- Татышлинский вестник - http://tatvestnik.ru -

С победой, Алина!

Ежегодно в целях выявления одаренных детей и повышения их исполнительского мастерства в республике проводится традиционный конкурс юных дарований «Весенняя капель».

На заключительном туре конкурса в г. Дюртюли, где участвовало 400 детей из различных городов и районов республики, честь нашего района защищала Алина Гильманова, обучающаяся объединения «Вокал» из с.Новые Татышлы (руководитель Татьяна Марданова, аккомпаниатор Александр Галиев). Она исполнила русскую народную песню «Гармонь моя». Несмотря на свой юный возраст, Алина блестяще выступила под аккомпанемент баяна, что сегодня редко встречается даже на профессиональных конкурсах. Умение держать себя на сцене, особое исполнительское мастерство поразило жюри,и Алина достойно одержала победу на конкурсе. Она награждена Почетной грамотой Министерства образования и подарочным сертификатом.От души поздравляем тебя, Алина, с победой и желаем новых творческих успехов!

Светлана АХУНОВА, методист Центра детского творчества.

МОСКВАЫН ОРТЧИЗ ГЕРБЕР

Туэ Москваын Удмуртилэн арез ортче. Вераны кулэ, 2015-тӥ ар Удмурт Элькун понна котыр ласянь узыр луэ. Кылсярысь, куартолэзе дано композиторлэн Пётр Чайковскийлэн вордӥськемез дырысен 175 ар тырмиз. Коньывуонэ Удмуртия кунлыксэ басьтэмез дырысен 95 ар тырмонзэ пусъёз. Солы сӥзьыса шаермылэн шоркараз пӧртэм ужрадъёс ортчылозы: котырес ӝӧк сьӧрын вераськонъёс, конференциос, адӟытонъёс но мукет. Нош 25-тӥ пӧсьтолэзе Москваын улӥсь удмуртъёс Герберын шулдыръяськизы. Люкаськем калыклы њечкылан кылъёсын вазиськиз УР-лэн Тќроез А. В. Соловьёв.

«Музеон» искусствоосъя парке трос калык люкаськиз. Удмуртилэн Тӧроезлэн Россиысь Президент бордын ужаны оскем муртэз Светлана Смирновалэн кылъёсызъя, татчы Татарстанысь, Башкортостанысь, Киров улосвылысь, Пермь шаерысь, Удмуртилэн пӧртэм ёросъёсысьтыз, Москва но Москва улосвылысь, Санкт-Петербургысь но мукет интыосысь удмуртъёс люкаськизы. Озьыен, Москва городлэн Правительствоеныз но Удмурт Элькунысь Правительствоен радъям шулдыръяськон 10 сюрслэсь трос калыкез люказ. Та выллем шулдыръяськонэз Москваын улӥсьёсты но куноосты удмуртъёслэн сям-йылолъёсынызы, культураенызы тодматон вылысь ортчытыны чакламын.

Шулдыръяськон улсын, Брангуртысь песянайёслэн, Москваысь «кизилиослэн» но Удмурт Элькунысь но Россилэн пӧртэм сэрегъёсысьтыз кырӟан-эктонъя устоосызлэн коллективъёслэн концертсы ортчиз.

Татын Башкортостанысь удмурт культуралэсь азинскемзэ возьматӥзы Татышлы ёросысь Кызыл-Яр гуртысь «Марӟан» калык ансамбль но Выль Татышлыысь апай-сузэръёс Линда но Алина Гильмановаос. Марӟанъёсты Москвае ӧтён бадӟым юбилеязы аспӧртэм кузьым выллем луиз – туэ соос кылдэмзы дырысен 20 ар тырмонзэс пусъёзы. Герберын марӟанъёс башкир удмуртъёслэсь кырӟанъёссэс но такмакъёссэс быдэстӥзы. Нош Гильмановаослэсь, «Сузэръёс-туклячиос» композицизэс сяна, учкисьёс Алиналэсь «Мы будем вместе» но «Мемие», Линдалэсь «Ивана-купала» кырӟанъёссэс шуныт пумитазы. Пермь шаерысь Куеда ёросысь Бадӟым Гондырысь «Тюрагай» калык ансамбльлэн но кырӟан-эктонъёсыз учкисьёслэн сюлэмазы кельшизы. «Шулдыръяськон туж кельшиз, учкисьёс котькуд ансамблез но кырӟасьёсты шуныт пумитазы», - верало кырњась-эктћсьёс. Алина но Линда Гильмановаослэн, «Марњан» ансамбльлэн кивалтӥсьёссы Татьяна Марданова но Наталья Гайниярова Гербере вуылыны юрттэмзы понна Ижевскысь Камсьӧр удмуртъёслэн огазеяськонэнызы кивалтӥсьлы Ф. А. Чибышевалы, УР-ысь Калыкъёслэн эшъяськон юртазы ужасьлы Д. В. Корепановлы, Татышлы ёрос администрациен кивалтћсьлы Р. К. Гараевлы, ёросысь культурая управлениен кивалтӥсьлы С. Г. Гарифуллинлы, БР-ысь удмуртъёслэн НКЦ-енызы кивалтӥсьлы Р. Б. Галямшинлы, БР-ысь «Издательский дом «Республика Башкортостан» ГУП-лэн Татышлинский информационный центр филиалэзлэн директорезлы (валтћсь редакторезлы) Р. Г. Гараевалы, Ошмес» газетлэн валтӥсь редакторезлы А. Г. Зайноковлы тау каро.

Куноос концерт учкем сяна, удмурт калык сиёнъёсты (перепеч, табань но ӝук) веръяны быгатӥзы, эктонъя, шудонъёсъя мастер-классъёсы пыриськизы, пӧртэм киужъёсын тодматскизы. Нош ӝытазе этнодискотека радъяськиз. Москваын ортчем нырысетӥяз Гербере удмурт калыкез шулдыртыны вуизы Россиысь калык артистка Варвара, Россиысь калык артистка Надежда Крыгина, Россиысь калык артистка Лариса Трухина, Россиысь сӥё-дано артистка, Удмуртиысь калык артистка Анна Плотникова но мукетъёс.

Ольга НИГАМАТУЛЛИНА.

СЮЛМАЗЫ КАЛЫК КЫРӞАН ГУРЪЁС КУРИСЬКО

Таиз арысь «Чакара» Выль Татышлы школаын дышетскись Алина но Линда Гильмановаослэн (туспуктэм вылын паллянысен буре) кемалы тодазы кылёз. Сузэръёс нырысьсэ улосвылкуспо фестивале пы¬риськизы но жингрес куарао-сынызы паймытӥзы. Нылъёс нырысь туала пиналъёслэсь калык кырӟанзэс возьматӥзы, нош собере – вашкалае «вамыштӥзы». Озьы сцена вылын кык туклячиос пумиськизы. Та вакытэ тросэз ӧз но малпалэ, дыр, учкисьёсты кыкетӥ но сизьыметӥ классын дышетскись нылъёс шулдырто шуыса.

Нылъёсты «Чакарае» дышетӥсьсы Т. Д. Марданова но гуртысь культура юртэн кивалтӥсь З. И. Фархутдинова дасязы. «Милемлы тужгес кельшо калык кырӟанъёс», - вера Линда Гильманова. Соин, вылды, таяз ужрадэ но соос шумпотыса пыриськизы. Нылъ­ёслы отчы вуылыны коньдонэн «Ошмес» газетлэн редакциез юрттӥз. Фестиваль сузэръёс­лэсь бадӟым быгатонлыксэс усьтӥз, оскиськом, азьланяз но соос учкисьёслы шулдыр кырӟанъёссэс кузьмалозы.

Антонида ШАЙБАКОВА.

Татышлы ёрос.