Инфоурок / Начальные классы / Другие методич. материалы / Тәрбие сағаты "Мен оқушы атандым!" 1-сынып

Тәрбие сағаты "Мен оқушы атандым!" 1-сынып


библиотека
материалов

Тәрбие сағаты

Тақырыбы: Мен оқушы атандым!

Мақсаты: Мектеп, білім, алғашқы қоңырау ұғымдарының мағынасын түсіндіру.Білім алудың қажеттілігін ұғынуларына жағдай туғызу.Бір-бірімен , сыныппен, мұғаліммен таныстыру.

Көрнекілігі:Әріптер жазылған гүлдер, тақтаға ілінген сөздер :«Оқу- білім бұлағы, Білім-өмір-шырағы», «Мектеп-кеме, білім-теңіз», «Мектебің мынау-класың,Осында он жыл тұрасың, Тарыдай боп кіресің, Таудай болып шығасың!».Сынып іші шарлармен, гүлдермен безендірілген.

Мұғалім:

-Мектеп табалдырығын аттаған кішкентай ғана бүлдіршіндерім.Қадамдарыңа гүл бітсін. Білім әлеміне қош келдіңіздер.

Айқара ашқан есігін

Қайнары білім нұрының

Мектебің алтын бесігің

Жылы ұяң, міне сыныбың.

Міне осы сыныпта сендер 4 жыл бойы білім мен тәрбие аласыңдар.

Ал енді Білім күніне арналған алғашқы сабағымызды бастайық.Бүгінгі сабаққа сендерге ертегілер елінен қонақтар келіп отыр. Олар батыр жігіт Ертөстік пен айдай сұлу Айсұлу қыз .Ендеше алдымен өзімізді осында келген қонақтарымызға таныстырайық.

-Тақтада әріптер жазылған гүлдер ілінген және үстелде ақылды,ажарлы, арманшыл,адал,білімді,көңілді,әдепті,еңбекқор,еңбекқұмар,елгезек,елжанды, намысшыл, жайдары, тәртіпті, тәрбиелі, рақымшыл, дарынды деп жазылған қағаздар дайындалған.

-Кімнің аты А әрпінен басталады?

Тақтаға Айдынгүл шығып өзінің әрпі жазылған гүлді және осы әріптен басталған сөзді таңдап алады да тақта алдында осы әріп пен сөзді алдына ұстап тұрады. Сонда

А яғни Айдынгүл-ақылды

Осылайша барлық балалар тақтаға шығып тұрғанша жалғасады.Мұғалім тағы бір рет дауыстап әрқайсысы жайлы оқып береді.

Айдынгүл-ақылды,Ақжан-ажарлы, Амиржан-арманшыл,Аяулым-адал,Бекзат-білімді,Күлсінай-көңілді,Әділжан-әдепті,Ернар-еңбекқор,Елдар-еңбекқұмар,Елік-елгезек,Еркежан-елжанды, Назерке-намысшыл, Жанерке-жайдары, Томирис-тәртіпті, Тахмина-тәрбиелі,Риза- рақымшыл, Данияр-дарынды.

-Өте тамаша.Барлығымыз бүгінгі оқушы атанған балалармен таныс болдық.Енді орындарыңа отыруларыңа болады.

-Аленді сабағымызға көшелік.

-Балалар біздің еліміз қалай аталады?

-Қазақстан.

-Мына суреттер бойынша кім әңгімелеп бере алады?

( елтаңба, ту, елорда туралы балалар білетіндерін айтады, мұғалім толықтырады.)

-Өте жақсы.

-Кәне Отан, ел, туған жер туралы кім өлең оқып бере алады?


Қазақстан-Отаным

Туған жерім киелім

Арттырып даңқын, атағын

Туына бас иемін

Құрметтеймін жерімді

Өзен-көлін, нуын да.

Қастерлеймін елімді

Әнұранын туын да

Отанды біз атамекен

Деп аялап атаймыз

Өйткені оны мекен еткен

Бабамыз бен атамыз.

Алтын дәнді даласы бар

Ақ күмістей қаласы бар

Неткен сұлу, неткен көркем !

Осы менің туған өлкем!

-Бәрекелді! Жарайсыңдар!

-Осындай тәуелсіз еліміздің сендер сияқты талай бүлдіршіндері бүгін мектеп партасына отырып оқушы атанды.

-Ал сендер мектепке не үшін келдіңдер?

-білім алу үшін, жазу үшін, оқып үйренуге,сурет салуды үйренуге т.б.

-мектепке бару үшін қандай оқу құралдары қажет екенін білесіңдер ме? Ол туралы сендермен Ертөстік ойын өткізгісі келеді.Ертөстіктің сандығында түрлі заттар бар. Қазір мен бір-бірлеп осы заттарды аламын.Егер осы зат оқу құралы болса шапалақтайсыңдар, ал басқа зат болса үндемейсіңдер.

-Бәрекелді балалар.Ертөстік сендерге өте риза.Оқу құралдарын түгел таниды екенсіңдер

-Бүгін сендерге келген Айсұлу да құр қол келмеген екен.Айсұлу сендерге өзінің жұмбақтарын ала келіпті. Жұмбақты шешу үшін алдымен мына Айсұлудың қоржынан қажет тапсырманы аламыз. Сосын оны шешеміз.

Жұмбақтар

Бiлiмнен мол сый-асы,

Балғындардың ұясы.    (Мектеп)


Бiлiмнiң жол басшысы,

Шәкiрттiң қолбасшысы.  (Мұғалiм)


Шәкiртке жанашыр,

Мейiрман кiм, жаны асыл?   (Ұстаз)



Ұшымен қазық

Тор көздi жазық.

Үстiне өттiм,

Асыл сөз жазып.   (Дәптер)


Кiшкене құдықтан,

Найза ұшты шыбығым,

Су iшiп құныққан.    (Сиясауыт)


Қысқа таяқ дiңi бар,

Шиырлаған iзiнде

Сайрап тұрар тiлi бар.   (Қарындаш)


Тiл жоқ өзiнде,

Сөзi бар iзiнде.   (Қаламсап)


Бар ойынды жиямын,

Ақ қағазға құямын.   (Сия)


Сағат сайын қағылады,

Тек мектептен табылады.   (Қоңырау)


Бөлiнгендi табыстырып,

Бiрiктiрсе қабыстырып.

Жымдастырған жiгiт де,

Байқамайсың түгiн де.   (Желiм)


Жұқа тақтай бөлшегi,

Ұзындықтың өлшемi.   (Сызғыш)


-Өте ақылды екенсіңдер.Жарайсыңдар!

Мінекей сендер өздеріңнің оқушы деген атқа лайық екендіктеріңді көрсеттіңдер.Ендеше бүгінгі сабағымызды өздеріңнің жаттаған тақпақтарыңмен қорытындылайық.


1-оқушы: Сәлем, саған мектебім,
Алғыстарым көп менің.
Оқу, білім, тәрбие
Ой санама еккенің.

2-оқушы: Қуаныш бүгін – мереке,
Шуағын шашып тұр әлем.
Мектепке келген алғашқы,
Жан досым, саған мың сәлем.

3-оқушы: Бірінші қыркүйек күні мен )
Аңқыған жұпар гүлімен
Келіп ем, қарсы алар мектебім
Сүйкімді қоңырау үнімен.

4-оқушы: Биыл мен де мектепке
Біріншіге барамын.
Мақтанбаймын мен текке,
Дайын дәптер, қаламым.

5-оқушы: Мектепке енді барамыз,
Біз оқушы боламыз.
Жақсы оқып сабақты,
Кілең бестік аламыз.

6-оқушы: Алдыңа келіп, ұстазым,
Тұңғыш қалам ұстадым.
Күлімдеген көзіңнен
Мейіріңді сезіндім.

7-оқушы: Отанның біз ұл-қызы,
Халықтың біз жұлдызы.
Оқимыз ақын-жырларын,
Оқимыз еңбек сырларын.

8-оқушы: Сылдырлайды, сыңғырлайды
Мектеп жақта қоңырау.
Ұмытпаймыз бұл бір айды,
Гүлге толы омырау.



-Рахмет балалар! Осымен бүгінгі білім күніне арналған сабағымыз аяқталды.

(Соңында құттықтаулар)

Только до конца зимы! Скидка 60% для педагогов на ДИПЛОМЫ от Столичного учебного центра!

Курсы профессиональной переподготовки и повышения квалификации от 1 400 руб.
Для выбора курса воспользуйтесь удобным поиском на сайте KURSY.ORG


Вы получите официальный Диплом или Удостоверение установленного образца в соответствии с требованиями государства (образовательная Лицензия № 038767 выдана ООО "Столичный учебный центр" Департаментом образования города МОСКВЫ).

Московские документы для аттестации: KURSY.ORG


Краткое описание документа:

 

Бұл тәрбие сағатын 1-сыныптағы алғашқы сабақ ретінде өткізуге болады. Тәрбие сағатының негізгі мақсаты оқушыларға  мектеп, білім, алғашқы қоңырау ұғымдарының мағынасын түсіндіру.Білім алудың қажеттілігін ұғынуларына жағдай туғызу.Бір-бірімен , сыныппен, мұғаліммен таныстыру.Мектептегі алғашқы күн естерінде қалатындай әсер беру.

 

 

 

 Дайындық барысында сыныптың ішін шарлармен, әсем гүлдермен безендіру керек, тақтаға «Оқу- білім бұлағы, Білім-өмір-шырағы»,  «Мектеп-кеме, білім-теңіз»,  «Мектебің мынау-класың,Осында он жыл тұрасың, Тарыдай боп кіресің, Таудай болып шығасың!» сияқты сөздерді ілу.

 

 

Сондықтан бұл материал бастауыш сынып мұғалімдеріне көмек болар деп ойлаймын.

 

 

 

 

 

 


 

Бұл тәрбие сағатын 1-сыныптағы алғашқы сабақ ретінде өткізуге болады. Тәрбие сағатының негізгі мақсаты оқушыларға  мектеп, білім, алғашқы қоңырау ұғымдарының мағынасын түсіндіру.Білім алудың қажеттілігін ұғынуларына жағдай туғызу.Бір-бірімен , сыныппен, мұғаліммен таныстыру.

 


 

Мектептегі алғашқы күн естерінде қалатындай әсер беру.Сондықтан бұл материал бастауыш сынып мұғалімдеріне көмек болар деп ойлаймын.

 


 

 

 


 

 

 


 

 

Общая информация

Номер материала: 112338

Похожие материалы



Очень низкие цены на курсы переподготовки от Московского учебного центра для педагогов

Специально для учителей, воспитателей и других работников системы образования действуют 60% скидки (только до конца зимы) при обучении на курсах профессиональной переподготовки (124 курса на выбор).

После окончания обучения выдаётся диплом о профессиональной переподготовке установленного образца с присвоением квалификации (признаётся при прохождении аттестации по всей России).

Подайте заявку на интересующий Вас курс сейчас: KURSY.ORG