Незарет иш. Къырымтатар эдебиятындан. Тестлер

5-сыныф

Незарет иши №4 Къырымтатар языджы ве шаирлернинъ эсерлеринде тувгъан табиатымызнынъ акс олунывы

                                                           Тестлер

1. Берильген дёртлюклерден къайсы бири А.Шакир-Алининъ «Денъиз иле ель» шиирине аит?

            А) «Дунай таша сарарып,агъувланып,

                 Чевресинде седлерге ачувланып,

                Далгъалана, шувулдай, ай копюре!»

                  Копюрни итей,ташларны шай кемире.

Б)  «Толкъунланды, далгъаланды шу дерья,

               Эр къатрасы,эр тамласы джанланды.

               Устюндеки гемилерле, вапурлар,

               Сельби киби, эр тарафкъа салланды.»

В) «Мавы денъиз ялысында олгъан эви,

                  Басыкъ эвде яшагъан эп экеви.

                  Малдегенде, ашагъан шорба,отьмек…

                  Адет эткен денъизге чыкъып кетмек.»

2. Мемет Нузет «Озен» шииринде озенни кимге  я да неге ошатып тасвир эте?

            А) къушкъа

            Б) айвангъа

            В) инсангъа

3. Бу сатырлар Э.Шемьи-заденинъ насыл шииринден алынгъан?

« Мавы кок денъизнинъ тюсюмен къарышып,

Сынъырсыз уфукътан сувунмакъ истей.

Айнынъ мор шавлеси, далгъаман барышып,

Мудавмет денъизде джувунмакъ истей.»

А) «Къыш келе»   б) «Гедже»    в) «Акъшам денъиз ялысында»

4. Гедже левхасыны тасвир эткен дёртлюкни бельгиленъиз:

            А) «Кунь этеги ерге тийди,

                 Къызыл чабакъ алланды,

                 Кок къоюджа  антер кийди,

                 Чилле-къуртлар джанланды…»

            Б) «Орталыкъ шенъ,

                 Йылдызлар сувны опелер.

                 Айны алып ортагъа

                 Къоран тепелер…»

            В)  «Гедже-куньдюз ягъмур ягъа,

                  Ёлдан, ыздан кечильмей.

                  Чырай сыта куськюн ава;

                  Кокте йылдыз сечильмей.»

5. Т.Халиловнынъ «Акъбардакъ» икяесинде акъбардакъ чечеги Насибе аптеге нелерни хатырлатты?

            А) Къырымда яшагъан вакъытны

            Б) Озьбекистанда яшагъан маалини

            В) Таджикистанда яшагъан вакъытны

6. Э.Амит насыл эсер язды?

            А) «Балалар эви янында»

            Б) «Денъиз ташчыкълары»

            В) «Фындыкъ джыйгъанда»

7. М.Дибагънынъ «Балкъуртлар» икяесинде балкъуртларны аджыныкълы алдан ким къуртарды?

            А) саран къаравул

            Б) Амет акъай

            В) уфакъ бир бала

8. Юсуф Болатнынъ «Туфанда къалгъан къой сюрюси» эсери насыл жанрда

язылгъан?

            А) икяе

            Б) повесть

            В) масал

9. Лячин Асан насыл эсернинъ къараманы?

            А) «Козьяш дивар»

            Б) «Туфанда къалгъан къой сюрюси»

            В) «Балкъуртлар»

10. Лячин Асан кимге ве насыл хызмет эткен?

            А) Алим айдамакънынъ чобаны олгъан

            Б) Аванес агъанынъ чобаны олгъан

            В) Феттанынъ чобаны олгъан

11. Неге къыяс дейлер?

            А)  бир шахсны, адисе, неснени башкъа бир адисе, арекет, неснеге ошатып тенъештирювге

            Б) сёзлерни кочьме манасында анълатылувгъа

            В) интонация инсан сесини джанлы  ифаделевге

12. Метафора ( меджаз) дегени недир?

            А) бир шахсны, адисе, неснени башкъа бир адисе, арекет, неснеге ошатып тенъештирюв

            Б) джансыз табиатны ве неснелерни джанлы киби тасвирлев

            В) сёзлерни башкъа бир манада къулланув

13. Насыл  усулгъа джанландырув усулы дейлер?

            А) эсерде тасвирленген адисе, неснелернинъ джанлы ве тесирли  косьтерильмесине хызмет эткен эсернинъ тилини зенгинлештирген усулгъа

            Б) джансыз табиатны ве неснелерни джанлы киби тасвирлеген усулгъа

            В) интонация инсан сесини джанлы ифаделеген усулгъа

14. Эпитет дегени недир?

            А) бедиий эсерде тасвирленген адисе, адам, неснелернинъ,табиатнынъ муим аляметлерини косьтермек ичюн къулланылгъан сыфатлар

            Б) несненинъ ерлешкен ерини бильдирмек ичюн

            В) белли бир тертипте тизильген сатырлар

15.  «Табиат» сёзюне сыфатлар язмакъ.