Мен Калдасбекова Айшат мектепте 1987 жылдан бері еңбек етіп келемін.
Мен 2001 жылы ТарМУ – дың «Химия және Биология» факультетін бітіргем 2001 жылдан бастап биология пәнінің мұғалімі қызметін атқарып келемін..
Химия - биология маманымын. Оқушыларға сапалы білім берумен қатар, оларды шығармашылық, ғылыми жұмыстарға баулуға айрықша көңіл бөлемін. Түрлі мектепішілік және аудандық, облыстық ғылыми-әдістемелік шараларға белсене атсалысудамын.
2005 жылдан оқушыларды ҰБТ-ға дайындауда жоғары жетістікке жетіп, оқушыларым жоғары оқу орнында грант иеленуде. 2005 жылы 5 оқушы ҰБТ-да тест тапсырып 80%, ал 2006 жылы 5 оқушы ҰБТ-да тест тапсырып 100 %, 2008 жылы 6 оқушы тест тапсырып 50%. 2009 жылы биология пәнінен 5 оқушы 80% , 2010 жылы 12 оқушы ҰБТ-да биология пәнінен 100%, 2011 жылы 5 оқушы тест тапсырып 100% білім сапасын көрсетті. 2012 жылы пән мұғалімі 13 оқушыны дайындаудады.100 % білім сапасын көрсетті.2013 жылы пән мұғалімі 1-алтын белгі,қалған 4-оқушыда 5-тік бағамен ҰБТ-да 100 %,білім сапасын көрсетті.
Сонымен қатар ол еліміздің жаңа білім беру реформасы «12 жылдық білім беруге көшу» арқылы шығармашылықпен дамыған жеке тұлғаны қалыптастыруға белсене атсалысып жүрген, жаңалыққа жаны құмар, тәжірибелі де үздік ұстаздарымыздың бірі.
Сонымен бірге Қалдасбекова Айшат 2006 жылдан бері бірлестік жетекшісі қызметін атқарып келеді. 2008 жылы ең үздік бірлестік жетекшісі байқауында ІІІ орын, 2011 жылы ең үздік бірлестік байқауында І орын иеленіп, еңбек кітапшасына алғыс жазылды. 2008 жылы оқушыларға сапалы білім, саналы тәрбие берудегі қажырлы еңбегі үшін аудандық білім басқармасының құрмет грамотасымен, 2009 жылы жас жеткіншектерді оқыту мен тәрбиелеудегі еңбегі үшін Нұр Отан ХДП алғыс хатымен, 2012 жылы VIII ші облыстық авторлық бағдарлама жұмысы үшін сертификатпен марапатталды. Көптеген мектепішілік және аудандық мақтау қағаздары бар.
2008 жылы биология пәні мұғалімдерінің II ші аудандық олимпиадасына қатысып жүлделі ІІ орынға ие болды. Биология пәнінен аудандық олимпиадаға қатысып оқушылары жүлделі орындарды иеленуде. 2010 жылы 9-сынып оқушысы Сағындық Ұлзана ІІІ орын, 2011 жылы 10-сынып оқушысы Бастаубай Ақжан ІІ орын, 9-сынып оқушысы Әсілбек Боранкүл ІІІ орын, 2012 жылы 10-сынып оқушысы Ысқақ Анар ІІ орынды иеленді. 2010 жылы облыстық экофорумға ғылыми жоба «Экология және адам денсулығы» байқауына 8-сынып оқушысы Бастаубай Ақжанға ғылыми жетекші болып жұмыстары облысқа өтті. Аудандық «Экология және балалар» атты оқушылардың зерттеу жұмыстары мен жобаларының аудандық экофорумға қатысқаны үшін пән мұғалімі алғыс хатпен марапатталды. Ал Бастаубай Ақжан ауданнан бірінші орын иеленіп, алғыс хатпен марапатталды.
Қалдасбекова Айшаттың жетекшілігімен мектепішілік ғылыми жоба байқауына Бастаубай Ақжан «Экология және балалар» І орын, Әсілбек Боранкүл «Витаминдер және олардың адам өміріндегі маңызы» ІІІ орын, Иманқұлова Жанат «Жуалы ауданының дәрілік өсімдектері» тақырыбында ғылыми жұмыс қорғап І орын иеленді. І орын иеленген оқушылар аудандық ғылыми жоба байқауына қатысты.
2012 жылы VIII ші аудандық «Ең үздік авторлық бағдарлама» байқауына қатысып, жұмыс облысқа өтті.Қалдасбекова Айшаттың «Жасыл дәріхана» атты авторлық бағдарламасы VIII ші облыстық «Үздік авторлық бағдарлама» байқауының қорытындысы бойынша облыс көлемінде таратылуға ұсынылды және сертификатпен марапатталды. Жұмысының нәтижесі облыстың Білім шуағы газетінде қаңтар айында жарияланды.
Қалдасбекова Айшат оқу үрдісінде оқушының логикалық ойлау және танымдық қабілетін арттыруға ықпал ететін ойындарды, интерактивті тақтаны, иллюстрацияларды, түсіндірмелі тірек-сызбаларды, электронды оқулықтарды ұтымды пайдаланады. Осының айғағы ретінде биология пәнінен «Витаминдер және олардың маңызы», «Тыныс алу мүшелері», «Иммунитет, қан құю, қан топтары», «Генетика және оның зерттеу әдістері», «Ашық тұқымды өсімдіктер» тақырыбындағы сабақтарын атауға болады. Өтілген сабақтарым өте жақсы деп бағаланды.
Сонымен қатар «Білекті бірді, білімді мыңды жығар» атты интеллектуалды ойын, мектепішілік «Өз денсаулығың, өз қолыңда», «Зиянды әдеттер» тақырыбында дөңгелек үстелдер өткіздім.
