"Арайлап атсың әр таңым" 1-сынып Өзін-өзі тану

                                        1-сынып                                               3-сабақ                          

Сабақтың тақырыбы: Арайлап атсың әр таңым              

Сабақтың мақсаты: «Бақыт», «махаббат» ұғымдарының адамгершілік құндылықтары ретінде мәнін ашу.

Міндеттері:

- әр түрлі көңіл күйді сезіне білуге және мәдениетті қарым-қатынас жасауды үйрету;

- сыныптастарымен, үлкендермен, жақын адамдармен жағымды қарым-қатынастарын дамыту;

- өзін және айналасындағы адамдарды сыйлы және қуанта білуге тәрбиелеу.

Көрнекілік құралдар: үнтаспа.

Оқушылармен амандасу, кезекшімен сұхбат. Құрал-жабдықтарын тексеріп шығу. Оқушылардың зейінін сабаққа аудару.

Шаттық шеңбері

Балалар шеңбер құрып, қол ұстасып тұрып, сәлемдеседі. Мұғаліммен бірге мына өлең жолдарын қайталайды:

Қуан, шаттан!

Қуан, шаттан!

Қуанатын күн бүгін.

Қайырлы таң!

Қайырлы күн!

Күліп шықты күн бүгін!

Әңгімелесу

Оқушылыларға «Таңертеңгі көңіл күй» мәнін түсіндіруді  әңгімелесу арқылы ұйымдастырады.

·         Үнтаспадағы қандай дыбыстар сендерге таныс?

·         Сендерді кімдер оятады немесе ненің дыбысынан оянасыңдар?

·         Қандай көңіл күймен оянасыңдар?

·          

Ойын

Адамның көңіл күйі әр түрлі жағдайларға байланысты болады. Жақсы іс, ізгі ниет, жылы сөз, жақсылық хабар, қуаныш адамның көңіл күйінің көтерілуіне әсер етеді.

Суреттегі балалардың бет-бейнелеріне қарап, қандай көңіл күйде тұрғанын әңгімелеп беріңдер.

ҮІ. Қорытынды бөлім.

Сабақты қорытындылау, үйге тапсырма беру, оны түсіндіру.

Оқушылардың  еңбегін мадақтау.