Ғабит Мүсірепов Жаңа достар 5-сынып

Солтүстік Қазақстан облысы

Уалиханов ауданы

Әуезов орта мектебі КММ

Қазақ тілі мен әдебиеті пәнінің мұғалімі

Сабыр Айгерім Қайратқызы

Сабақтың тақырыбы: Ғабит  Мүсірепов «Жаңа достар» (5-сынып)

Сабақтың мақсаты.

а) оқушылардың қазақ әдебиетінің классигі, көркем сөз зергері Ғ.Мүсірепов туралы мәліметтерін кеңейту, «Жаңа достар» әңгімесінің мазмұнын бекіту, мағынасы қиын сөздерге көңіл бөлу, кейіпкерлерге талдау жасау дағдысын  дамыту.

ә) оқушылардың пәнге деген қызығушылықтарын арттыру, көркем оқу шеберлігін, тілін, ой-өрістерін дамыту, прозалық шығарманы талдау дағдыларын дамыту, қосымша деректер арқылы дүниетанымдарын кеңейту.

б) оқушыларды адамгершілікке, ізгілікке баулу, достыққа, ұйымшылдыққа тәрбиелеу.

Сабақтың түрі: дәстүрлі сабақ.

Сабақтың типі: қайталау сабағы

Сабақтың әдісі: көркем оқу, әңгімелеу, сұрақ-жауап, талдау, топтық жұмыс, Кластер әдісі

Сабақтың көрнекілігі: Ғ.Мүсіреповтің портреті, шығармалар жинағы, үлестірме қағаздар

Пәнаралық байланыс: қазақ тілі, тарих.

Сабақтың барысы:

I. Ұйымдастыру.

II. Үй тапсырмасын тексеру.

III. Бекіту сабағын өткізу.

Әңгімені төмендегідей сұрақтар бойынша талдау.

Тапсырма. Шығарманы  ең басты мәселелер бойынша бөлімге бөлу. Үлгі:

1. Қайроштың ауылдан кетуі.

2. Қайроштың қалаға келуі.

3. Оның Шегенмен, Борашпен танысуы.

4. Достыққа апарар жолда.

5. Қаланың қызықтары мен шыжықтары.

6. Мария апайдың мейрімділігі.

7. Анамен қауышу.

8. «Оқу – білім бұлағы».

         Топ бойынша сұрақтарға жауап жазыңдар.

1-топ:

1. Шығарма қай кездегі өмірді суреттеп отыр?

2. Шегеннің портретін ашу үшін жазушы қандай теңеулерді қолданған?

3. Жайық өзені, Каспий теңізі көріністері мен Қайроштың көңіл күйінде қандай ұқсастық бар?

2-топ:

1. Мәтіннен Шеген мен Бораштың сыртқы  кескін-келбетін, мінез-құлқын, іс-әрекетін, тұрмыс-жайын суреттейтін көріністерді табыңдар?

2. Қайрош қалаға кіммен және неге қашып келеді?

3. Шеген Қайрошқа неге сеніммен қарайды, оған қандай қамқорлық жасады? Оған қандай шарт қойды?

3-топ:

1. Балалар күнкөріс жолында не істеді?

2. Қайрош балалар үйіне қалай әкелінді?

3. Қайрош ана құшағында қандай шаттық сезімге бөленді?

Тапсырма.

1-топ: Портрет дегеніміз не? Мәтіннен Шеген мен Бораштың портретін табу, дәптерге жазу.

2-топ: Пейзаж туралы түсінік беру (жаңа термин). Көркем шығармада суреттелетін табиғат  көрінісін пейзаж дейді. «Жаңа достар» үзіндісінен пейзажды табу.

(... Күн де батты. Теңіз үстіне қорғасындай басқан бір ауыр  тұман да көтерілді. Қара тұманның ауырлығынан теңіз беті қайысып, төмен түсіп кетекндей сезіледі...)

3-топ:  Кейіптеу дегеніміз не? «Жаңа достар» үзіндісінен кейіптеу табу.

(Қара көк Каспийдің бір сарынмен ғана дем алған ауыр ыңыранысы естіле бастады.

Алыстан жымын қағып, шақыра беретін қала оттарына да жақындап келем.

... Жайықты өрлей, әр бұтаны тасаланып, алыстан ыңыранғаны естіліп жатқан Каспийге қарай құлап келемін. Теңіз құшағына тез кіруге асыққан Ақжайық төтелеу жерден жол салам деп жарын талай сабалапты да, шалқаыйп кейін бұрылыпты).

Сабақты қорыту.

Ортақ тапсырма.

Шығармадан жазушы қолданған мақал-мәтелдерді теріп жазу.

(«Әліпті таяқ деп білмейсің», «Өлімнен ұят күшті».»Қарға баласын аппағым деп сүйеді»). Мағынасын түсіндіріңдер.

Үй тапсырмасын беру.

«Маған ұнайтын кейіпкер ...» тақырыбында эссе жазу. «Бала Шоқанды» оқу, мазмұндау.

Оқушы білімін бағалау.