Көшбасшылықты дамытуда- топтық жұмыстың маңызы. Коучинг жоспары

29.03.2016 жыл	Сағат:  1030-1115
Мұғалім:	Муратова М.А. №3 Аршалы орта мектебі
Тақырыбы	«Көшбасшылықты дамыту-топтық жұмыстарда»
Мақсаты	Көшбасшылықты дамытуда топтық жұмыстың маңыздылығы туралы мұғалімдердің көзқарастарын,  түсініктерін кеңейте алады, мұғалімдердің тәжірибесіндегі  мұғалім көшбасшылығы ұғымының  маңыздылығын айқындай алады; кәсіби ақпаратпен алмаса алады.
Міндеттері	* ойларын жүйелі, ашық айтуға үйрету; *көшбасшылықты дамытудың  маңыздылығын түсіну; * рефлексия жасау
Күтілетін нәтиже	Тoптaca жұмыc aтқaрa oтырып,  мұғалімдер әріптестері арасында  педагогтың ең маңызды кәсіби қасиетінің бірі – көшбасшылық ұғымы  жөнінде    ақпаратпен алмасып, оқытушы  көшбacшылығы турaлы түciнiк қaлыптacып,  өз тәжірибелерімен бөліседі.
Түйінді идея	Көшбасшы (ағылшынша leader – басқарушы  деген мағына  білдіреді) – нақты формальды  және формальды емес ұйымдағы  бір адамның басқа адамға  немесе топқа  әсер ету  арқылы  басқарудың  көрінісі. Көшбасшы – жол таба білетін, өзгелерге жол көрсете алатын, өзіне жүктелген міндетті сезіне білетін, ауыртпалыққа төзе білетін тұлға.
Сабақта қолданылатын материалдар:	Интерактивті тақта, бейнефильм, презентация, маркерлер, постер, стикер
Жаттығулар кезеңдері	Уақыты	Коучтің іс-әрекеті	Тыңдаушылардың іс-әрекеті
Ұйымдастыру Сергіту сәті: «Көшбасшы» Топқа бөлу	3 мин 2 мин	Психологиялық ахуал Сергіту сәті: «Көшбасшы». Қимылды бастайтын адамға белгі беріп тұрады. «Саяхатқа шығу»	Мұғалімдер дөңгеленіп шеңберге орналасады. Бір мұғалім теріс қарап тұрады, шеңберде тұрғандардың бірі музыкаға ілесе отырып қимыл жасайды, өзгелері сол қимылды қайталауға тиіс. Теріс қарап тұрған мұғалім белгі бойынша топқа қарап, қимылды бастап тұрған көшбасшыны табуға тиіс. Жылдам тапқан адамға қошемет көрсетіледі. Саяхатқа шығатын үш адам ортаға шығады, олар өздеріне жүк көтеруге көмектесетін серік табады, серіктері алмасын бөлісетін дос табады, ал достары сырын бөлісетін сырласын тауып келеді, осылайша 3-топ құрылады.
Бейнефильм «Топтағы көшбасшылық» Топтық жұмыс	3 мин 1-мин 3 мин	Бұл бейнефильмнен не ұқтыңыздар? Топта талқылау. Өз ойларын ортаға салу	Фильм тамашалайды. Топта талқылайды. Ойларын ортаға салады
Түсіндірілім	5 мин	Көшбасшылық қабілеттерін дамытудауда  топтық жұмыстың  маңыздылығы жайында мәлімет беру.	Слайд көреді, керекті жерлерін түртіп алады
Аудиториямен жұмыс «Әуе шары» әдісі	8 мин	Көшбасшы  болу үшін қандай қасиеттер болу қажет? Мәселені шешуде әуе шары әдісін пайдалану. «Әуе шары» әдісі арқылы басқалармен жұмыс істеу, ойлану, шешім қабылдау, мәселені шешу, ақпаратты басқару дағдылары қалыптасады	Топ бірлесе отырып, көшбасшы болу үшін  қажетті қасиеттерді атап, қағаз бетіне түсіреді.
«Батпақ» тренингі	5 мин	Топ мүшелерін бір-бірімен қатарластыра отырып, аяқтарын скотчпен біріктіреді. Батпақтан өтуге тапсырма беріледі.	Топ мүшелері бірлесе отырып, көшбасшының бастауымен батпаққа түспей  таза жерлерді басып өтуге тиіс.
Сиқырлы қорапша. Рөлдiк oйын.  «Жағдаяттарға байланысты мен көшбасшы бола аламын ба?»	10 мин	Топтарға жағдаяттар беріледі, сол жағдаяттарды шешу жолдарын қарастырады. № 1 жағдай Сынып жетекшісі сыныпқа келіп жексенбі күні сынып оқушыларын сенбілікке шақырды. Сынып оқушылары ол күнге сыныптан тыс кеш өткізуді жоспарлап қойған болатын. Сондықтан оқушылардың көпшілігі жан-жақтан шулап, қарсылықтарын білдірді. Мұғалім оқушылармен сөйлесіп, оларды көндіруді саған сеніп тапсырды. Сенің іс-әрекетің? №2 жағдай Жаңа оқу жылы басталғанда мектепке жаңадан  жан-жақтан жеті мұғалім келді. Оның үшеуі жас маман, қалған төртеуі әртүрлі аймақтардан.  Мектептегі оқу ісінің меңгерушісі мұғалімдерге  мектептің ішкі тәртібін, кезекшілік, тағы да басқа ұйымдастыру жұмыстарын таныстырып жатты. Жаңадан келген  мұғалімнің екеуі орындарынан тұрып, өз мектептерінде басқаша ұйымдастырылатынын айтып, қарсылық білдірді. Оқу ісінің меңгерушісі жаңадан сайланған жас маман болатын. Ол мұғалімдер қарсылығына абдырап қалды. Сіз бұл жағдайдан шығуға қалай көмектесер едіңіз? №3 жағдай Жалпы мектепішілік ата-аналар жиналысы өткізілуде. Ата-аналар ішінен біреуі тұрып мектептің педагогикалық ұжымының, мектеп әкімшілігінің жұмысын жоққа шығарып, негізсіз қаралап сөйлей бастады. Ата-аналардың бір тобы оны жақтап, қуаттағандай бас изеп отыр. Мектеп әкімшілігі ата-ана тарапынан мұндайды күтпеген еді. Бұл жағдайдан қалай шығар едіңіз?	Әр тoп өзiнe бeрiлгeн тaпcырмaдaғы көшбacшының рөлiн coмдaу кeрeк.  Яғни, әр топ  жағдаятты көрініс ретінде қойып, мәселелерді шешу қажет. Топ мүшелері тапсырманы орындайды.
Қорытынды видеофильм «Көшбасшы адам»	2 мин	Бейнежазба туралы  мұғалімдердің пікірлері тыңдалады. Ойларын қорытындылайды.	Салыстырмалы ой қорыту
Кері байланыс	3 мин	Пікір жазу парақшаларын тарату	Пікірлерін жазу