Ата-аналарға арналған тренинг "Бала тәрбиесіндегі әдіс-тәсілдер"

Тақырыбы: «Бала тәрбиесіндегі әдіс-тәсілдер»

Мақсаты: қазіргі кездегі баланың дамуына, жеке тұлға болып қалыптасуына ата-ана тәрбиесінің әдіс-тәсілдерін жетілдіре отырып, қарым-қатынас орнату.

Тапсырма:

1. Ата-аналармен ұстаздардың кездесуі;

2. Ойынға қатусышылар арасындағы қарым-қатынасты орнату;

3. Жанұядағы тәрбие жайында пікір алмасу:

Iбөлім.

1. Кездесу (жай әуенмен 2 шеңбер- пән мұғалімдері және ата-аналар- болып қарама-қарсы айналады, әуен тоқтаған кезде бір-біріне қарап баланың үлгерімі туралы пікірлеседі)

Балаңы жастан бақпасан,

Жамандықтан қақпасан.

Қадірден жұрдай қасқа боп,

Кешкенің өмір босқа тек, - дегендей, баланың ыстық-суығына күймейтін, жақсылығына сүйінбейтін ата-ана жоқ шығар. Бүгінгі ұл-ертеңгі әке, ол әкеге қарап өседі. Бүгінгі қыз-ертеңгі ана, ол шешеге қарап өседі, бойын түзейді. Балаға білім, тәрбие беруде басты тұлға ұстаз болса, оны жалғастырушы, демеуші – ата – ана.

IIбөлім. Жалпылау.

Қимыл қозғалыс арқылы жауап беру.

- иә десеңіздер –қолдарыңызды шапалақтаңыз;

- жоқ десеңіздер – аяқтарыңызды тарсылдатыңыздар.

1) Газет бетіндегі мақалалардан, теледидардағы бағдарламадан тәрбиеге байланысты сұрақтарды тыңдап, қарап жүресіз бе?

2) Балаға тәрбие беру кезінде үйде ата – ана бірдей ықпал жасай-ма?

- егер жанұя десеңіздер жымиыңыз.

- Егер қоршаған орта,қоғам десеңіздер қолды алдымызға соғамыз.

3) Бала тәрбиелеу жауапкершілігі кімде деп ойлайсыз?

- егер «әке» десеңіздер,қолды алдымызға соғамыз.

- Егер «шеше» десеңіздер,жымиыңыз,

- Егер «екеуі» десеңіздер,қолдарыңызды шапалақтаңыз.

ІІІ бөлім: Ой жинақтау ( плакат, фломастер, қалам)

Адамдар арасындағы қарым-қатынаста адамгершілік, әдеп-инабат үрдістерінің қаншалық кең жайылып, терең тамырлануы, ең алдымен, олардың жекелеген отбасында өркен жаюына, яғни баланың ата-анасын жан-жүрек қалауымен, саналы түрде ардақтап, құрметтеуіне, инабат тағылымын үлкендерден үйрене отырып, олардың өздеріне деген қарым-қатынстарында мүлтіксіз жүзеге асырып отыруларына байланысты.

Адам өмірінің мәне мен сұлулығы, адамның келешегіне сенімділігі - баланың ата-анасын ардақ тұтып, өзінің перзенттік қарызын бір сәтке де есінен шығармауында. Бұл – жас ұрпақтың мәдениеттілігін, әдептілігінің ғана емес, ең алдымен, адамшылығының белгісі.

Бала – ата- ана өмірінің жалғасы. «Баламның табанына кірген шөңге менің маңдайыма кірсін,» деп әлпештеп өсірген перзенті ауырып не басқа бір қатер төнгенде мойындарына бұршағын салып, «Өзімді алып, баламды аман қалдыр!» деп құдайға жалбарынған.

Бала тәрбиесі – қызығы мен қиыншылығы қатар жүретін күрделі процесс.

Ата-аналардың жастығы мен бала тәрбиесіндегі тәжірибенің жоқтығы, болмаса тәрбие жұмыстарында тек қана өз ойлары мен көзқарастарына ғана жүгінуі немесе қажетті педагогикалық білімдерінің жетіспеушілігі салдарынан тәрбие процестері көптеген қателіктерге ұшырап отырады.

1) Баланың дамып жетілуіне қандай тәрбие әдістерін қолданасыз.

2) Бала үшін мұғалім мен ата-ана арасында қандай қарым-қатынас болу керек?

( Сурет – схема арқылы өз ойларын талдайды )

Ата-анаға көз қуаныш,

Алдыңа алған еркесі.

Көңіліне көп жұбаныш,

Гүлденіп ой -өлкесі, - деп Абай атамыз ата-ананың қуанышы, гүлденген үміт-арманы тек перзент сүю, оны тәрбиелеу екендігін айтқысы келген екен.

Ендеше, ата-аналар қолымыздағы алтынымызды жақсылап тәрбиелейк және біздер олардың ең басты үлгі болар бейнесі екендігімізді ұмытпайық. Сондықтан да, мына жайттарды ескерейік:

1. Балаға жан және дене өзгерістерінің байланысын табуға көмектесу;

2. Балаға маман тарапынан тағылған мін, ескертулерді шын пейілмен түсіну және түсіндіру;

3. Баланы ағза қызметінің қалыптасуымен мұқият таныстыру;

ІҮ бөлім: «Екі жұлдыз , бір тілек әдісі» арқылы кері байланыс орнату.

Ата-аналар тренингінен көріністер

«Баланың дамып жетілуіне қандай тәрбие әдістерін қолданасыз?» тақырыбында ой болісу.

Бала үшін мұғалім мен ата-ана арасында қандай қарым-қатынас болу керек?» тақырыбында пікір алмасу