Әдебиеттік оқу пәнінен "Арыстан мен тышқан" ашық сабақ

Сабақтың тақырыбы: Сұлтанмахмұт Торайғыров  «Арыстан мен тышқан»

Сабақтың мақсаты:

1.Мысалдың мазмұнын ашу, автор туралы түсінік беру;

2. Оқушылардың ой өрісін кеңейту;

3. Оқушыларды жан - жануарларға, үлкенге, кішіге қамқор болуға, мейірімді болуға, біреуге қол ұшын беруге дайын болуға тәрбиелеу.

Сабақтың түрі: аралас сабақ

Сабақтың әдісі: түсіндіру, сұрақ – жауап, баяндау

Сабақтың көрнекілігі: автордың портреті, суреттер, интерактивті тақта

Пәнаралық байланыс: дүниетану, қазақ тілі

Сабақтың барысы:

І.Ұйымдастыру кезеңі

- Оқушылармен амандасу, түгендеу

Психологиялық дайындық

Біз балдырған баламыз,

Құстай қанат қағамыз.

Дүниені аралап,

Оқып білім аламыз.

ІІ.Үй тапсырмасын тексеру

Ара мен Шыбын (сахналау)

Венн диаграммасы
● Ара
Еңбекқор
Қонақжай
Талапты
Адал
Пайдалы
● Шыбын
жалқау
еріншек
жаман
лас
зиянды
● Екеуі де жәндік.
Табиғатқа екеуі де пайда келтіреді

ІІІ.Жаңа сабақты ашу

-Балалар, мен сендерге жұмбақ жасырамын. Жұмбақтың шешуін дұрыс тапсаңдар, бүгінгі сабағымыздың тақырыбы ашылады.

Жұмбақ шешу

Бір аң бар қайраты бар, болған күшті,

Басынан өткізеді әрбір істі.

                                                   (Арыстан)
Мысықтан бұл қорқады,

Бұдан піл қорқады.

                             (Тышқан)

- Арыстан мен Тышқан туралы не білеміз?

- Олар қайда өмір сүреді?

IV.Ой қозғау

- Мысал дегеніміз не?

- «Мысал»дегеніміз - адам бойындағы кемшіліктерді сынап, адалдық, әділдік, қайырымдылық сияқты жақсы қасиеттерді мадақтап жазатын шығармаларды атайды. Мұндай шығармада өсімдіктер мен жануарлар, аңдар мен құстар кейіпкер ретінде алынады.

V.Жаңа сабақ

- Балалар, бүгінгі өтетін тақырыбымыз: «Арыстан мен тышқан».

- Авторы Сұлтанмахмұт Торайғыров (портреті көрсетіледі).

- Қане, балалар, С. Торайғыров туралы не білеміз, еске түсірейікші.

   С. Торайғыров – қазіргі Павлодар облысы, Баянауыл ауылында дүниеге келген. Қазақ әдебиетінің аса көрнекті өкілі, ақын, жазушы, әрі педагог. Жастарды оқуға үндеген «Неге жасаймын», «Шәкірт ойы», т. б. өлеңдердің, «Қамар сұлу», т. б. көркем шығармалардың иесі.

«Арыстан мен Тышқан» мысалы (видеоролик)

Оқулықпен жұмыс

- Іштей оқу.
- Рөлге бөліп оқу.
- Оқушыға оқытып, мазмұнын айтқызу

VI.Сергіту сәті

Дәптермен жұмыс
Сөздік жұмыс

күпшек – дөңгелектің білік кигізілетін, шабақтар қондырылатын ұңғы тесіктері бар ортаңғы бөлігі

зиян – залал, зақым

азат – еркін, өз еркі өзінде, ерікті

Тақтамен жұмыс

-Мысалды бөліктерге бөл. Әр бөлікке ат қойып, дәптеріңе жаз. (сурет бойынша)

Топпен жұмыс

І-топ. Арыстан қандай аң?

ІІ-топ. Тышқан қандай жануар?

Керекті сөздер: Кеміргіш, ұсақ, жыртқыш, жыл басы, ірі, қорқақ, өте әлсіз, өте күшті, батыл, ұзақ жасайды, тағам талғамайды, көп балалайды, аң патшасы, етпен қоректенеді.

ІІІ-топ. Мысал мазмұнына сай келетін мақал-мәтел жазу

1.Түйедей бойың болғанша,
Тарыдай сыйың болсын.
2.Күлме досқа келер басқа.
3.Досы көпті жау алмайды.

VII.Сабақты қорытындылау
- Мысалдағы оқиға нелер арасында болған? 
- Арыстан тышқанды не үшін өлтірмек болды? 
- Тышқан арыстанға берген уәдесін қалай орындады? 
- Балалар, бүгін біз кімнің шығармасымен таныстық?

- Осы мысалдан қандай сабақ алдыңдар? 

Балалардың жауаптары

VIII.Үйге тапсырма беру: Мәнерлеп оқу, мазмұндау

Бағалау