Ахмадиев Мағжан,
"Электротехника колледжі" КМҚК,
жетекшісі:Жарылгасинова
Жанаргуль Газизовна
МЕНІҢ
МАМАНДЫҒЫМ-МЕНІҢ СҮЙІКТІ ІСІМ
“Мамандықтың
жаманы жоқ, бірақ мұның кез келгеніне икемділік қажет, бұл жай күнелту, тамақ
асыраудың ғана жолы емес, үлкен өнерді, зор шеберлікті қажет ететін нәрсе”.
Ж. Аймауытов.
Бүгінгі
таңда ұрпақ алдында «Қазақстан – 2030» бағдарламасындағы «Барлық
Қазақстандықтардың өсіп — өркендеу қауіпсіздігі мен әл – ауқатының артуы» деген
мерзімдік міндетті үшінші мыңжылдықта іске асыру жауапкершілігі тұр.
Еліміздің
болашағы, ұлтымыздың ертеңі мектеп қабырғасында білім алатын жас ұрпақтың
саналы ойлау қабілеті мен біліміне, іскерлігіне байланысты. Сондықтан да
егеменді еліміздің білім беру жүйесінде әлемдік деңгейге жету үшін жасалынып
жатқан талпыныстар оқытудың әртүрлі әдіс — тәсілдеріне қолдана отырып, терең
білімді, ізденімпаз, барлық іс-әрекетінде шығармашылық бағыт ұстанатын, сол
тұрғыда өз болмысын тани алатын жеке тұлғаны қалыптастыру ісіне ерекше мән
берілуде. Ендеше, мектеп оқушыларының дүниетанымын кеңейтуде, оқу танымдық
белсенділігін арттырып, білім, біліктерін жетілдірудің қоғамдық мәні зор деген
сөз.
Елбасымыз
Н.Ә.Назарбаев еліміздің ертеңі, бүгіні жас ұрпақтың қолында, ол жас ұрпақтың
тағдыры – ұстаздардың қолында,- деп айтқанда қазіргі таңда және болашақта
ұстаздардың алатын орны ерекше екендігін тағы да бір нақтылап көрсеткендей.
Міне, сондықтан мен мектеп қабырғасында оқып жүргенде – ақ, болашақ өмірімнің
ұстаздық деген ұлы мамандықпен ұштасарына кәміл сендім. Дана халқымыз «Өмірде
екі нәрседен қателеспеу керек: біріншісі – мамандық таңдау, екіншісі – жар
таңдау» деген екен. Мамандық – бұл әрбір адамның сүйіп, әрі қуана жасайтын ісі,
оның ертеңгі болашағы. Әр адам мамандығын өзі таңдауы және оған құрметпен қарауы
керек. Себебі, мамандық таңдау үлкен жауапкершілікті қажет етеді. Мамандық
таңдауда әр адам өзінің қызығушылығына, қабілетіне, бейімділігіне, қалауына
сүйену керек. Қазіргі таңда мамандықтың түрі көп. Таңдау жасау оңай емес. Ең
бастысы - адам еңбекке қабілетті, зейінді болуы қажет және оның мамандығы өзі
өскен ортаға маңызды, бағалы үлес қосатындай болуы шарт. Өз ісіне сенімді,
дұрыс таңдау жасаған адам ғана жетістікке жетеді. Өзінің сұранысын,
қызығушылығын жоймаған кең тараған мамандықтарға дәрігер, мұғалім және
құрылысшы мамандықтарын атап өтуге болады. Ал, өзекті мамандықтар қатарына
жоғары технология, байланыс, коммуникация, әлеуметтік орта, экономиканы басқару
мамандықтары және еңбек сұранысына қажетті жаңа мамандықтар жатады. Қоғамның
дамуында мамандық иелерінен жоғары кәсіби біліктілікті, коммуникативтік
қабілетті, еңбек етуге деген сүйіспеншілікті, қызығушылықты, өз мамандығы
бойынша біліктілігін арттыруға даяр болатын мамандық иесін талап етеді.
Сондықтан икемі, қызығуы, бейімі бар мамандықты таңдай білу, өзіне, қоғамға
тигізетін пайдасын ойлау, мұндай еңбектен шабыт туатыны, ол өнімді еңбекке
ұласып, табыс әкелетінін білу керек.
Сонымен бірге, олардың әрқайсысының өз ерекшеліктері де бар.
Мамандық дегеніміз
не?
Кәсіп, Сүйікті іс, Шығармашылық, Қызығушылық, Еңбек көзі.
•-Біздің болашағымыз – біздің мамандығымызда;
•-адамның болашаққа апаратын жолы;
•-адамның алдағы уақытқа қойған мақсатының бірі;
•-мамандық бойынша адам жұмыс істейді;
•-оқуды бітіргеннен кейін таңдайтын мамандық;
• - ол белгілі бір кәсіпке ие болу бейіндігі, ұнату, таңдау, арманыңды іске
асыру;
•-мамандық сөзі ол жұмыспен сипатталады;
• - келешекке қойған жоспары, мамандығын ойдағыдай бітірсе, игерсе сол
• - адам жаны қалаған қабілеті бар кәсіпкерлік жұмыспен айналысады.
Болашақта
үлкен мамандық иесі болатынын армандамайтын бала болмайды. Алғашқы кезде біздің
ойымызда «Қоғамға, адамдарға пайда сын тигізетін мамандық ты қалай таңдауға
болады?» деген сұрақ болды. Бірақ әркім өзі ұнатқан маманды ғына оқуға түседі.
Ал өз еркімен түспейтіндер менің ойымша өте кем. Менің таңдаған мамандығым –
техник- электрик болу.
Бұл қандай
мамандық? Қай саланың маманы ?
Энергетика
– қоғамның көкейкесті мәселелерінің бірі. Көшені жарықтандыру, ірі зауыттар мен
өндірістің жұмысы, миллиондаған халықтың өмірлік жағдайының жақсаруы – мұның
бәрі электрик жұмысын қажет етеді. 1882 жылы Томас Эдисонның ойлап тапқан
бірінші электр станциясы пайда болғаннан бері білікті маман дайындау
қажеттілігі күннен-күнге арта түспесе, кеміген емес. Адамдардың дені электрик
жұмысымен таныс, егер ток көзінен ұшқын пайда бола қалса, міндетті түрде оны
шақырады. Алайда бұл мамандық иелерінің жұмысы мұнымен шектелмейді. Электрик
қозғалтқыш пен генераторға техникалық қызмет көрсету, телеавтоматиканың сұлбаларын
жинау және аспаптарды жөндеу, шашу және құрастырумен айналысады. Байланыс
тораптарын, электр тарату желілерін және жарықтандыру құрылғыларын жөндеу,
кабельдерді қаптау жұмысын жасайды. Тұрғын үйлерде және өндірістерде ішкі
электр желілерінің байланысын орнатады, оларды жөндейді, жабдықтың бөлшектерін
таңдайды, әртүрлі қондырғылардың электрлік сұлбаларын жөндейді және оларды
құрастырады. Электрик мамандығы өндірістік кәсіпорындардың ваканттық
лауазымдарының қатарына жатады.
Әрбір адамға жақсы
маман болып қалыптасуы үшін білім, тынымсыз еңбек, өзіне деген сенімділік,
мақсатына жетуге деген ерік – жігер, тиянақтылық сияқты қасиеттер қажет. Ал
білімді электрик болу үшін жоғарыда көрсетілген қасиеттермен қатар, әрбір істі
ұқыптылықпен, жауапкершілікпен шешуді қажет ететін интуиция, дәлдік, тапқырлық,
зеректік сияқты қасиеттер болуы қажет деп есептеймін. Осының нәтижесінде
электрик – жарық, жылу сыйлаушы, электрик – өзгелерге көмек қолын созатын адам.
Осындай жақсы қасиеттерді бойына сіңіріп, еңбек жолын бастаған әрбір жас
маманның өз мамандығы арқылы қоғамға, жалпы адамзатқа тигізер пайдасы көп
екеніне сенемін.
Қазіргі
таңда жаһандану дәуірінде ғылым мен техниканың даму кезеңі. Білім ордаларына
қойылатын талаптар да өзгеше: бәсекеге қабілетті, өзіне сенімді, шығармашыл,
дарынды, көп тілді меңгерген, білімді жеке тұлға қалыптастыру.
Мақсат –
айқын, міндет – біреу: ел еңсесін еселеу жолында аянбай еңбек етіп, білімнің
алтын қазығын игеру. Олай болса, Елбасының мығым әрі мықты, сындарлы да
салиқалы саясатын қолдай отыра, ел игілігі үшін бар күш – жігерім мен білімімді
сала бермекпін.
«Егер
мамандықты таңдап алуда сіздің жолыңыз болса және осы жолда өміріңізді сарп
ететін болсаңыз, онда сіз бақытты болғаныңыз»,- деген екен К. Д. Ушинский.
Мамандық
иесі болу үшін алдымен білім мен қабілет қажет. Өйткені, білім арқылы адамның
қабілеттілігі артады, ал қабілеттілік білікті маман болуыңа өз үлесін тигізеді.
Ойымды
қорытындылайтын болсам, менде осы кісілер сияқты қоғамға пайдамды тигізетін
азамат болғым келетінін айтқым келеді.
Сен де бір кірпіш дүниеге, кетігін тап та бар қалан», — деп халқымыздың
ұлы ақыны, қара сөздің қас шебері Абай Құнанбаев атамыз айтқандай, кез
келген адам «Өмір» атты дүниеде өз орнын табуға тырысады, яғни өседі,көреді,
өнеді,тәрбиленеді, қалаған мамандықтарының қызығын көреді.
Және сол үшін
білім алуға барлық күш-жігерімізді жұмсап, жұмыс жасайық дегім келеді. Мен
мамандық таңдаудан қателеспегеніме сенімдімін.
ПАЙДАЛАНЫЛҒАН
ӘДЕБИЕТТЕР:
1. Джим Баррет.
"Мамандық таңдау".,
2. Нэнси Рика
Шифф. "Қызықты мамандықтар әлемі".,
3. Е. С. Романов.
"99 мамандықдың түрлері".,
4. Мария Рогачева.
"Мамандықты алмастырудың жолдары".,
5. Ғаламтор.,
"Массагет" сайты.
Оставьте свой комментарий
Авторизуйтесь, чтобы задавать вопросы.