнуцца на лекцыі.	2. Працяжнік
В. Уставала сонца __ усе ведалі, што жыццё не спынілася, што яно крынічыць і прарываецца наверх, шукаючы выйсця з-пад тоўшчы снегу.	3. Двукроп’е
Г. Азерца зноў стала гладзенькае __ і было відаць, як кроплі малявалі на ім кругі.	4. Кропка з коскай
	5. Коска і працяжнік

А __; Б __; В __; Г __

В2. Вызначце тып складанага сказа. Адказ запішыце.

     Дзядуля быў яшчэ дужы, і нават вочы яго захавалі былы бляск.