Биология пәнін өзін-өзі тану пәнімен интеграциялау
7 сынып
Тақырыбы: Қой шаруашылығы-мал шаруашылығының негізгі саласы
Құндылық: Дұрыс әрекет
Қасиеттері: еңбексүйгіштік, қайырымдылық, ұстамдылық
Халқымыздың тұрмыс-тіршілігі, күнкөріс көзі қой шаруашылығымен тікелей тамырласып жатыр. «Мал өсірсең қой өсір, өнімі оның көл көсір» сөзде терең ұғым бар. Қой жүнінен әжелеріміз текемет басып, иіріп шұлық, мойын орағыш, қолғап ,жылы жемпір тоқыған. Оны қыздарына , немерелеріне,келіндеріне үйреткен. Сондықтан да «Ана көрген тон пішер, әке көрген оқ жонар» мақал осыдан қалған. Ата –бабамыз қойды қастарлеген «Қойдың сүті қорғасын , қойды тепкен оңбассың» деп өсиет қалдырған. Қой да киелі түліктің бірі болып саналады. Оның пірі Шопан ата, сондықтан да «Шопан атадан» тілеу тілегенде «Малды берсең ,қойды бер» деп өтінген. Немерелерін жақсы көрген ата-әжелеріміз балаларын, немерелерін еркелетіп қошақаным, қоңыр қозым деп еркелетіп, балаларына Марқабай, Қошқарбай деп есімдерін қойған.
Ежелгі Қазақстан тарихы пәнін өзін өзі тану пәнімен интеграциялау
6 сынып
Тақырыбы: Үйсіндердің көрші халықтармен қарым-қатынастары
Құндылық: ішкі тыныштық
Қасиеттері: сыпайылық,сабырлылық, кеңпейілділік
Б.з.д. ІІ-І ғасырларда Үйсін мемлекетінің Қытай үкіметімен қарым қатынастарының өзара келсімге келуі арқылы еікі елдің арасында тыныштық орнады. Халықтарды біріктірген достық көпірі бола білген сауда жолы тыныштықтың символы деп білеміз. Елшілер –бейбітшілік пен тыныштық сақшысы , өзара келісімге келудің төте жол. Мінезі жібектей деген теңеуден жұмсақтықты, мейірімділікті және төзімділік арқасында жан тыныштығына ұмтылуды байқаймыз.
Жаратылыс пәнін өзін-өзі тану пәнімен интеграциялау
5 сынып
Тақырыбы: Судың маңызы Құндылық: ақиқат Қасиеттері: шыншылдық, қамқорлық, адалдық Судың тірі организмдер үшін маңызы зор. Ол болмаса тіршілікте жоқ. «Су-өмір көзі» , су-жанға сұлулық береді, көңіліңді көтереді , тазалық көзі, шынығу көзі, су- тағам, табиғатқа сән, өмірге мән береді.
Табиғаттың көркін ажарландырып, жер бетін саялы баққа айналдыратын, адамға қорек нәр беретін байлық көзінің бірі- су. Бүгінгі таңда, өзен, көл, теңіз жағалауларының, арық жағасының таза болмауы адамдардан суға тиіп отырған зияндық. Одан су ластанады ,таза су ішпеген ,таза суда шомылмаған халық науқастанады. «Судың да сұрауы бар» дегендей, суды үнемдеу, су жағалауларын таза ұстау, қамқорлық жасап, денсаулығымызды сақтау өз қолымызда екендігін естен шығармау қажет. Судың қасиеттері қаншалықты көп болса, адам бойында соншалықты құндылық
тар көп болады.
«Өз өмірің өз қолыңда» -демекші әркім өз тағдырын өз қолымен жасайды.
Адам – бұл дүниеге қонақ, оның өмірі өткінші, сондықтан ол артынан ылғи да жақсы сөз бен жақсы ісін қалдырып отыруы қажет. Бұл үшін ол әр кез жаман қылықтан сақтанып, адалдықпен жүріп-тұруы тиіс. Екі жүзді болмай, сөз бен істі бір жерден шығару керек. Жүсіп Баласағұн
Дүниетану пәні мен өзін-өзі тану пәнін интеграциялау.
3 сынып
Тақырыбы: Адам және табиғат
Құндылық: Қиянат жасамау
Адам мен табиғаттың бірлігі, табиғаттың адам дамуына жағымды әсері туралы түсініктері болуы, қоршаған ортаға саналы түрде ұқыптылықпен қарым – қатынас жасай алуы; Мысалы: “Табиғатсыз адамзаттың күні жоқ, оны айтуға табиғаттың тілі жоқ” деген мақалдың мәнін ашу.
Ішкі интеграцияла: егер біз табиғатты дұры саялап, сақтай білсек қана табиғаттан алатын нәрселерімізді ала аламыз деп балаларды дұрыс әрекет жасауға, табиғатқа сүйіспеншілікпен қарауға, табиғатқақиянатжасамауға, ішкітыныштықтарынсақтайбілуге үйрету арқылы түйіндеу.
Дүниетану пәні мен өзін-өзі тану пәнін интеграциялау.
2 сынып
Тақырыбы: «Жыл мезгілдері »
Құндылығы: Сүйіспеншілік
Қасиеттері: риясыздық, мейірімділік, кешірімділік
«Қыс», «Жаз» мезгілінде болатын табиғаттағы өзгерістерді адам бойындағы қасиеттерімен байланыстырып жазу. «Қыс» — қатал, суық, ешкімді аямайды, боран.
«Жаз» — мейірімді, жайдарлы, жылы, ашық
Сіздерге жылдың қай мезгілдері ұнайды? – деп сұрай отырып, ендеше біз мейірімділік, шыдамдылық, сабырлылық қасиеттеріне тән сипаттар арқылы жан-жағымыздағы адамдарға күн нұрының жылуындай жақсы қасиеттерімізді тарата білейік деймін.