"Ана- өмірдің қуанышы "

Тақырыбы: Ана- өмірдің шуағы

Мерекелік кештің басты мақсаты: Нәзік жанды аруларымыздың қоғамдағы рөлінің айтарлықтай екендігін дәлелдеп, оларға қуаныш сыйлау. Оқушылардың оларға деген ізгі ниеттерін көрсету.

Кештің көрнекілігі: Елбасы жолдауы, Жолдаудан үзінді жазылған қағаздар, ұлағатты сөздер, суреттер, шар, шақыру билеті, үнтаспа, гүл т.б.

Кештің барысы: Қонақтарды кешке шақыру, оларды қарсы алу, тілек білдіру, өнер көрсету, құттықтау сөздер, қорытынды сөз, жалпы қорытынды жасау.

Бейнеролик «Ана бақыты»

Жүргізуші: Армысыздар, аяулы аналар, гүлдей құлпырған қыздар!Барлығымыз асыға күткен көктемнің алғашқы күндерімен бірге 8 наурыз Халықаралық әйелдер күні де келіп жетті. Бұл - бір қолымен бесікті, екінші қолымен әлемді тербеткен аналар мен нәзік жанды қыздар қауымының төл мерекесі.

Ана десем шешек ашып жанары,
Өмірімнің бастау алар ажары.
Ана деген тіршілікке пана боп,
Әрбір үйде жұлдыз болып жанады.

Аналар сыныпты айналып қолдарындағы бақыт шырағын аналарға табыстайды.

Аналардың құрметіне бүгінгі кешіміздің қонағы Кабыкеева Дария мен Кабыкеева Толқынның  орындауында  «Испан биі».

Жүргізуші: Сенен өскен балалар,
Батырлар мен даналар.
Құттықтаймыз мейраммен,
Құрметті, жан аналар- дей келе балалардың аналарына арнаған өлең жолдарына береміз.

Еламан:Бүгін наурыздың сегізі,
Сұлулықтың негізі.
Әдемі сөз – 
Адамның
Анаға айтар лебізі.

Айзере:Мәпелейсің мені анам,
Қолыңдағы құсыңдай.
Құлпыра өсіп дем алам.
Құшағыңда қысылмай.
    Расул:Үмітіңдей көзіме 
Көп қарайсың үңіліп.
Еркелеген сөзіме 
Ертеңіңіз тұр күліп.
Айым:Жүре берсем қасыңда,
Әйбат, анам, ай анам.
«Ботам» деген даусыңнан 
Мен мәз болып оянам.
Алан:Бөбегіңнің сыйлығын,
Қабыл алшы анашым
Ұзақ өмір жүз жасап
Ауырмашы анашым.
Айшанұр:Анасыздар, әр үйге панасыздар,
Бала десе от болып жанасыздар.
Сәтті басса ұрпағың,- мерей тасып,
Қыз күлкісін сусын қып қанасыздар.

Жүргізуші: Өміріміздің әрбір сәтін есімізде сақтап қалу мүмкін емес. Десе де, фотоаппараттың көмегімен оны жүзеге асыруға болады. Ендеше біздің асыл аналарымыздың бақытты сәттерін  көрейік.
Жүргізуші: Шалқып, тасып әніміз
Жадырасын жанымыз,
Ана, сені құттықтап,
Әндетеміз бәріміз.

«Ана»  әні.

Жүргізуші:

Әркімнің де өмірден аласы бар,

Аласы бар адамның анасы бар.

Мерекесімен құттықтап аналарды,

Би жолдайды ұл-қыздар.

Би   «Қазақ вальсі»

Жүргізуші: 

Барша ана құтты болсын мерекеңіз,
Әрқашан ана сізбен берекеміз.
Ақтасақ ақ сүтіңді, асыл анам,
Сонда біз кісілікке теңесеміз,-дей отырып ұл-қыздарыңыз жүрекжарды тілектерін ұсынады. Оқушылар өлеңдер оқиды.

Тамерлан:Аналарды сүйеміз,
Сөзін ойға түйеміз.
Әжені де ардақтап,
Әдеппен бас иеміз.
Каусар:Әлпештеген баласын,
Ана бақыт, ана күн.
Әркім сүйіп өзінің
Мақтан етер анасын.
Тоқтар:Бізді өсіріп баптаған
Жақсы болсам шаттанған
Алтыным деп мақтаған
Айналайын ақ мамам.
Гүлжазира:Анасыздар, кең байтақ даласыздар.
Жаны жайсаң жеңімпаз данасыздар.
Көлеңке жоқ көңiлінде, қылауы жоқ,
Үлбіреген жауқазын баласыздар.

Мұса:Анам менің асыл жан
Құшағы нұр шашылған
Күн секілді күледі
Сипап ылғи басымнан.
Амина:Ана өмірдің қуанышы тірегі
Бала оның жұбанышы жүрегі
Ана алдында ел жауы да бас иген
Олар дайым тыныштықты тіледі.
Жүргізуші:Үкілі кәмшат, бүрмелі көйлек.
Тұрғандай өзі, қимылсыз билеп,
Иықтан шашы, төгіліп жерге,
Күмісті шашбау, жарасып белге деп ақын ағаларымыз жырлағандай келесі кезекті мың бұралған биші қыздарға береміз. 

Би   «Қарлығаш»

Жүргізуші: Ойын: «Менің саған теңеуім»

 Жүргізуші: Өр десек те сіздерді — лайықсыздар.
Төр десек те сіздерді — лайықсыздар.
Ер десек те сіздерді — лайықсыздар.
Зор десек те сіздерді — лайықсыздар балалар өлең шумақтарын сиздерге арнайды.

Еркежан:Аман бол деп балдырған
Әділдікке баулыған
Жүрегімде баулыған
Тілегім де мархабат
Анамызға мың алғыс!

МеруертАна біздің күніміз
Ананың біз гүліміз
Бізді ана қуантып
Ұзақ өмір сүріңіз.
Кәмшат:Қайырымды, қасиетті.
Ең ардақты ақ әжем.
Әрбір сөзі өсиетті
Баға жетпес ақ әжем.

Айғаным:Жылылықтан жаралған
Құшағы оның таң мекен
Менің айдай анамнан 
Асқан сұлу бар мекен.

Айсұлу:Апатайым, анашым,
Ақылы мол данасың.
Қамқоры сен сәбидің
Гүлі де сен әр үйдің.

Риза:Айтсаң болды тіл алам
Әйбат мамам, ай мамам.
Сені көрсем қуанам,
Сен керексің қашанда.

Жүргізуші:Тіршілікке нәр берген ана сүті қандай құдіретті. Әлемдегі жақсылық көзі, адамдық қасиет, ақ тілек мейірбандықтың бәрі ана деген сөзбен астасып жатыр. Ендеше жас журналистеріміздің сұрақтарына жауап беріп көріңіздер. Оқушылар кезек-кезек аналарға сұрақ қояды:

1. ең сүйікті мерекеңіз?

2. 8 наурыз мерекесіне қандай сыйлық алғыңыз келеді?

3. Жарыңыздың осы мерекеде сыйлаған ең алғашқы сыйлығы есіңізде ме?

4.Ұл-қыздарыңызды қаншалықта дәрежеде жақсы көресіз?

5. Раушан гүлінің аудармасы?

6. Аналарды құттықтап 4 жол өлең шығара аласыз ба?

7. Осы мерекеде сізді кім ең бірінші құттықтады?

8. 8 наурыз мерекесі дегенде көз алдынызға не елестейді?

9. Қанша әйел дасыныздын атын атап бере аласыз?

10. Осы мерекеде анаңызға қандай сыйлық жасадыңыз?

Жүргізуші: Біз ғана емес,қадір тұтқан бабалар.
Аналардан туған небір даналар.
Ана деген тіршіліктің тірегі,
Аман болшы ақ жаулықты аналар!
Би  Айшанұр мен Меруерт.

Ән «Көктем»

Жүргізуші:Демеңіз біз өнерді аяп қалды,
Мезгіл де біраз жерге таяп қалды.
Қош болып тұрыңыздар көріскенше
Осымен концертіміз аяқталды.

Ана әрбір адамның жарық дүниедегі ең жақыны, жанашыры, қадірлісі, қамқоршысы, ақ сүтін емізіп аялаған, жанын да аямаған ардақтысы. Мен ана деген сөзді қанша айтсам да жалықпаймын. Өйткені ол дүниедегі ең ардақты жан. Ана-тіршіліктің гүлі, отбасының берекесі, бүкіл адамзаттың тәрбиешісі. Ендеше, анамызды сыйлап, құрметтейікші!