Баяндама "Оқушыларға экологиялық тәрбие беру"

                      Оқушыларға  экологиялық  тәрбие беру

Тұңғыш  елбасы     Н.Назарбаев  «ХХ  ғасыр   Қазақстан   халқының   жұлдызы  жанатын  ғасыр  болуына  сенемін»  деп айтқан   еді. Ал, халықтың  жұлдызы  жануы үшін   барлық   сала  иелері   бірдей  әрекет  жасаулары     керек.Біз   білім   беру сала-сының  мамандары  осы  мақсатқа  жету  ушін  бала     тәрбиесін   заман      талабына   сай   жүргізіп, білімді    де    отансүйгіш   азаматтарды   тәрбиелеуіміз,   жас  ұрпаққа  сапалы  білім   мен   ұлағатты   тәрбие    беруіміз, жаңа  өміріне   жолдама   алуларына   барлық    жағдайды      жасауымыз  қажет.

 Білім   мен  тәрбие  егіз  ұғым.Тәрбие   жұмысы   дұрыс   жолға   қойылған мектепте    сапалы   білім  алу  мүмкіндігі   мол   болады.  Сондықтан   да   мектептегі  тәрбие   жұмыстарына   баса  назар аудару керек.

  Француз  ағартушысы  Ж. Ж. Руссо  өзінің  педагогикалық  еңбектерінде «Баланы  табиғатпен  байланыста  тәрбиелеу  керек,  табиғат  баланың  ересектігінен бұрын  бала  болғанын  қалайды»  деп  жазған. Сондықтан  болашақ  ел  тізгінін ұстар, еліміздің ертеңгі  иелеріне  бүгінгі  күннен  бастап табиғат  пен  оның  ерекшелігін , маңызын  қалыптастыру , яғни экологиялық  тәрбие  беру  өте  маңызды.

     Экология  дегені  не өзі? Экология –грекше  сөз  болып, мекен  еткен табиғи  орта  туралы  білім  деген  мағынаны  береді. Шынында да , экология қоршаған  ортаның  тазалығын  сақтау , яғни  салауатты  өмір  салтын  қалыптастыру болып табылады.      

      Салауатты өмір салтын  орнықтыру- осы  ғасырдың  барынша  көңіл  бөлетін, жауапты  парызының бірі. Өйткені, салауатты  өмір салты  адам денсаулығының  мықты  кепілі . Адам  денсаулығы,  қоғам дамуы  экологиямен тығыз  байланысты.  Ал,экологиялық  зардаптармен  зиянды  әдеттердің  кісі  денсаулығына  әкелетін  зияны  аз  емес.

       Жас  ұрпаққа экологиялық  тәрбие  беру  мәселесіне  ҚР Білім туралы заңында,  ҚР  экологиялық  қауіпсіздіктің  тұжырымдамасында  мән  берілген. Негізінен  экологиялық  тәрбие  бастауыш  сыныптан  бастап  берілуі керек.Себебі бұл  жастағы  оқушылардың   білімге  деген  құштарлығымен  бірге  қоршаған  ортаға табиғатқа  деген  сүйіспеншілігін  қалыптастыра  алады.  Кіші  сыныптарда берілген  тәрбие  баланың  дүниетанымын, білімдарлығын  тұп -тамыры  болып  табылады. Сондықтан  экологиялық  мәдениетті  қалыптастыруды  құштарлығы  басым кезде үйрету  абзал. Сонда  ғана  еліміздің  болашақ  ұрпақтарының  кез келгені экологиялық  сауатты, адамгершілікті, мейірбан, табиғатпен  жан  дүниесі  үйлескен , дүниетанымы  кең  болып  тәрбиеленеді.

    Мектеп  тәрбиесінің  ерекшелігі – табиғатты  сүйіп  қана  қоймай, оны қорғауға  баулу. Негізінен  табиғатты  қорғау  қарапайым  істен  басталады: бөлме  өсімдіктерін күту, мектеп  ауласын  таза  сақтау, гүл мен  ағаштар  отырғызу, оларды жұлмау,сындырмау.

   Экологиялық  тәрбие  бір –екі  сағатта немесе  он-он бес сабақта  беріліп  қана  қойылмайды. Экологиялық  тәрбиені  жылдың 4  мезгілінде, 12 айында,       52 аптасында, 365 күнінде,  өмірдің әр  сағатында  үйрету  керек.  Өйткені, экологиялық  сауатты  кісі  табиғатқа  өз  зиянын  тигізбейді,  керісінше  оны  қорғап  аялайды.

                               Полатбаева  Шохида  Рахманкуловна

                    №110 З.Хусанов ЖОББМ қазақ тілі мен әдебиеті пәні  мұғалімі.

Краткое описание документа:

Оқушыларға экологиялық тәрбие беру,салауатты өмір салтын орнықтыру бүгінгі күндегі негізгі мәселелердің бірі болып табылады. Н,Назарбаевтің "20-ғасыр қазақстандықтардың жұлдызы жанатын ғасыр болуына сенемін" деп айтқан сөзінен де белгілі халықтың жұлдыздай жануы білімі мен денсаулығына байланысты. Ал денсаулықтың кепілі таза ауа , мөлдір су ,тамаша экология.