Өзін-өзі тану пәнінен сабақ жоспары 7-сынып

Мектеп: Ембі  қалалық №2 орта мектебі

Мерзімі:   04.04.2018ж

Пәні:       «Өзін-өзі тану»                    

Мұғалімі: Тугелбекова  А.М.         Сыныбы: 7      Оқушылар саны: 18

Сабақ: №29

Тақырыбы: «Адам жасампаздығы»

Құндылығы: сүйіспеншілік

Қасиеттер:    сыйластық, ішкі үйлесімділік, мейірімділік

Сабақтың мақсаты: Оқушыларға "жасампаз","жасампаздық" ұғымын түсіндіру арқылы,сүйіспеншілік құндылығының мәнін ашу. Міндеттері: • оқушыларға "шабыт","сұлулық","үйлесімділік" ұғымдарын тіршіліктің біртұтастығы арқылы жасампаздықпен байланыстыра отырып түсіндіру; •өзара және айналамен мейірімді қарым-қатынас жасау қасиеттерін дамыту;   • сыйластыққа,мейірімділікке,ішкі үйлесімділікке тәрбиелеу;	Ресурстар: (құралдар, мәлiметтер) слайд,өлеңнің аудио дискісі
Сабақ барысы: 1.Ұйымдастыру кезеңi.  Сәлемдесу     Оқу құралдарына назар аудару. 5 «Т» ережесі 1. Тәртіп 2. Талап 3. Тыныштық 4. Тазалық 5. Татулық  Тыныштық сәтi. «Нұрға бөлену» Ыңғайланып отырыңыздар, денелеріңізді түзу ұстаңыздар. Аяқ - қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін. Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гул түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек - қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түседі. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басының түгелдей нұрға бөленіп, басыңызға тек ізгі, сәулелі ой келеді. Нұр бірте - бірте қарқын және шұғылана бастайды, сіздің денеңізден шығып жан - жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей ренжіп жүрген адамдарға да бағыттаңыз, Олардың да жүрегі нұрға толсын. Осы нұр бүкіл әлемге: Барлық адамдарға, жан - жануарларға өсімдіктерге барлық тірі жанға таралсын.... Ғаламның барлық түпкір - түпкіріне нұр бағыттаңыз. Ойша айтыңыз: “Мен нұрлымен... Нұр менің ішімде... Мен Нұрмын”. Осындай Нұр, Махаббат және Тыныштық күйінде отыра тұрыңыз... Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. Жаймен көзіңізді ашуға болады.  3.Үй тапсырмасын тексеру. Үй тапсырмасына 29 сабақ  «Бірден-бір сұлулық» әңгімесі. - Баланың ешкімге,ешнәрсеге ұқсамайтын сыйлық жасағысы келуінің себебі неде? -Данышпанның балаға берген ақылынан қандай жасампаздықты көріп тұрсыңдар? -Егер бала данышпанның ақылын тыңдап,соны орындаса,жасампаз бола ала ма ? Неліктен? -Адамның жасампаздығы ізгілікке бағытталғанда әлем қандай болады деп ойлайсыңдар? -Өзің әлемді өзгерту үшін қандай жасампаздықтар жасайтың едің?	Сабақ барысын талдау:
4.Дәйексөз. …Тегінде адам баласы адам баласынан ақыл,ғылым,ар,мінез деген нәрселермен озады.Онан басқа нәрселермен оздым ғой демектің бәрі де-ақымақтық. Абай      Дәйексөздің  мағынасын қалай түсіндіңдер? Ұлдар 2-рет, қыздар 2-рет, бәрі бірге қайталайды
5.Мұғалім сыйы: "Жастар жасампаз елдің болашағы" видеоролик
6.Шығармашылық жұмыс, топтық жұмыс. I топ 3-тапсырма бойынша Ш.Құдайбердіұлының  Қайырымдылық әңгімесін рөлдерге бөліп,сахналап көрсетіп,өз ойларымен өмірмен байланыстырып аяқтайды. II топ 4 тапсырма бойынша Шәкәрімнің рухани бейнесі немесе Менің рухани бейнем тақырыбына шағын жазбаша қорытынды жасайды.
7. Топпен ән айту Отан Мұқағали Мақатаев Мен оның түнін сүйем, күнін сүйем, Ағынды өзен, асқар тау, гүлін сүйем, Мен оның қасиетті тілін сүйем, Мен оның құдіретті үнін сүйем. Бар жәндігін сүйемін қыбырлаған, Бәрі маған: «Отан!» деп сыбырлаған Жаным менің, Кеудемді жарып шық та, Бозторғайы бол оның шырылдаған! Отан! Отан! Бәрінен биік екен. Мен оны мәңгілікке сүйіп өтем. Отанды сүймеуің де күйік екен, Отанды сүйгенің де күйік екен.
8. Үй тапсырмасы. №29сабақ. 117-118бет. Брюссель трамвайында  Джон Максвелл Кутзее
9. Сабақтың қорытынды  минуты Баяу әуен қою Көзімізді жұмып, еркін жайғасайық.Бүгінгі  сабақтан алған барлық айтылған жақсы ойларды, әсерлеріңді жүрегімізге орналастырайық!Жаймендеп көзімізді ашуға болады!