"Қияр мен қырыққабат" ертегі

Мектепалды даярлық тобындағы ұйымдастырылған оқу қызметінің конспектісі

Конспект организованной учебной деятельности в подготовительной группе

Өткізу күні/Дата проведения:

Тәрбиеші/Воспитатель:

Білім беру саласы/Образовательная область: Коммуникация

Пән/Предмет: Драма

Өтпелі тақырып/Сквозная тема:  «Күзгі гүл шоғы»

Тақырыбы/Тема: «Қияр мен қырыққабат»  

Мақсаттары/Цели:

1.Тәрбиелік – воспитательная: Балаларды мейірімділік, адамгершілік, достық  қасиеттерге тәрбиелеу.

2.Дамытушылық – развивающая: Ертегі желісі бойынша құрылған іс – әрекеттерін келтіру, шығармашылық қабілеттерін дамыту.

3.Оқыту – обучающая: Таныс сюжеттер бойынша ертегілерді драмалауға, барлық дыбыстарды анық және әртүрлі қарқында дыбыстауға жаттықтыру. Дидактикалық ойын: «Көкөністерді тез жина»

Педагогикалық технологиялар/пед.технологии: денсаулық сақтау технологиясы, ойын технологиясы.

Ресурстармен қамтамасыз ету/Ресурсное обеспечение:  кірпі, себет толы көкөніс муляждары, ертегі мазмұнына сәйкес суреттер, қияр мен қырыққабат маскасы.

Көптілділік/Полиязичие: қияр – огурец - cucumber, қырыққабат – капуста - cabbage

Ұйымдастырылған оқу қызметінің барысы

1.Ұйымдастырушылық кезеңі/организационный момент:

Ғажайып сәт: Балалар, бізге орманнан  себет толы  көкөнісі бар кірпі келе жатыр екен. Кірпі жолда келе жатып, құлап себетін төгіп алыпты. Кәне бәріміз кірпіге көмектесейік. 

Дидактикалық ойын: «Көкөністерді тез жина»

Шарты: жерде жатқан көкөністерді жинап, себетке салады. Әр бала жинаған  көкөністерін қолдарына алып, қатты, дәмді, тәтті, ащы –қышқыл зат екенін ажыратып атайды. Мысалы: сәбіз –қатты, сопақша. Қызанақ –жұмсақ,қызыл, домалақ.

2.Негізгі бөлім/оснавная часть:

Балалар, көкөністерді жылдың қай мезгілінде жинап аламыз екен. Оны мына өлең жолдарынан біліп аламыз. Қане бәріміз тыңдайық:

«Көңілді бақша»

Шолып едім бақшаны,

Көкеніс біткен көңілді.

Жасыл, сары, қызыл, көк,

Сан –алуан көкөніс

Күзгі бақта күлімдеп

Көз тартады желімдеп.

- Өлеңде не туралы айтылған?

-Көкөністер  қайда өседі?

Балалар кірпі сендерге жұмбақ жасырамын дейді. Тыңдап көрейік.

Жұмбақ жасыру:

Қабат – қабат тоны бар,

Аласа ғана бойы бар (қырыққабат).

Жап-жасыл, сопақ дақыл жерде жатыр,

Дер кезінде жинамасаң,сарғайып кетер батыр. (Қияр)

Көптілділік: қияр – огурец - cucumber, қырыққабат – капуста – cabbage

Сергіту сәті: «Қияр мен тышқан»

Балалар сендер қиярдың қабығында бүршіктер қалай пайда болғанын білесіңдер ме?

Ендеше, мен сендерге қызықты ертегі айтып берейін. Мұқият тыңдаңдар.

 «Қияр мен қырыққабат» ертегісі

Ертеде қияр мен қырыққабат қол ұстасқан дос болыпты. Бір күні екі дос суға шомылуға өзенге келіпті. Келген бетте қияр шешініп, суға күмп беріпті де, жүзе бастапты. Қырыққабат бір-бірлеп, қабат-қабат «көйлегін» шешкенше күн де батып, қас қарайыпы. Осыған дейін су ішінде қалшылдап тұрған қиярдың терісі әбден күлдіреп кетіпті. Қиярдың қабағындағы бүршіктер, міне, содан пайда болыпты.

Ертегіні талдау:

-Ертегі не туралы?

-Қияр не істеді?

-Қиярдың іс – әрекеті дұрыс па?

-Неге ол досы қырыққабатқа көмектеспеді?

-Қиярдың бүрі неден қалған екен?

Балалар өздерің ертегіні сахналап көргілерің келе ме?

Балалар қияр мен қырыққабаттың маскасын киіп, ертегі желісі бойынша ертегіні сахналайды.

Жеке жұмыс: Бағланды, Амирханды  дыбыстарды анық және әртүрлі қарқында дыбыстауға жаттықтыру.

3.Қорытынды/итоговая часть:

Кірпі: балалар сендер өте ақылды, білімді балалар екенсіңдер. Енді менің орманға қайтатын уақытым болды. Қош, сау болыңдар!

-балалар біз бүгін қандай ертегі тыңдадық?

-Қиярдың іс – әрекеті дұрыс болды ма?

Балалар сондықтан әрдайым досыңа көмек көрсету керек.

Балаларды мадақтау.