Облыстық балалар оңату орталығындағы психологиялық-педагогикалық консилиум туралы ереже

• 1 слайд

  Облыстық балалар оңату орталығындағы психологиялық-педагогикалық консилиум туралы ереже
  
  
  Алғаш рет баланы алдын ала әзірленген теория мен оқу үдерісін тиімділеу әдістемесінің аясында оқытудың мүмкін болатын нұсқаларының ішінен ең жақсысын таңдау негізіндегі сапада жалпы білім беру мекемесіндегі педагогикалық консилиум әдістемесін академик Ю.К. Бабанский құрды және сынап көрді.
  
  

• 2 слайд

  Консилиум – дегеніміз
  бір немесе басқа білім саласындағы сарапшылардың, мамандардың мәжіліcі, өзара кеңесуі. Психологиялық-педагогикалық консилиум әлсін-әлсін жиналып, қандай да бір мәселені, мысалы, балалардың алдын ала белгіленген параметр бойынша оқығандарын, оқи алатынын және шынайы оқудағы мүмкіндіктерін талқылайтын және бағалайтын мамандардың бірлестігін білдіреді. Консилиум мәжілісіндегі оқыту үдерісінің сапасын арттыру бойынша мұғалімдердің жұмысы жағдайында балалардың болжамды үлгерімдері ғана емес, сонымен бірге үлгермеушіліктің себептері талқыланады және балалардың білімдері мен жалпы оқу икемділіктеріндегі ақтаңдақтарды жеңу бойынша шаралар жүйесі туралы шешім қабылданады.
  
  

• 3 слайд

  Консилиум мүшелерінің жұмысы
  Консилиум мүшелерінің жұмысының негізгі тәсілдеріне талқылау және сараптамалық бағалау жатады.
  Консилиум қарастырылған санаттағы балалардың білім алудағы қажеттіліктерінің сан алуандығына байланысты оларды оқыту мәселелерін шешудің командалық, мультидисциплинарлық тәсілдемесінің маңызды шартты талабы болып табылады
  Арнайы білім беру ұйымдарындағы психологиялық-педагогикалық консилиум мамандар (психолог, логопед, дефектолог, әлеуметтік педагог және т.б.) мен педагогтардың өзара әрекеттесуі ретінде психофизикалық дамуында бұзылыстары бар балаларды кешенді және психологиялық-педагогикалық қолдаудың бірыңғай тәсілдемесін жасау үшін белсенді қолданылады
  

• 4 слайд

  
  Консилиум міндеттері:
  
  білім алуда ерекше қажеттіліктері бар балаларды дамыту және\немесе түзету жағдайларын талдау;
  балаларға психологиялық-педагогикалық көмектің мазмұнын анықтау және оны көрсететін мамандардың өзара әрекеттесуін үйлестіру;
  дамыту үдерісіндегі балаларға көмек мазмұны туралы педагогтарға, ата-аналарға ұсынымдар әзірлеу;
  психологиялық-педагогикалық көмектің тиімділігін бағалау.
  орталықтың консилиум жұмысын құру негіздері:
  қарастырылған мәселелерге (әр түрлі мамандардың өзара тығыз байланысы) кешенді тәсілдеме;
  балалардың қажеттіліктерін динамикалық зерттеу;
  балалардың қызығушылықтарын сақтау және жеке психофизикалық ерекшеліктерін есепке алу.
  
  

• 5 слайд

  Консилиум құрамы туралы
  Консилиумның құрамы иілімді болып, оның тұрақты және уақытша қатысушылары болады.
  Тұрақты қатысушылар – оқу-тәрбие жұмысы бойынша мектеп директорының орынбасары, педагог-психолог, әлеуметтік педагог, логопед мұғалім, дефектолог мұғалім. Тұрақты қатысушылар әрбір мәжіліске, оны дайындау жұмысына қатысады, оның ұсынымдарының орындалуын бақылайды.
  Уақытша қатысушылар ( топ жетекшілері, мұғалімдері, медициналық қызметкерлер) консилиумге қажеттіліктері бойынша қатысады.
  
  

• 6 слайд

  Консилиум жоспарлы және жоспардан тыс болып бөлінеді
  Жоспарлы консилиумдар жылына 3-5 рет өткізіледі. Жоспарлы консилиумдар жұмысының қызметі келесі бағыттармен жүзеге асады:
  Орталыққа келген балалардың, түзете-дамытуда ерекше қажеттіліктері бар, орта буынға өткен балалардың түзете-дамытудағы ерекше қажеттіліктерін талқылау;
  Түзете-дамыту барысында ерекше қажеттіліктері бар балаларды психологиялық-педагогикалық қолдаудың мазмұнын әзірлеу;
  Түзете- дамыту тапсырмаларын жүзеге асырудың табыстылығын динамикалық бағалау және қажет болған жағдайда балаларды психологиялық-педагогикалық қолдаудың алдын ала әзірленген бағдарламаларын өзгерту;
  балаларды психологиялық-педагогикалық қолдаудың тиімділігін бағалау.
  
  

• 7 слайд

  Консилиумның тұжырымдамасы
  
  Консилиумның тұжырымдамасы білім беру үдерісінің барлық қатысушыларына (пән мұғалімдеріне, қосымша білім беру педагогтеріне, ата-аналарға) хабарланады және ұсынымдама болып табылады.
  
  

• 8 слайд

  Жоспардан тыс консилиум қызметінің бағыттары
  
  баланы дамыту мен тәрбиелеуде анықталған проблемаларды жою бойынша іс-шараларды ұйымдастыру;
  өзгерген жағдайда баламен түзете- дамыту жұмысының жоспарын әзірлеу.
  
  

• 9 слайд

  
  Психологиялық-педагогикалық консилиумды жүргізу тәртібі
  
  Консилиумның бірінші мәжілісінде консилиумдарды жүргізу кестесі құрылады және түзете-дамытуда ерекше қажеттіліктері бар және қолдау көрсететін мамандардың динамикалық бақылауына мұқтаж балалардың тізімі анықталады.
  Консилиумде психологиялық-педагогикалық қолдау қызметінің әрбір қызметкері жүргізген тексерудің жинақталған аналитикалық материалдары талқыланады. Олар мамандардың ұсынымдары түрінде құрылады (А қосымшасы). Мамандардың ұсынымдарында бала және оның жанұясы туралы мәліметтер педагог үшін түсінікті және қолжетімді тілде беріледі және бала мен оның жанұясының құпиялылыққа деген құқығын бұзбайтындай түрде жазылады.
  Консилиумде баланың әрекеттерін бақылау мен зерттеу нәтижелерін талқылауды консилиум төрағасы реттеуге және бақылауға міндетті. Консилиум жұмыс тәртібімен оның барлық қатысушылары таныс болуы қажет. Егер консилиумда уақытша қатысушылар болса, онда төраға жұмыс басталарда жүргізу тәртібін еске түсіреді.
  

• 10 слайд

  
  Консилиум мәжілісінің келесі жұмыс тәртібін ұстануға болады:
  
  
  Баланы консилиумға жіберген маман (педагог немесе ата-ана) сөз сөйлейді. Ол баланың оңалу және даму жағдайы туралы, өзін алаңдататын проблемалары мен жағымды жақтарын нақты айтып береді. Маманның (педагог, ата-ана) сөзін ешкім сұрақ, реплика, ескертумен бөлмейді. Егер балада ППК тұжырымдамасы болса, онда ол туралы тәрбиеші баяндайды.
  Консилиум мүшелері баланың дамуы мен түзету жағдайларының мәнін нақтылау және түсіну үшін маманға (педагог, ата-ана) кезекпен сұрақ қояды. Маман (педагог, ата-ана) әрбір қойылған сұраққа жауап береді.
  Консилиумның барлық қатысушылары, өз кезегімен консилиум үшін алдын ала дайындаған бала туралы ұсыныстарын пайдалана отырып, баланың дамуы мен түзету әрекетінің ерекшеліктеріне кәсіптік сипаттама беріп, мәселе туралы өзінің пікірін және жағдайды жақсартуға қатысты ұсыныстарын айтады.
  Баланы қолдауды ұйымдастырудың бірыңғай тәсілдері әзірленеді, түзете дамыту жұмысының мазмұны анықталады, оңалту үдерісінде, қосымша білім беру мен жанұялық тәрбилеуге қатысты жеке тәсілдемелік ұсынымдар беріледі.
  
  

• 11 слайд

  Консилиум тұжырымдамасының негізінде оңалтуда ерекше қажеттіліктері бар баланы психологиялық-педагогикалық қолдаудың жеке бағдарламасы құрылады
  Жарты жылға құрылатын қолдаудың жеке бағдарламасында баламен жүргізілетін түзете- дамыту жұмысының бағыттары, әрбір бағыт бойынша жұмыстың мазмұны, күтілетін нәтиже көрсетіледі.
  Балаға қатысты мамандардың әрекеттері үйлестіріледі.
  Қажет болған жағдайда, әр түрлі мамандарды баламен жұмысқа қосудың бірізділігі анықталады
  

• 12 слайд

  Бағдарламада
  
  Баланың даму картасын жүргізетін, қолдау кезеңдерін бақылайтын, жасалған жұмыстың нәтижесін қорытындылау және ары қарайғы жұмысты талқылау мақсатында баланың мәселелерін консилиумда қайтадан талқылауға ұсыныс беретін жауапты маман бекітіледі.
  Психологиялық-педагогикалық қолдаудың жеке бағдарламасының мазмұнымен міндетті түрде ата-аналар, баламен жұмыс істейтін барлық педагогтар таныстырылады. Баламен жұмыс істейтін барлық мамандар баланы қолдаудың жеке бағдарламасының мазмұнын орындауға міндетті болады.
  Баланы қолдау бойынша негізгі жүктеме белгілі маманға жүктеледі, ол баланың түзетудегі және әлеуметтенудегі жетістіктері үшін жеке жауапкершілікте болады.
  
  

• 13 слайд

  Консилиумның мәжілісіндегі хаттама
  әрбір жеке жағдайға қатысты тұжырымдама шешімін талқылау кезіндегі қатысушылардың қысқа айтылымдарын бейнелейтін, тағайындалған ұсынымдарды орындауға жауаптылар белгіленетін хаттама жүргізіледі.
  Консилиум хаттамалары консилиум төрағасының іс қағаздарында сақталады. Консилиумның ұсыныстары директор жанындағы мәжілістерде әкімшілікке хабарланады, содан кейін педагогикалық кеңеске жіберіледі.
  Консилиумның хатшысы балаларды тіркеу және есепке алу журналын жүргізеді, бала туралы жалпы мәліметтер жинайды, консилиум мәжілістерінің кестесінің орындалуын, консилиумның құжаттарының мұрағатта сақталуын бақылайды.
  Консилиум жұмысына қатысушы төраға мен мамандарға балалар және олардың жанұялары туралы ақпараттың құпиялылығы туралы жауапкершілік жүктеледі.
  
  

• 14 слайд

  Орталықтың психологиялық-педагогикалық кеңесі
  Бала дамуының кері динамикасында, консилиум мүшелерінің баланы дамыту мен тәрбиелеуге қатысты бір мәнді шешім қабылдаулары мүмкін болмаған жағдайда, баланы тереңдетілген тексеруден өткізу үшін ол психологиялық-педагогикалық кеңеске жіберіледі. Бұл үшін мектептік консилиум құжаттар пакетін дайындайды, оның құрамында:
  медициналық ұсыным;
  логопедиялық ұсыным;
  психологтың ұсынымы;
  баланың педагогикалық мінездемесі (В қосымшасы);
  баланың ана тілі, математика пәндері бойынша жазба жұмыстары, суреттері мен баланың дербес әрекетінің басқа да түрлері;
  ата-аналарының немесе олардың заңды өкілдерінің баланы ППК-не тексеруге жіберуге қатысты жазбаша өтініштері.
  
  

• 15 слайд

  Психологиялық-педагогикалық консилиум
  – бұл ең алдымен психологиялық-педагогикалық қолдау қызметі мамандарының кәсіпаралық ынтымақтастығының түрі, яғни білім алу және тәрбие процесінде ерекше білім беруге қажеттілігі бар балаға көмек көрсету стратегиясын бірігіп жасайтын барлық педагогтар ұжымы.
  
  

Краткое описание документа:

•Консилиумның тұжырымдамасы білім беру үдерісінің барлық қатысушыларына (пән мұғалімдеріне, қосымша білім беру педагогтеріне, ата-аналарға) хабарланады және ұсынымдама болып табылады.

•Баланы консилиумға жіберген маман (педагог немесе ата-ана) сөз сөйлейді. Ол баланың оңалу және даму жағдайы туралы, өзін алаңдататын проблемалары мен жағымды жақтарын нақты айтып береді. Маманның (педагог, ата-ана) сөзін ешкім сұрақ, реплика, ескертумен бөлмейді. Егер балада ППК тұжырымдамасы болса, онда ол туралы тәрбиеші баяндайды.

•Консилиум мүшелері баланың дамуы мен түзету жағдайларының мәнін нақтылау және түсіну үшін маманға (педагог, ата-ана) кезекпен сұрақ қояды. Маман (педагог, ата-ана) әрбір қойылған сұраққа жауап береді.