МБУМ
«Заречное къырымтатар тилинде окъутылгъан мектеп-бала багъчасы»
Этрафтаки алем
Мевзу: «Кийик ве эв айванлары»
2 сыныф
(Усеинова Султание Эбабилевна)
Заречное, 2022с.
Этрафтаки алем 14.09.2022с.
Мевзу: Кийик ве эв
айванлары
Макъъсат: Балалар кийик ве
эв айванларнынъ адларыны бильмек ве тенъештирмек, кийик ве
эв айванларынынъ яшайышы акъкъында талебелернинъ бильгилерини арттырмакъ;
талебелернинъ сёз байлыгъыны янъы сёзлернен зенгинлештирюв; оларнынъ
нутукъларыны инкишаф эттирюв; талебелерде айванларгъа мераметлик дуйгъусыны
ашламакъ, айванларнынъ чешитлеринен таныштырмакъ ве талебелернинъ фааллигини инкишаф
этмек, аталар
сёзлернинъ манасыны анълатмакъ, амелий фааллиетининъ теджрибесине эсасланув
усулынен функциональ бильгини инкишаф этмек.
Бекленильген
нетиджелер:
·
талебелерни бильги алув фааллигини, нутукъ ве афызаны, эсерлерни
окъувгъа мусбет мотивацияны инкишаф этмек;
·
нутукъ, фикир этюв, тасавур къабилиетини шекиллендирмек,
талебелернинъ сёз ве нутукъ байлыгъыны зенгинлештирмек;
·
мундеридже боюнджа суаллерге джевап берелер;
·
башкъаларнынъ нутукъларыны динълемеге ве анъламагъа алышалар
Дерснинъ
чешити: алынгъан бильгилернинъ тешкерюв дерси
Донатма: кийик эв айванларнынъ
ресимлери, карточкалар, шиирлер, компьютер презентациясы, маскалар.
Дерс кетишаты:
I.
Тешкилий къысым.(1 дакъкъа)
Селямлашув.
II.
Нутукъ мешгъулиетлери. (1 дакъкъа)
"Арифлер ерини джойгъан" оюны (лугъат иши тахтада
беджериле):
Мевзуны бельгилемек.
Оджа: –Шимди насыл мевсим? Кузьнинъ авасы насыл ола? (ягъмур,
сувукъ,ель)
- Кучьлю ель уфюрип арифлер ерини
денъиштиргенлер
Й А Н Л А Р В А (АЙВАНЛАР) (слайд 1)
III.Бильгилерини
актуаллештирюв ве дерс макъсадларыны къоюв (2 дакъкъа)
Оюн «Сеслерни
танынъыз» (аудио
сес) (слайд 2,3)
Оджа:
-Кимлерни сеслерини эшиттинъиз? (сыгъыр,
эчки, копек)
-Бу
айванларны насыл адландырмакъ мумкюн? (эв айванлары)
Оджа:
-Кимлерни сеслерини эшиттинъиз? (арслан,
аюв, къашкъыр)
-Бу айванларны насыл адландырмакъ мумкюн? (кийик
айванлары)
Оджа: -Бугуньки
мевзумыз насыл? (кийик ве эв
айванлары) (слайд 4)
IV.Дерс мевзусы узеринде иш (3
дакъкъа)
Тапмаджалар: Бу айвандыр йыртыджы, Озю сары, айнеджи,
Яшай
дагъда, ювада, Тавукъ тутмакъ мурады.(тильки)
Къаралтыда юрем мен, хырсыз кельсе, корем
мен
Тёгерекни долашып, бутюн гедже
урем мен.(копек)
V. Чифтлерде
иш Пазл
джыймасы (2 дакъкъа)
- Раленинъ устюнде ресимнинъ парчалары тура, бу пазлларны
джыйып насыл айван олгъаныны айтынъыз
- Тильки насыл
айван? (кийик айваны) Копек насыл айван? (эв айваны)
VI.Раатлыкъ дакъкъасы(1
дакъкъа) (5 слайд)
VII.Ресимлер
боюнджа чалышув (3 дакъкъа)
- Эр бир эв айваннынъ бир де бир файдасы ола. Ресимлерни
айванларгъа келиштирип къоюнъыз. (Эр бир айвангъа келишкен ресимлерни
къоялар)
- Эв айванлары насыл файда кетире инсангъа?
(6 слайд)
VIII.Дерснинъ нетиджесини чыкъарув.
(2 дакъкъа)
Оджа:- Кийик ве
эв айванларыны насыл фаркъы бар?
Кийик айванлар табиатта мустакъиль яшайлар, озьлерине
ем тапалар, юва ве къобалар япалар(7 слайд)
Эв
айванларны адамлар бакъа ве ашаталар. Олар ичюн ахырлар,
ювалар япалар, айванларнынъ балларына мукъайт олалар
- Копеклер
адамларгъа насыл ярдым этелер?
(Геджелери
копек афыра, эвни къаравуллай, чобанларгъа ярдым эте)
- Эв айванлары насыл файда кетире?
Сыгъыр-сют,ягъ,къаймакъ,пенир,эт бере. Копек эвни къаравуллай.
Ат-адамларгъа
кой ишлеринде ярдым эте, эт бере. Къой-
эт, юнь
- Бу дерстен насыл
нетидже чыкъармакъ мумкюн?
Нетидже: - «Кийик, эм эв
айванларны къорчаламакъ, мукъайтламакъ
керек, оларгъа аш, сув бермек, оларны севмек керек».
IX. Рефлексия. (1
дакъкъа) (7 слайд)
- Сиз бугунь нелер акъкъында янъы бильгилер алдынъыз?
(Кийик
ве эв айванлары акъкъында)
Оджа: Эв
айванларынынъ адыны бильмек керек эр бала,
Къой,
эчки, мышыкъ, копек, сыгъыр, бузав, ат деп айтсанъ,
Дерлер санъа «Машалла!»
-Бугуньки
дерсимиз насыл кечти? (Кунеш ве булут ресимлерини костерелер)
Оставьте свой комментарий
Авторизуйтесь, чтобы задавать вопросы.