Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Другое / Другие методич. материалы / Мероприятие "Открытие мемориальной доски"

Мероприятие "Открытие мемориальной доски"


До 7 декабря продлён приём заявок на
Международный конкурс "Мириады открытий"
(конкурс сразу по 24 предметам за один оргвзнос)

  • Другое

Поделитесь материалом с коллегами:

- 1 –

Митинг, посвященный открытию мемориальной доски Дорджиева Б.Б.

Дата проведения: 21мая 2013г в 11.00ч

Место проведения: территория перед входом в школу.

Участники митинга: коллектив школы, учащиеся школы, родители,родственники, общественность,жители села,приглашенные гости.


Ход мероприятия.

Гиич тослһн – цуг кʏʏкд. Ут дун. Дуулҗахнь ээҗ Лиҗин Цаһан Эльдеевна, хадак ʏмслһн, цәәһәр толлһн

Экглһн - Звучат фанфары.


1.Ведущий: Хол биш, даруд

Хɵвтә ɵдр ирх!..

Хуучн авъясарн дәкәд

Хуурин айс тɵрх!

2вед. Итклм дәкн мɵңкрәд,

Ицгм улм цецглх!

Билгм хаалһдан орад,

Булг мет, турглх!

1вед. Хар санаг буулад,

Хɵвтә ʏʏрмʏдм әмдрх!

Харшлтла харһсан мартад,

Хаалһдан хɵɵнән мɵңкрх!

1.Ведущий: Мендвт! Кʏндтә мана тугтнахн болн ирсн гиичнр!


2.Ведущий: Кɵтчнрә нутга Тугтн отгас билгтә, эрдмтә һарсн ʏрдʏд олн. Тедн

дундас эврәннь нерән бек ʏзг хойрар бичгдсн олн ʏʏдәврмʏдәрн

болн алтн чееҗәрн туурсн бичәч Дорҗин Басң болна.


1.Ведущий: Эн җил мана Таңһчин улс хальмг олн-әмтнә бичәч,

билгтә журналист Дорҗин Басңгин йирн тавн җилин

ɵɵниг темдглҗәнә.


2 Ведущий: Хойр миңһн йисдгч җиләс авн - мана Тугтна селәнә школ,

хальмг бичәчнрин ниицәнә седвәрәр - Дорҗин Басңгин

нер зʏʏҗәнә.


1 Вед.: Тегәд, эндр иим сәәхн ɵдрлә мана Тугтн селәнʏр олн гиичнр

ирсн бәәнә.


2 вед.:Хәәртә ʏрнәннь неринь мɵнкрʏлхин тɵлә, бидн санлын

самбр секҗәнәвидн.

Частр РФ, РК.

2вед. Эн керг-йовдл дорас ɵсҗ йовх баһ ʏйнрт гʏн сурһмҗлгч чинртә керг.

1вед.: Кʏн болһн эврәннь һазр уснаннь тууҗан, нертә ах-ʏйнрин кесн, кʏцәсн

керг- ʏʏлдвриг медх, тодлх зɵвтә.


2вед. Тогтсн авъясар, хальмгин йосар « Кʏн ахта-девл захта» гидг. Эн ончта

йовдл секлһиг мана селәнә ахлачд Леонид Борлыкович Манджиевд

болн Данара Басанговна Доржиевд зɵв ɵгчәнәвидн.

(открытие мемориальной доски, аплодисменты, возложение цветов)


1вед. Ода нег агчмин зуур шʏлгч, бичәч Дорҗин Басңгин санл дун

угаһар тевчий. (минута молчания)

1вед. Тʏрʏн йɵрәлин ʏг Леонид Борлыкович Манджиевд ɵгчәнәвидн.


2вед. Әрәсән ачта кɵдләчд, бичәчд, Дорҗин Баснга кʏʏкнднь

Данара Басанговнад ʏг ɵггдҗәнә.


1вед. Хальмг Таңһчин эрдм-сурһулин болн сойлын келн-улсин әңгин

ах специалист Зоя Петровна Убушиевд ʏг ɵггдҗәнә.


2вед. Кɵтчнрә района эрдм- сурһулин болн сойлын специалист Светлана

Николаевна Кекеевад ʏг ɵггдҗәнә.


1вед. Кʏндтә гиичнр!

Иигәд сойлын самбр сәклһиг тɵгсәҗәнәвидн. Цуһараһитн школд

орхитн эрҗәнәвидн.


2вед. Ончта ɵɵнд болн санлд нерәдгдсн җирһлин болн

билг-эрдминнь хаалһин байрин нәәрән эклҗәнәвидн.


1вед. Эндр мана байриг хувалцхар ирсн гиичнр:


1.Убушиева Зоя Петровна – Хальмг Таңһчин эрдм-сурһулин

болн сойлын келн – улсин әңгин ах специалист.


2вед.2. Әрәсән сойлын ачта кɵдләч, бичәч Дорджиева Данара Басанговна.


1вед.- 3.Хальмг олн-әмтнә шʏлгч Владимир Нуров.


2вед.– 4. Әрәсән олн әмтнә артист Иван Уланов.


1вед. – 5.Хальмг бичәчнрин ниицәнә ахлач «Теегин герл» журналын

ах редактор Эрднь Эльдышев.


2вед.– 6. Хальмг Таңһчин ачта артистк Тамара Параева.


1вед. – 7. Хальмг государственн университетин доцент Андрей Васильевич Бадмаев.


2вед. – 8.Ном шинҗлһнә институтын номин ах кɵдләч Тамара Гаряевна Басангова.


1вед. – 9. ____________________________________________



2вед. - 10.____________________________________________________



1вед. – 11 ____________________________________________



2вед. 12_____________________________________________





1вед. – Ирсн мана гиичнр цугтан,

Кʏцсн кʏцлән нарн мет мандлулҗ

Ном- сурһулян, нертә тосхлтан

ɵврмҗ болмар дʏңгәлһҗ,

Ар Бумбин орн кевтә

ʏкл уга мɵңк

ʏрглҗ җирһхитн

олн Деедс бурхд

деерәс эвәҗ хәәрлтхә!


2вед. Баһ дɵрвдә нутга Тугтн гидг хотнд миңһн йисн зун арвн нәәмдгч җилд угатя малчин бʏлд Басң кɵвʏн тɵрсмн. Арвн һурвтаһасн авн кɵдләд, гесән теҗәһәд йовсмн. Тʏрʏн шʏлгʏдән эн Баһ Дɵрвдә школд сурчаһад эклҗ бичсмн. Миңһн йисн зун һучн йисдгч җилд «Мини шʏлгʏд» гидг нертә тʏрʏн хураңһунь барас һарв. Эн җил Басң Бюрюнович Доржиев СССР-ин бичәчнрин Ниицәнә гешʏн болсмн.

Тана оньгт Дорҗин Басңгин шʏлгʏдәс. (монтаж)


2вед. «Ухан зɵɵр хойр» шʏлгин тасрха

Умшчахнь: 2-гч классин сурһульч Нәәмнә Дельгр


1вед. Багш кʏʏнә уут цолыг,

Бал- бʏрмшң таалмҗта седклиг.

Билгиннь хамгин әрʏн ʏгәр

Би мɵнкрʏлҗ дуулсн гинәв.


Дун « Багшнртан» Дуулҗахнь кʏʏкдин баг.


1вед. Дорҗин Басң Тɵрскән харсгч Алдр дәәнд орлцсн кʏн. Политрук болҗ Сталинградын ɵɵр шидр дәәнд орлсҗасн стрелков дивизьд церглҗ, кесг медальмудар ачлгдсмн. Дәәнә тɵр Дорҗин Басңгин билгләнд онц орман олсмн.

Дун «Тег»

дуулҗахнь:нәәмдгч классин сурһульч Буутан Амулң


2вед. Дорҗин Басң цуг хальмг бичәчнр дундас тʏрʏн болҗ эврәннь әңг- отгиннь урдк цага тууҗиг, ɵслтиг тодрха кевәр ʏзʏлсмн мɵн. «Теегин цолд», «Хойр нʏр», «Бодарин бурхн» - гидг келврмʏдтән тʏʏрвәч Тугтн отг ик кезәнәс авн дɵрвн ик әңгәс тогтсинь олнд медʏлҗ, кезәнк улсин җирһләс инәдтә-шогта йовдлмудыг тодлҗ сергәҗ бичсмн.

Тана оньгт «Бодарин Бурхн» келврин тасрхаһас тусхаҗанавидн.

Орлцачнр: авторин ʏг умшчахнь –Карнан Люба 11класс

Джалаг ɵɵвгн- Хулхачин Аюка 11класс

Тимошк- Yʏлән Тамерлан 11класс

Саарлахна шар Бурхн- Мɵнкнә Милана

1вед. Эрдмтә хойр һаран

Эргʏлҗ ɵɵдән делнә

Кегтә домбрин айсар

Кɵлиннь ʏзʏрәр тошна.


Хальмг би « Шарка-барка »

Биилҗәхнь: бичкдʏдин баг

1вед. Бальчр нилх намаг

Бадмшрулҗ кɵлд орулсн

Буйнта Ээҗ-чамаг

Би кенләһән дʏңцʏлхв?!


Дун «Ээҗдән» дуулҗахнь тавдгч классин сурһульч Цернә Эльгена.


2вед. Ке урһцта цогц

Эргҗ нәәхләд һаңхна.

Кʏңкнсн домбрин айс

Эндрин байрар җиңннә

Домбрин айсмуд. Наачахнь кʏʏкдин баг.


1вед. Олн әмтиг зовлңгас гетлгсн

Улан баатриг әмтн кʏндлнә

Аал гисн нерәр тедн

Әмтнә сән гисиг нерәднә.


Дун «Бамбин Әңгр Нойхн» дуулҗахнь кʏʏкдин баг

1вед. Θскәһән цокҗ хавҗнулад,

Θсрҗ, чичрәд тавшна.

Θɵдән һаңхулҗ деләд

Θрʏлг мет җиснә.


Хальмг би «Товшур »

биилҗәхнь:Мɵнкнә Санчр болн Лиҗин Байрта 10кл.сурһульчнр


1вед. Җил ирәд, ɵдр давад

Җиирәд, цаг уралан ʏдрнә

Җирһл ɵсәд, насн немәд,

Җигтә кевәр цогц сольгдна.


Дун «Улан залата хальмгуд»

Дуулҗахнь нәәмдгч классин сурһульч Буутан Амулң




2вед. Ирсн гиичнрт йɵрәлин ʏг ɵгчәнәвидн.


1вед.________________________________________________________


2вед.________________________________________________________


1вед.____________________________________________________


2вед.___________________________________________________


1вед.___________________________________________________


2вед.______________________________________________


1вед. Эн омгта ɵдрт

Байрар дʏʏрң хɵвтә

Баһчуд мана – альков-

Дɵрлдҗ йовад – дууһан дуулый

Домбр цокад – дуһрад биилий!


«Кʏʏкдин би» биилҗәхнь берәчʏдин баг


1вед. Йɵрәлин ʏг Тугтна дундын школын һардачд Серәтрә Һол Бембеевичд ɵгчәнәвидн.


1вед. Цагин эргц тегәд,

Цааһан сән болтха

Цаһан тана седкл

Царцҗ бичә мартгдтха


2вед. Теегт һарсн нерн

Тɵрʏц бичә мартгдтха

Тер билгин дʏʏрән

Таңһчим делкәд туурултха.


1вед.Иигәд мадн Дорҗин Басңгин ончта ɵɵнд болн санлд нерәдгдсн җирһлин болн билг-эрдминнь хаалһин байрин нәәрән тɵгсәҗәнәвидн.

Цуг ирсн гиичнрт ик ханлтан ɵргҗәнәвидн.


Менд байрта харһцхай!




57 вебинаров для учителей на разные темы
ПЕРЕЙТИ к бесплатному просмотру
(заказ свидетельства о просмотре - только до 11 декабря)

Автор
Дата добавления 12.11.2015
Раздел Другое
Подраздел Другие методич. материалы
Просмотров122
Номер материала ДВ-149225
Получить свидетельство о публикации

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх