"Кітап оқи білеміз бе?"

                                                         Кітап  оқи  білеміз  бе? 

Мақсаты:   оқырмандарды  кітапханаға   тарту, кітапқа  деген  құрмет, сүйіспеншілікті  қалыптастырып  дамыту;  оқырмандарды  ақпараттық  сауаттылыққа  тәрбиелей  отырып  ақпараттық  қоғамдағы  кітаптың  рөлін  көтеру.  

Міндеті:   жас  оқырманның  кітапқа  деген  қызығушылығын  арттыру.

Көрнекілігі:   «Кітап – ғажап  дос, сенімді  сырласың»  кітап  көрмесі,   «Кітап – ғажайып  қазына» слайды.

Бағыты:  «Кітап – сенің  өміріңде»...  тақырыбында  кітаптың  әрбір  оқырман  өмірінде  алар  орны  туралы  баяндама ( Оқитын  кітапханашы).

Кітапханалық  ойынға  қатысатын  оқырмандарды  екі  топқа  бөлу.  

 1) «Кітапқұмарлар» 

2)«Тапқырлар»   

 Барысы.                                                                                        

 1.«Өзің  оқы, өзгемен  бөліс»  бөлімі.

( Әр  топ  өздеріне  берілген  ертегілерінен   түсінгенін  айту  арқылы  бір-бірімен  ой  бөлісуі).

2. «Танымдық  ойындар»  бөлімі.

Мақал-мәтел  жарысы. Мақал-мәтелдің   алғашқы  жолы  оқылады, әрі  қарай  тауып  жалғастыру.

1-топқа  «Білімдінің  күні  жарық, білімсіздің  күні  ғаріп». «Білекті  бірді  жығады, білімді  мыңды  жығады». «Мектеп-  кеме,  білім- теңіз». « Денсаулық – зор байлық». «Қына  тасқа  бітеді, білім  басқа  бітеді».

2-топқа. «Кітап –білім  бұлағы, білім – өмір шырағы». «Бас  кеспек  болса  да, тіл  кеспек  жоқ». «Отансыз  адам – ормансыз  бұлбұл». «Өнер  алды – қызыл  тіл». «Көсем  ел  бастар, шешен  сөз  бастар».

Жұмбақ  жасыру.

1-топ. «Кітапқұмарлар»

« Қабат-қабат  қаттама, ақылың  болса  аттама».   (кітап)  

«Жатып  қарасам – аппақ,  татып  қарасам – тәтті-ақ».  (қант)

«Өзі  кірді  ашады,  өзі  судан  қашады.  (сабын)

«Қанаты  жоқ   ұшады ,  аяғы  жоқ желеді,  аузы  жоқ  ұлиды».  (боран) 

«Аласа  ғана  бойы  бар, айналдырып  киген  тоны  бар».  (қой )

2-топ.  «Тапқырлар»

«Асты  тас, үсті  тас ,  ортасында  піскен  ас»  ( таба  нан)

«Айдалада  ақ  отау,  аузы-мұрны  жоқ  отау»   ( жұмыртқа)

« Қара  сиырым  қарап  тұр,  қызыл  сиырым  жалап  тұр».   ( от, қазан )

«Қолы  жоқ  сурет  салады,  тісі  жоқ  тістеп  алады».   ( аяз)

«Ағайынды  он,  кигені  екі  тон».  ( Он саусақ, қолғап)

Сөзжұмбақ  шешу. Екі  топқа  «Кітапхана», «Балдырған»  атты  екі  сөзжұмбақ  жасырылады, «Кітапхана», «Балдырған»  сөздерінің   мағынасын  өз  ойлары  бойынша   ашып  айту.

1-топ. «Кітапқұмарлар»  «Кітапхана»  сөзжұмбағы.

1.Балаларға  арналған   мерзімді  басылым. /Айгөлек/

2.Оқушы  жанының  бағбаны. /мұғалім/

3.Қазақтың атақты  үш  биінің  бірі /Төле би/

4. «Бес  нәрсеге  асық  бол,Бес  нәрседен  қашық  бол, Адам  болам  десеңіз!»  деген   өлең  шумағын  кім  жазған? /Абай/

5. Қой  пірі.  /Шопан  ата/

6.Кітаптардың   мекені. /кітапхана/

7.Ең  киелі  құс. /Аққу/

8.Республикалық  балалар  газеті. /Ұлан/

9.Ер  қанаты. /ат/

2-топ. «Тапқырлар»  «Балдырған»  сөзжұмбағы.

1.Ананың  перзенті. /бала/

2.Жердің  табиғи  серігі. /ай/

3.Ұлттық  рәміздеріміздің  бірі. /елтаңба/

4.Ұлттық  аспап. /домбыра/

5.Жыртқыш  аң. /қасқыр/

6.100 жыл. /ғасыр/

7.Ат  тұяғына  қағатын  зат. /таға/

8.Алматының  алмасы. /апорт/

9.Қасиетті  тағам. /нан/

«Ойын  ой  ұштар» бөлімі.   Бұл  бөлімде  оқырмандар  өздері  оқып  келген  кітаптан  тапсырмалар  орындайды.

Тапсырма. 1)Айырмашылығын  тап.   Екі  бірдей  сурет  беріледі ,  сол  суреттің  бір-бірінен  айырмашылығын  табу.2) Ертегінің  атын табу. Ертегіден  үзінді  оқылады, сурет  көрсетіледі, сол  арқылы  ертегі  атауын  табу.