"Туристік маршруттар. Туристік маршруттарды құрастырудың жолдары" тақырыбындағы сабақ жоспары

Сабақтың  тақырыбы:

Сабақтың мақсаты: Туристік маршруттар. Туристік маршруттарды құрастырудың жолдары

Білімділік : Жамбыл  облысының туристік маршруттары,туристік маршруттарды құрастырудың жолдары туралы  оқушылардың  танымын  арттыру.

Дамытушылық: Оқушыларды өз бетінше  ізденуге  шығармашылыққа  ,өз ойын  еркін  жеткізуге ,зерттеудің маңыздылығын  білуге, өз білімін тереңдетіп отыруға  дағдыландыру.

Тәрбиелік: Оқушылардың  өзінің жеріне, отанына деген сүйіспеншілігін арттыру.

Сабақтың типі: Жаңа білім беру

Сабақтың түрі: аралас

Әдісі:түсідіру,  сұрақ – жауап, сатылай кешенді талдау.

Пәнаралық байланыс: география, археология, этнология

Көрнекілік: суреттер, карта

Күтілетін нәтиже: Жаңа тақырыпты толық игеру

Сабақтың жоспары    I. Ұйымдастыру кезеңі

     II Үй тапсырмасын тексеру                          

          III Жаңа сабақ

        IV  Жаңа сабақты бекіту

          V   Қорытындылау,

         VI  Бағалау

          VIІ  Үйге тапсырма.

Сабақтың барысы:  І.Ұйымдастыру кезеңі

• Оқу құралын тексеріп түгелдеу
• Оқушылар зейінін сабаққа аудару

ІІ Үй тапсырмасын сұрау:

Сұрақтар  қойып  жауап  тыңдау.

Жаңа  сабақ:

Президент Нұрсұлтан Әбішұлы Назарбаев Республикамыздың әлемдегі бәсекеге барынша қабілетті 50 елдің қатарына ену стратегиясын айқындап, елу елдің қатарына кіру үшін 7 кластерді дамыту керек екендігін атап көрсетті. Бұл жеті кластердің бірі – туризм кластері. Туризм – әрі экономика, әрі саясат Мемлекет басшысының туризм кластерін дамыту арқылы Қазақстанның халықаралық беделін көтеру, сала жұмысының тиімділігін арттыру арқылы оны табыс көзіне айналдыру жайлы үкімет алдына мәселе қойып отыр. Туризм бүгінгі күнде жай ғана демалыс емес, қай мемлекетте болмасын шағын және орта бизнесті дамытатын қозғаушы күш. Бұл сала сонымен қатар, валюттік түсімдердің қайнар көзі әрі жергілікті халықты жұмыспен қамтамасыз етудің де құралы. Әлемдік статистика мәліметтеріне сүйенер болсақ, келген турист қай елге болмасын орта есеппен мың доллар көлемінде қаржы түсіріп, тоғыз адамды жұмыспен қамтамасыз етуге мүмкіндік береді екен. Жер бетінің ұлтарақтай ғана аумағын мекен еткен Андора, Лихтенштейн, Монако, Сан-Марино тәрізді егжейлі мемлекеттерден бастап әлемдік саясатқа ықпал жасап келе жатқан Ұлыбритания, Германия, Испания, Франция, Қытай, Канада тәрізді іргелі державаларға дейін туризмді экономиканың негізгі табыс көзі айналдырған.
Жерінің кеңдігі жағынан тоғызыншы орында тұрған Қазақстанның табиғаты ешбір елден кем емес екендігі бесенеден белгілі. Әр аймағы өзіндік қасиеттерімен ерекшеленетін біздің жеріміз батысы мен шығысы, солтүстігі мен оңтүстігі бірін-бірі қайталамайтын көрікке ие. Аспанымен бой таластырған қарлы шыңдар мен биік таулар, құмды, шөлді далалар, ну ормандар мен қалың тоғайлар, өзендер мен көлдердің де неше атасы біздің жерімізде орналасқан. 
Жамбыл облысында туризмнің барлық түрін дамытуға мүмкіншіліктер бар. Бастауын б.д.д. үшінші мың жылдықтан алатын Ұлы Жібек Жолының пайда болуы мен дамуы тарихи негіз болып табылады. Табиғи климаттық жағдайларына байланысты, Қазақстан рекреациялық ресурстарға, ерекше әсем табиғи ескерткіштерге бай және қазақ даласында ата-бабамыздан келе жатқан баға жетпес құнды мәдени мұралары да шексіз. Айтарлықтай туристік – ресурстық потенциалы, түрлі табиғи ортасы және жануарлар әлемі бай елдің экологиялық туризмді дамытуға үлкен мүмкіншілігі бар. Экотуризмнің дамуы облыстағы барлық табиғи-шаруашылық кешенніңдамуына, сонымен қатар, елдің әлеуметтік-экономикалық басты мақсаты тұрғындардың салауатты өмір сүру үшін қоршаған ортаның жақсы жағдайда болуын қамтамасыз етеді. 
Қолайлы табиғи-климаттық ахуал мен алуан түрлі мәдени-тарихи ресурстар танымдық, экологиялық, спорттық, сауықтыру және «тәуекелдікке толы» туризмді дамытуға септігін тигізері сөзсіз.

Ұлы Жібек жолының Жамбыл аумағындағы бөлігінде (Сайрам - Тараз - Ақшолақ - Ақыртөбе - Құлан - Мерке - Шу - Аспара - Қордай) қызықты тарих және мәдениет ескерткіштері орналасқан.  Бес ескерткіш (Шу ауданындағы Ақтөбе қалашығы, Рысқұлов ауданындағы Өрнек, Құлан қалашықтары, Байзақ ауданындағы Қостөбе қалашығы және Жамбыл ауданындағы Ақыртас кешені) ЮНЕСКО бүкіләлемдік мәдени мұралар тізіміне енген. Аймақтағы туризмді дамытуда «Ежелгі Тараз» жобасына басымдық беріліп отыр. «ЭКСПО-2017» көрмесін өткізу аясында шамамен 20 гектар аумақта  Тараздың орталық бөлігінде орналасқан бұл жобаны жүзеге асыру жұмыстары жүргізілуде.

IV  Жаңа сабақты бекіту

Оқушыларға  «Туристік  маршруттар»  тақырыбында  план жобасын  сызу..

         V  Бағалау

          VІ  Үйге тапсырма.Тақырыпқы оқып  келу.іздену,

Краткое описание документа:

Өлкетану 7 сынып курсы бойынша.Курстың мақсаты -оқушылардың туған өлкенің қалыптасуы мен дамуын кешенді сипаттайтын географиялық ,тарихи ,табиғи және басқа да факторлар туралы білімдерін қалыптастыру .

"Туристік маршруттар .Туристік маршруттарды құрастырудың жолдары" тақырыбы бойынша сабақ жоспары.

Қазақстан - халықаралық туризмнің құрамдас бөлігі .Туристік маршруттардың өңір экономикасының дамуына қосатын үлесі.