"Білім беру жүйесін жаңарту жолында"

                                                           Білім  беру  жүйесін  жаңарту жолында

                                                                                            Мәңгілік заңдылық: үлгі алу, жөн сілтеу және

                                                                                       іс жүзінде қолдану арқылы үйреткен абзал.

        Елбасы Н.Ә.Назарбаевтың «Қазақстан жолы - 2050: бір мақсат, бір мүдде, бір болашақ» атты Жолдауында « ... Орта білім жүйесінде жалпы білім беретін мектептерді Назарбаев Зияткерлік мектептеріндегі оқыту деңгейіне жеткізу керек» деп атап көрсетілген.Осы тұрғыда ұлттық бiлiм беру жүйесiн модернизациялау жағдайында шетелдiк озық тәжiрибелердi пайдалану мүмкiндiктерiн бағалау, ұлттық дәстүр мен ерекшелiктердi ескеру, бiлiм мазмұнын жаңарту, бiлiм беру жүйесiн басқару мен ұйымдастырудың тиiмдiлiгiн арттырудың жаңа жолдарын iздестiру секiлдi өзектi жайттар ерекше маңызға ие болып отыр. Мектеп директорынан өзгерістер енгізуді басқаруда нағыз көшбасшы болу талап етіледі    Мектептің басшысы ретінде  ,ең бірінші көшбасшылықты жете түсіне білу қажет. Көшбасшылық – бұл  мектеп директоры барлық оқушылардың табысты оқып, жоғары нәтижелерге қол жеткізуін қамтамасыз ете отырып, оқыту туралы ортақ ұстаным қалыптастыру жұмысына жетекшілік ететін, мықты ұйымдастырушылық миссиясы бар және оқушылардың үлгеріміне үлкен үміт артылатын интерактивті үдеріс. Көшбасшылық дегеніміз - жеке әлеуметтік қозғаушы күш емес, көзге көріне қоймайтын бағыттар мен қозғалыстар арасындағы қарым-қатынас .

      Жақында Шет ауданы, Ш.Батталова атындағы ЖОББ мектебінде мектеп директорлары  мен  мұғалімдердің қатысуымен    «Мектеп басшыларының кәсіби дамуы –    білім беру жүйесін жаңартудың негізі» тақырыбында аудандық семинар болып өтті.  Мектеп көшбасшылығы оқытуға байланысты, кәсіби дамудың тиімді тәсілі болып табылады. Мектептің тиімді көшбасшылығы ынтымақ­тастық, мектеп пен ұжымда, сыныпта өзгеріс енгізуге оң ықпал етеді.

    Семинар педагог қызметкерлерінің біліктілігін арттырудың деңгейлі бағдарламасын іске асыру жолдарын жетілдіруде  мектеп көшбасшыларының белсенділігін арттыру  және мектеп даму жоспарын жүзеге асырудағы директордың көшбасшылық қабілетінің маңыздылығын айқындау мақсатында өтті. Аудандағы мектеп басшыларына арналған деңгейлік бағдарламаның мазмұнын ашатын аудандық семинар 2015 жылдың 4 желтоқсан күні біздің мектепте өте жоғары деңгейде ұйымдастырылды.  Семинарға  мектеп басшылары мен әдіскерлер, деңгейлік курстан өткен мұғалімдер қатыстырылды. Көшбасшылықты тек қана мектеп директоры атқармайды,мектептегі ұстаздар қауымының ішінде өзінің алғырлығымен,іскерлігімен .шығармашыл,инновациялы,жан-жақты көзқарасты бірдей алып жүретін,өз ісіне жауапкершілікті міндеттеген,тек  өзінің жұмысын емес .өзгеге үлгі- өнеге көрсете алатын тапқыр,ақылды,ойшыл тұлға бола алатын,осындай қасиеттерді бойында ұстанып жүретін ерекше ұстаз көшбасшы бола алады. Жалпы ұстаз– қасиетті ізгі мамандық иесі, асыл мен ақылды, тереңнен терілген інжу-маржанды күн көзіне  жайып, қызыға жүгіріп келген жас жеткіншекке мөлдіретіп  ұсына алатын қарапайым,жанашыр,еңбекқор,білім нәрімен сусындата алатын жан деп айтар едім. Ұстаз болуға белімізді буып, шешім қабылдаған сәттен-ақ бұл мамандықтың өзімізден қажырлы еңбекті, шебер әдіс-тәсілдерді, бала жанын білім нәрімен кемелдендіріп отыруды талап ететіндігін әуел бастан білдік емес пе?! Мұғалім – оқыту мен оқу тәжірибесін жетілдіру жұмысының көшбасшысы.

     Иә, өзгені өсіру үшін өзіміз де талмай ізденіп, рухани биіктей түсуіміз - қажеттілік. Сондықтан да болар, бүгінде оқыту тәжірибесін заман талабына сай өзгертуге ынталы  ұстаздарымыз сындарлы оқыту теориясына негізделген Кембридждік оқыту тәсіліне ерекше қызығушылық танытқан еді. Осы семинарда біз мектебіміздегі мұғалімдердің бойында көшбасшылық қасиеттерін анық байқадық.             Ал мектеп директорынан өзгерістер енгізуді басқаруда нағыз көшбасшы болу талап етіледі.Осы қасиет біздің мектебіміздің директорының бойынан табылады десек ,артық айтқандық болмас.Атап айтқанда, мектеп директоры Бакаев Дат Бақтығалиұлы  мектеп басшыларына «Оқыту мен оқуды дамытуға бағытталған мектептің дамуын жоспарлау моделі» тақырыбында шеберлік сағат өткізсе, ІI деңгей мұғалімі Абеужанова А.Б. «Оқушылардың жаратылыстану пәндерінен функциональдық сауаттылығын пәнаралық байланыс арқылы дамыту» тақырыбына коучинг өткізді. Мектептің  III деңгей мұғалімі Жанаманова Жанна  мен І деңгей мұғалімі Адильбекова Құралай,бастауыш сынып мұғалімдері Қосмағанбетова Назгүл, Салгиева Меруерт, Жахметбекова Назира , Оразбекова Гүлім, Сейлбаева Самал т.б. коучингтер өткізіп, семинардың бағдарламасын жасақтап, ұйымдастыруда белсенділік танытты. Мектеп директоры күн шуағының бейнесі ретінде, бұлт бейнесімен  директор ақылдасып, пікірлесетін ұстаздар қауымы  беріліп отырғандығын, оқушыларды жердегі өсімдіктерге балағандығын айтып, ұстаздар қауымы тамшылай аққан жаңбырдай  оқушыларды білім нәрімен сусындатады.  Оқушылар бірте-бірте алынбас қамалдарға өрмелейді, сонан соң біз шәкірттеріміздің мәуелеп піскен жемістей,  алма ағашындай болатындығын көреміз.Осы семинарда мектепті дамыту жоспары жайлы да айтылды, талқыланды, пікірлесті.

         Мектепті дамыту жоспары –ұсынылатын білім  беру қызметтерінің сапасын арттыру мақсатында білім беру ұйымын дамытудың стратегиялық басымдықтары мен бағыттарын анықтайтын құжат.

Мектепті дамытудың стратегиялық жоспары сауалнамалар қорытындысында анықталған басты проблемаларды шешуге, берілген ұсыныстарды  іске асыруға бағытталған. Олар: .

1) Мектептің даму жоспарын жасау кезінде оқушылардың және ата-аналардың пікірін ескеру.

2) Мектептің дамуына қолайлы жағдай жасау үшін қоғамдық ұйымдармен байланысты күшейту.

3) Озық тәжірибелерді енгізу мақсатында жүйелі жұмыстану.

4) Мұғалімдерді өз жұмыстарына талдау жүргізуге бағыттау.

5) Мұғалімдердің бірлесіп, ортақ проблеманы анықтап, білім сапасын арттыруда біріккен жұмыстарын жетілдіру.

6) Мұғалімдерді бөлінген көшбасшылық принциптеріне сай жұмыстарға тартып, қабілеттерін дамытуға мүмкіндіктер туғызу.

  Жалпы осы семинардың қорытындысында әрбір мұғалімнің шығармашылықпен жұмыстануға, өздерінің кәсіби біліктілігін арттыруға қабілетті екендігі белгілі болды. Мұғалімдерге кәсіби дамуына бағыт беруде  деңгейлік бағдарламаның маңызы зор екендігіне көз жеткіздік.  Жоспарға сәйкес аудандық, мектепішілік, мектепаралық семинарларды өткізу барысында біз мұғалімдер бойындағы өз мамандығына деген қызығушылық пен жаңалыққа деген құлшыныстарын көріп, бағдарлама аясында жұмыстануға болатынын аңғардық

                                                                                                                                                    М.С.Кусаинова

                                                                                                                               қазақ тілі мен әдебиет пәнінің мұғалімі

                                                                                                                                       Ш.Батталова атындағы ЖОББМ

                                                                                                                                                         Шет ауданы

   Ш.Батталова атындағы ЖОББ мектебінің директоры

                                                                                  Бакаев Дат Бактыгалиевич

	Бірінші деңгей бағдарламасын игерген мұғалім немесе директордың орынбасары	Тәлімгерлік	ДИРЕКТОР	Портфолиоға қосылады
	Кездесулердің жазбалары	Аудио таспалар

	Тәжірибелі мұғалім		немесе Екінші деңгей бағдарламасын игерген мұғалім			немесе Әдіскер		Коучинг
Фотосуреттер Рефлексиялық күнделік		Бейнежазбалар Коучинг жоспарлары		Сабақтарды қадағалау Кездесулердің жазбалары			Орта мерзімді жоспарлар
Мұғалім	немесе Үшінші деңгей бағдарламасын игерген мұғалім	Мұғалім	немесе Үшінші деңгей бағдарламасын игерген мұғалім	Мұғалім		немесе Үшінші деңгей бағдарламасын игерген мұғалім	Мұғалім
	Қадағалау		Lesson study бойынша сұхбат		Сабақтарды эвалюациялау
Балалар	Балалар	Балалар	Балалар	Балалар		Балалар	Балалар
		Оқушының көзқарасы		Оқушының жұмысы
			Ата-аналардың пікірі