Къара кунь
1944 сенесининъ 18 майыс геджеси бутюн къырымтатар халкъы Ана
Ватаны Къырымдан сюргюн этильди. Халкъымыз ана топракътан сюргюн этильгенде адам толу айван ташыгъан
вагонлар Къырымнынъ къапусындан – чыкъа экенлер, вагон аралыгьындан бакъып
окюр-окюр агълап: «Сагълыкънен къал- Къырым, сагълыкънен къал-къара денъыз
,сагълыкънен КЪАЛ-АНА-ВАТАН…» деген давушлары аля бугунь къартлармизнынъ
къулагъларданда чынълай.
О къара, матем къокъулы геджеси чокъ къорантагъа
афат кетирди. Узун, битмез ёллардан сонъ, сагъ къалгъанлар хор,
меджалсызлангъан алда «янъы» омюр башлайлар. Тар баракълар ичинде ерлеше. Анда
ачлыкъ укюм сюрген девир башлана. Бу хавф астында къалкъан къадын балаларынынъ
джаныны къуртармакъ ичюн, тарлада ер астында къалгъан чюрюк къартопны чыкъарып,
эвлятларына ашатты. Кунь артындан куньлер кечер олды. Буюклер ве балалар чешит
билинмеген хасталыкълардан джан берди.
Бойле фаджиалар унутылмаз! О вакъиаларны икяе
этмек керек , келеджек несиллер эп хатырласынъ. Халкъымызгъа япылгъан бойле
джанаварджа акъсызлыкъ ич бир вакъыт унутылмасынъ!
1944
сенеси халкънынъ вахшийлердже тувгъан топрагъындан сюрьгюн этилюви онынъ
такъдиринде савулмаз яралар къалдырды ки, акъибетте бутюн медениетимиз, шу
джумледен эдебиятымыз да джиддий дургъунлыкъкъа огъратылып, аман-аман юз йыл
кериге къайтарылды. Чюнки Сталин, Берия ве оларнынъ чанакълаяр унсурлары озь ана-юртундан
тюбу-тамырынен сёкюлип чыкъарылгъан бутюн бир миллетни темелинден ёкъ этмек
макъсадыны къогъан эдилер.
Лякин Алланынъ козю тюзь экен, бу
хаинане ниетлерине иришип оламадылар: халкъымыз озюнинъ ишкирлиги, тирнеклиги,
озюнинъ аяткъа, тувгъан топрагъына севгиси эм де бу мисли ёкъ акъсызлыкънынъ,
адалетсизликнинъ бир кунь ола мытлакъа тюзетиледжешине, халкънынъ озь юртуна –
Къырымгъа къайтарыладжагъына къавий ишанчы, умюти саесинде озюни миллет оларакъ
сакълап къалмагъа, озь тилининъ, санаты ве медениетининъ ят ерледе, ят муитте
бутюнлей ёкъ олмасына ел бермейип, буюк бир къыйынлыкъларнен, бир дердже олса
да, озь юзюни, озь менлигини, озь миллий къияфетини сакъламагъа ниаль олды.
Эминликнен айтмакъ мумкюн ки,
аман-аман эллий йыл девам эткен ве чешит зорлукъларнен, чешит сой сынъырлав ве
ясакъларнен багълы олгъан махсус органларнынъ къатты незарети алтында кечкен бу
агъыр ве муреккеп девирде, шубесиз, халкънынъ сюрьгюн этильгенинден , сонъ
янъыдан нефес алып, джанланып башлагъан эдебиятымызнынъ ролю гъает буюктир.
Оставьте свой комментарий
Авторизуйтесь, чтобы задавать вопросы.