1 қазан "Қарттар мерекесі" кездесу кеші

Нағарашы орта мектебі

(1 қазан- Қарттар күніне арналған іс- шараның жоспары ).

                                                                  Бастауыш сынып мұғалімі: Смағұлова Б.

                                                                                                                   Данияр А.

                                                                  Педагог –ұйымдастырушы: Беделбекова Қ.Қ.

2015-2016 оқу жылы.

Қариялар сарқылмас қазыналар

І- жүргізуші:

Құрметті ауыл тұрғындары, ұстаздар, оқушылар және бүгінгі кештің қонағы болып отырған, кеудесі асыл қазына қарттарымыздың мерекесіне қош келдіңіздер!

ІІ- жүргізуші:

Қариялар сарқылмас қазыналар,

Тарихымсың шірмей жазып алар.

Қолдан келсе қарттарды ардақтайық,

Асылдың сынығы ғой қазір олар.

«Қариясы бар ел- қазынасы бар ел»- деген екен көне көз қарияларымыз.ендеше кейінгі ұрпаққа үлгі болар, ұлағатты дана сөзі бар асыл қарттарымыздың мерекесі құтты болсын.

І- жүргізуші:

Құтты болсын қарттар бүгін мерекең,

Сізді бүгін зеңгір көкпен тең етем.

Қиналсаң да қысылсаң да адамдар,

Қарттар барда мына жалған кең екен.

Бүгінгі мерекелік құттықтау сөз: тәрбие жұмысының орынбасары Сабырбекова Іңкәр Оразалықызына беріледі.

Ән: «Әке- Ана» орындайтын Мұратқазы Мұрат

ІІ- жүргізуші:

Қазыналы таулары даналары,

Құт- береке қарттары, бабалары.

Тарих куә бұл жерде туып өскен,

Талай- талай қазақтың даналары.

Келесі құттықтау сөз кезегі мектебіміздің кітапханашысы Тоқбаева Гүлжанат Шәмиқызына беріледі

Би: «Айгөлек» 2 сынып оқушыларының орындауында.

І- жүргізуші:

Өмірі өнеге, тағдыры тағлымға толы жандар әрдайым қымбатты, қастерлі. Өткен уақыттың жарқын беттеріндей, тарих пен ұлағаттың, адал еңбектің өзімен көзіндей қадір тұтатын ақсақалдарымыздың бірі- Кәкен аға.

Сөз кезегі бүгінгі кешіміздің құрметті қонағы Кәкен ағаға беріледі.

Ән: «Жан әке» орындайтын Арып Әділ.

ІІ- жүргізуші:

Үлгі өнеге тәрбие тоқыттыңыз,

Сан жылда сан шәкіртті оқыттыңыз.

Немере –шөбереңіз өсіп- өнген,

Біздер үшін сіз бүгін бақыттысыз.

Құттықтау сөз кезегі  зейнетқер ұстазымыз Тұрақан апаға беріледі

Ән: «Асыл әжем» орындайтын Жұмағазы Гүлдана

І- жүргізуші:

Барша жанға бір басын сыйландырған,

Тыңдаушысын сөзіне иландырған.

Қарттарым бар ауылда абзал жүрек,

Дидарында, көзінде иман тұрған.

        Сөз кезегі ауылымыздың ақсақалы Әбен ағаға беріледі.

Би: «Әке толғау» орындайтын 8 сынып қыздары

ІІ- жүргізуші:

 Қарттарымыз ауылымыздың көркі, ұрпақ тәрбиешісі, ұлт ұйытқысы, салт- дәстүріміздің қайнар көзі, шымылдығы, тәрбиенің сарқылмас бұлағы. Міне, осындай қарттарымыз көп болса ауылдың бірлігі мен тірлігі жарасып, жақсы күндерге жол аша бермек.

Сіздердің құрметтеріңізге 2 сынып оқушыларының дайындаған өлең шумақтатырна кезекті берейік.

1-    оқушы:

Мен қарапайым қарттарды сүйем,

Не деген керім еді!

Бабалардың бабасы қариялар,

Сиреп бара жатқандай көрінеді.

2-    оқушы:

Тентек болсам ашынып,

Жақсы іс қылсам, асырып,

Маған сақтап жүреді,

Тәттіні де жасырып.

3-    оқушы:

Тосып тәтті дәмдерін,

Ол бар жерде бал жедім.

Мен ұйықтарда айтады,

Ертегісін, әндерін.

Біздің үйде осындай,

Әжетайым бар менің.

4-    оқушы:

Құт берекең атаң қымбат,

Аймалайтын апаң қымбат.

Мейірімді анаң қымбат,

Асқар тауың әкең қымбат.

5-    оқушы:

Ішке кірген ботаның,

Гүл ашады орманы.

Бота күткен атаның,

Орындалсын арманы.

6-    оқушы:

Атам берді, алақай,

Үкілеп көп бәсіре.

Жарысқанда шіркін- ай,

Алар ма екен бас жүлде.

7-    оқушы:

Тайпалады көк тайым,

Желдей есер желгенде.

Жығылам – деп қорықпаймын,

Қуанады атам көргенде.

8-    оқушы:

Дейді атам баппенен,

Нұсқам ұзақ жолдарды.

«Ер қанаты- ат»- деген,

Бастар қалың қолдарды.

9-    оқушы:                                       

Атамнан сірә қалмаспын,

Еремін ойын ұғардай.

Тайыма мойын бұрамын,

Көк тұлпар болып шығардай.       

   10-оқушы:

Жақсы ісіне баланың,

Қуанбақ бар ата- ана.

Әкеме мен баламын,

Немеремін атама.

Қайда барса тастамай,

Жанына ертіп жүреді.

Мен дегенде атамның,

Даладай кең жүрегі.

  11-оқушы:

Әжем келді, алақый!

Әжеме кел, балақай!

Қолтығынан демейік,

Көрпе төсеп берейік.

Тынығып әже сергіңіз,

Ертек айтып беріңіз.

Сүйіп, сүйіп аламыз,

Сізге бала боламыз.

12- оқушы:

Ата- бізге келіңіз,

Дайын сізге төріміз.

Бай дастархан басында,

Батаңызды беріңіз.

Жүзіңізден әр таймай,

Жүз жасаңыз қартаймай

І- жүргізуші:

         Жүректерге жылылығын сыйлаған,

Жан баласын жамандыққа қимаған.

Тауларындай өр рухты кең пейіл,

Құшағына тек жақсылық жинаған- деп

сөз кезегін ақ жаулықты анамыз Тұрсын апаға береміз.

Ән: «Жан ана» орындайтын Батырхан Гүлім

І- жүргізуші:

Қымбатсыздар қарттарым өзімізге,

Көрінесіз биік боп көзімізге.

Осындай ауылдың асыл қартын,

Жүреміз мақтан етіп сөзімізде.

сөз кезегін Әубәкір  атамызға береміз.

Ән: «Ағаларым» орындайтын  Ербақытұлы Жасұлан

ІІ- жүргізуші:

Ардақты ата, асыл әже қымбатты,

Әлем бүгін сіздер үшін үн қатты.

Зор денсаулық, ұзақ өмір тілейміз,

Бола берсін күндеріңіз шуақты.

Осымен өздеріңізге арналған кешімізді аяқтаймыз. Келесі кездескенше қош сау болыңыздар.