Тақырыбы: «Адамзаттың ғарышты игеру
жетістіктері»
Білімділік
мақсаты:Оқушыларға адамзаттың ғарышты игерудегі
жетістіктері жайлы ақпараттар берумен қатар, өз
бетінше жұмыс жасау дағдысын меңгерту.
Тәрбиелік мақсаты:
Отан сүйгіштікке,жауапкершілікке, ұқыптылыққа,
ізденімпаздылыққа, тәрбиелеу, сөйлеу мәдениетін
қалыптастыру.
Дамытушылық
мақсаты:Оқушылардың іскерлігін, белсенділігін,
білім
дағдысын дамыту, шығармашылық ізденісін арттыру.
Сабақтың түрі:
топ аралық пікірталас.
Сабақтың әдісі:
интерактивті.
Пайдаланылатын
көрнекіліктер: слайдтар,фотосуреттер,видеофильмдер,
интерактивті тақта.
Пән аралық
байланыс: экология, химия,физика,тарих,медицина.
Пікірталасқа
қатысушы топтың құрамы:
1.Қорқыт ата
атындағы Қызылорда мемлекеттік университетінің оқушысы:
Досболов Әзиз.
2.Қызылорда
гуманитарлық университетінің оқушысы:Жакудаев Нариман.
3. И.Әбдікәрімов
атындағы аграрлық техникалық колледжінің оқушылары:
Файзрахман
Таңшолпан, Өрқара Ақерке.
4. Төрешілер:
Мукеев Азамат
Меңлібаев Еркебұлан
Тоқтықбаева Ғазиза
Қаралатын
сұрақтар:
1.Адам және ғарыш.
2. Адамзаттың
ғарышты игеру жетістіктері.
3.Ғарышты игерудің
қоршаған ортаға тигізетін залалдары.
Әр топ оқушылары
жоғарыда аты аталған сұрақтарға дайындалып, пікірсайысқа түседі.
Мұғалімнің баяндамасы:Адамзаттың ғарышты
игеру жетістіктері
12 сәуір
дүние жүзілік авиация және ғарышкерлер күні.
Тәуелсіздіктің 25
жылдық мерей тойы тұңғыш ғарышкер Ю.А.Гагариннің көкке самғағанына 55 жылдығымен
тұспа –тұс келіп отыр.
Осыдан тура 55
жыл бұрын ең алғаш жер серігі де, бірінші адам да әлем бойынша қазақ жерінен,
Байқоңырдан ғарышқа аттанған болатын. Байқоңыр ғарыш айлағынан алғаш рет әлем
бойынша ғарышқа жол салған Ю.А.Гагарин болса, араға 30 жыл салып, қазақтың атын
шығарып, тұңғыш ғарышкер Т.Әубәкіров көкке самғады. Осылайша Қазақстан – ғарыш
кіндігіне айналды. Бұл еліміз үшін үлкен мақтаныш.
Қазіргі таңда
ғарыштың игерілуі ғылымның дамуына, тіпті экономика мен әскери – қорғаныс
қабілетінің күшеюіне мол әсерін тигізіп отыр. Аспанды игеруді аңсаған, ғарыштың
ғаламатына құмар адамзат талай
жылдан бері осы
саладағы ізденістерін тоқтатқан емес.
Ғарыш десе көңілге
туған топырақ төсіндегі Байқоңыр келеді. Аспан әлеміне алғаш адамды
аттандырған Байқоңырдан 2600- ден астам зымыран ұшырылып, ғарышқа 3000-дай
ғарыш аппараттары шығарылса, 130-дан астам КСРО және шетелдік ғарышкерлер
көкке сапар шекті.Әртүрлі конструкциялы ғарыш аппараттары Айға, Шолпанға және
Марсқа қондырылды.1986 жылы 20 ақпанда бірінші рет «Мир» орбиталық ғылыми
станциясы ғарышқа көтерілді.
Ғарышқа 3 рет
ұшқан ғарышкерлер: В.А. Шаталов,А.С. Елисеев,Г.М. Гречко,
Л.И. Попов,
В.Н.Кубасов, А.А. Волков т.б. В.А.Жәнібеков болса ғарышқа 5
рет ұшты.В.Г.
Титов пен М.Х.Манаров ғарышта 366 күн ұшып жүрді.
Алғаш рет ғарышқа
1963 жылы 16 шілдеде әйел -космонавт В.Терешкова сапар шегіп, «адамдар жер
бесігінен шығып, алыстағы жұлдыздар әлеміне бағыт алады» деген К.Э.
Циолковскийдің арманы орындалды.
Елбасы
тәуелсіздіктің алғашқы күндерінен бастап-ақ ғарышқа ерекше
маңыз беріп
келеді. «Ғарыш айлағы – бүгінгі күні біздің әлемдік экономика-
лық сайыстағы
жалғыз байлығымыз!» деген болатын
1991 жыл –
Қазақстан, қазақ халқы үшін ерекше құт дарыған жыл болды.
Қазан айының 2-сі
күні тұңғыш қазақ ғарышкері Т.Әубәкіров Байқоңырдан
«Союз ТМ-13»
кемесімен көк жүзіне көтерілді. Және де осы жылдың желтоқсан айында Қазақстан
өзінің тәуелсіздігін жариялап, әлемдегі 200-ден
астам елдің
қатарынан еркін орын алды.
Т. Әубәкіров
әуе кеңістігінде өзге ғарышкерлермен бірге биотехнология,
металлургия,
медицина салалары және Арал теңізі аймағы бойынша ғылыми зерттеу жұмысын
жүргізді. Соның нәтижесінде Арал үстіндегі тұзды шаң
бұлттардың булану
процесі, сол зиянды аэрозольдардың Қазақстан мен Ресей аймақтарында таралуының
ғарыштық суреттері алынды. Сондай-ақ
Қазақстан
аумағында атмосфераны және жер бетін зерттеу, жұлдызды
аспанды
астрофизикалық бақылау жұмыстары да ойдағыдай атқарылды.
Т.Әубәкіровтың
зерттеулеріндегі Теміртаудағы металлургия комбинатының табиғатқа тигізіп
отырған зиянын «комбинаттың көк түтінін сонау мұхиттан да табамыз» деген
сөзінен аңғаруға болады.
1994 жылы 1
маусым-4 қарашада (ұзақтығы 127 тәулік) Союз ТМ ғарыш кемесінің ботр инженері
ретінде ғарышта болды. 2 рет ғарыш кеңістігінен шығып, ғылыми- зерттеулер мен
эксперименттер жасады.
Бүгінгі күні ғарыш
технологиясы ғылымның, техниканың дамуына игі ықпалын тигізіп отыр. Ғарыш
аппараттары, жер серіктері Айға және Шолпанға ұшырылып, ол жақтың топырақ
құрамын жерге жеткізді. Сондай ақ бірнеше аппарат Күн жүйесінің аймағынан
шығып, әлемдік өркениет үшін
қызмет етуде.
«Космонавтика»- біз үшін ұлттық мақтанышқа айналатын нысан ғана емес, ол азаматтардың
өмір сапасын арттыру үшін пайдаланатын басты құралы.Ғылым дамыған сайын ғарыш
та терең зерттелуде.Жер серігі де,зымырандар да өнер білімнің жетістігі. Ғалам
құпияларын оқып білуге шақыру, өз елін,жерін қадірлеуге, еңбексүйгіштікке
тәрбиелеу, болашақтың бағдары, келешектің жарқын бейнесі болмақ.
Оставьте свой комментарий
Авторизуйтесь, чтобы задавать вопросы.