Конспект открытого урока на тему:"Дзесты Куыдзаг Тегайы балас"

Урочы темœ: Дзесты Куыдзœджы радзырд «Тегайы бœлас».

Эпиграф  урокмœ:

«Фœллой царды фœрœз у, уый фœрцы ис ссарœн амонджын, хьœлдзœг, райдзаст цардмœ фœндаг».

Урочы нысан :1.Фœллойы темœйœ цы œрмœг рацыдысты, уый ныффидар                   канын.

2. Скьоладзауты раст хатдзœгтœ кœныныл æфтауын, уацмысæн анализ кœнын.

3. Сабитœм куыстмœ уарзондзинад рœзын кœнын.

Цæстуынгæ œрмœг:

Сывœллœттœн сœхи конд нывтœ рацыд уацмыстœм, фœллойы темæйыл. Стыр ныв «Бœлас».

Урочы цыд:

1.                   Куыстмœ уарзондзинады темæйæ уацмыстœ зœрдыл œрлœууын кœнын

Скьоладзаутœ нымайынц: «Зœрватыччы ахстон», «Мœкьуылтœ куыд фервœзын кодта» œмœ а.д,

Фœрстытœн дзуаппытœ дœттынц:

1.Цы ми кœнынц лœппутœ?

2.Цы œвдыст цœуы ацы нывы?

3 Цœмœн аразынц зœрватыккœн ахстон?

4.Куыд уœм кœсы ацы лœппутœ кусын уарзынц œви нœ?

5.Сымах фœкœнут ахстон хъœддаг цъиутœн?

2. Ног œрмœг.   Дзесты Куыдзœджы радзырд «Тегайы бœлас»

Фœйнœгыл œвдыст цœуы Дзесты Кудзœджы портрет;

1)      Ахуыргœнœджы раныхас  Куыдзœджы биографийыл.

2)      Дзырдуатон куыст:

Фœгœмœх - бœлœстœ дзы искуы иуран йеддœмœ нал уыд, сафтид (опустел)

Тырты- хьœддаг сындзджын кьутœртœ, зайы сыл хœрынœн бœзгœ туаг сырх гагатœ (барбарис)

Хатын- лœгъстœ кœнын(просить, умолять)

œндзалм - даргь хъилтœ (длинные прутья)

дзырдтœ œвдыст цœуынц итерактивон фœйнœгыл

3)Текст бакœсын œмœ йыл бакусын.

 Анализ  скœнын. Фœйнœгыл œвдыст цœуынц œрдзы нывтœ:

-хœхтœм фœндаг;

-фœндаг куыд фœсаджил;

-фœндаджы был Тегайы сагьд балас, йœ быны бандон, йœ алыварс œмбонд;

уырыссаг аргьау «Красная шапочка»-йœ ист ныв : Чызг йœ нанайы уынынмœ фœцœуы œмœ фœндаг фœсаджил (дыууæ нывы абарын ).

- ногдзауты хъœд.

4)Фœрстытœн дзуаппытœ раттын:

- Кœдœм фœцœйцыдысты бœлццœттœ œмœ кœуыл амбœлдысты?

- Цы куыста зœронд лœг ?

- Тегайы бœласы тыххœй зœронд лœг фœндаггœттœн цы радзырдга?

- Радзурут-ма «Ногдзауты хьœд» куыд œрцыди сагьд?

- Чи сты радзырды сœйраг архайджытœ?

5)Ахуыргœнœджы ныхас фœллой, куысты тыххœй.

Адœймаг хьуамœ кусын уарза. Кœм фœнды куы уа, уœддœр хьуамœ фœллой кœна. Цœсгомджынœй œххœст кœна йа размœ œвœрд хœстœ, œмœ йын уœд ацœгœй фœллой уыдзœн амонды суадон. Скьоладзаутœн та сœ сœйрагдœр фœллой, сœ сœйрагдœр куыст у ахуыр кœнын. Куыд рœзат œмœ œххуысхъом куыд кœнат афтœ та уœ хœс у, уе 'ххуысы хай кœнын фыццаджыдœр хœдзары,стœй та œхсœнады царды.

Нæ зæрдыл æрлæууын кæнæм Хетœгкаты Кьостайы æмдзæвгæ.

(фœйнœгыл)

Кœмœн цы?

Алы куыстœн-рад

Дзидзидайœн - мад

Хорз фыййауœн - фос

Бирœ фосœн - хос,

Хоры кœндœн-кад

Сонт рœдыдœн- барст,

Хорз зœрдœйœн - уарзт,

Рагон мастœн-тад

Загьдкьахœгœн- над,

Магусайœн - цœф,

Цырд лœппуйœн- кœф.

 Зœгьут – ма сывœллœтгœ, цы раттаиккат сымах-та зœронд лœгœн?

- Кœф.

- Тегайœн та?

- Уымœн дœр - кœф.

- Цœмœн?(Сывæллæттæ сæ хъуыдытæ дзурынц ).

-Уœдœ -ма зœгъут сывœллœттœ кœимœ ис абарœн Тегайœн? (фœйнœгыл фыст дзырдтœ)

Куыстуарзаг.

Фœллойгœнœг.

Адœмœн хорздзинад аразœг.

Йœхицœй дарддœр ма искœуыл чи хъуыды кœны.

Хорздзинад адœмœн чи кœны.

Иу дзырдœй хорз адœймаг.

Уœдœ ма бакœсœм сывœллœттœ цавœр œмбисœндтœ ис нœ уацмысы.

Лœг куы бœзза, уœд адœм иууылдœр уый сты.

Адœмœн хорз чи кœны, уый œфстау уары.

-Чи уœ куыд хъуыды кœны, ацы œмбисœнтœ цавœр адœймœгтœм хауынц?

Скъоладзаутœ дзурынц сœ хъуыдытœ.

6) Хатдзœгтœ скœнын.

-Уœдœ ма ссарут тексты цы загъдœуы Тегайы тыххœй «Хорз лœджы фœд дам зœйы бын дœр нœ сœфы»

 - Сывœллœттœ уœдœ цœмœн хуыйны нœ уацмыс «Тегайы Бœлас»?

7) Радзырд хи ныхœстœй  радзурын.

Бœрœггœнœнтœ сœвœрын.

Хœдзармœ куыст: 1. Радзырд хи ныхœстœй дзурын.

2. Тестытœн  дзуаппытœ раттын.