Поурочный на тему арнайы оттыктар

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ

ҚАРАКЕМЕР КӘСІПТІК КОЛЛЕДЖІ

САБАҚ ЖОСПАРЫ №

Күні	Топ

Пән: Арнайы технология  

Топ: _________________

Сабақ тақырыбы: Арнайы оттықтар

Сабақ түрі: Теориялық

Сабақтың мақсаты	Білімділік:
	Студенттерді арнайы оттықтар түрлерімен таныстыру
	Дамытушылық:
	Студенттердің сабаққа деген ынта-жігерін, ойлау қабілеттерін дамыту
	Тәрбиелік:
	Студенттердің  мамандыққа деген қызығушылығын арттырып, ұқыпты болуға тәрбиелеу

САБАҚТЫ ЖАБДЫҚТАУ

А. Көрнекі құралдар: дидактикалық материалдар, суреттер, кесте, сөзжұмбақтар.

Б. Таратылатын материалдар: үлестірмелі қағаздар

Сабақты жүргізу кезеңдері (негізгі және қажетті әдістемелік түсіндірмелер мен ұсыныстар)

I. Ұйымдастыру кезеңі

Сәлемдесу; Студенттерді түгендеу; Студенттердің оқу құрал-жабдықтарын тексеру

II. Өткен материалды қайталау (білімді тексерудің әдістері мен түрлері)       1.   Оттық құрылысы және ерекшеліктеріне қарамастан қандай талаптарды қамтамасыз етуі    тиіс? 2.   Оттықтар қандай жұмыстарда негізгі құрал болып табылады?       3.   Оттықтар канша түрге бөлінеді?

III. Жаңа материалды баяндау (сабақты жүргізудің түрі)

Арнайы оттықтардың әмбебап оттықтардан айырмашылығы, олар тек бір ғана технологиялық жұмысты мысалы, балқытып қосуды, қыздыруды, дәнекрелеу, беттік тазалау және т.б. атқаруға арналған.            Балқытып қосуға арналған оттықтар (1-кесте) машиналар мен механизмдердің жаңа немесе бұрынғы бөлшектердің қалпына келтіру үшін хромды-борлы-никелді немесе басқа негіздегі өздігінен флюстелетін түйіршіктелген ұнтақ қорытпаларымен балқытып қосуға пайдаланылады.          Осы мақсат үшін ГН типті оттықтың төрт түрі сериялы шығарылады. Әмбебап оттықтардан айырмашылығы олар ұнтақты мөлшерлегіш дозатормен және ұнтақ беретін затвормен жабдықталған.          Қолданылатын ұнтақтың мөлшерлері 40-100 мкм болады.          ГН-1 және ГН-2 оттықтарына ішкі диаметрі 6,3 мм тоқыма өзекті резина түтіктермен газ беріледі. Ал ГН-3 және ГН-4 оттықтарына (1-сурет) 9,0 мм түтікпен береді. ГН-1, ГН-2, ГН-3 оттықтарының құрылысы бұрын шығарылған ГАЛ-2 оттықтарына ұқсас.          Дәнекрелеуге, қыздыруға, беттерді тазалауға қолданылатын оттықтар көрінісі 2- суретте, ал техникалық көрсеткіштері 2-кестеде  көрсетілген.   ГЭП-2 пластмассаларды пісіретін оттық балқытылатын сымды пайдаланып газ жылу көзімен (қыздырылған ауамен, азотпен немесе басқа инертті газдармен) термопластикалық материалдардан (винипласт, полиэтилен, полипропилин және т.б.) жасалған бұйымдарды пісіру үшін қолданылады. Жылу шығаратын газдар оттық ішінде жасалған қыздырғыш элементтермен қоздырылады. Оның техникалық көрсеткіштері төмендегідей: ГЭП-2 оттығыныңтехникалық көрсеткіштері    Пісірілетін материалдың қалыңдығы,                                      20 мм    Бір жүріп өткендегі пісіру қалыңдығы,                                    4 мм    Диаметрі 3 мм сыммен пісіру жылдамдығы, м/сағ.                 32    Балқыма сымның диаметрі, мм                                                  3-5    Оттыққа дейінгі алдындағы газ қысымы, МПа                       0,3    Қыздырғыш элементтің пайдаланатын қуаты, Вт                   650    Қоректендіретін электр кернеуі, В                                             42    Массасы, кг                                                                                   0,75           Көп жалынды оттықтар механикаландырылған  қондырғыларды дәнекерлегенде немес қыздырғанда қолданылады.  Әдетте, ондай қондырғылар белгілі бір бөлшектер үшін ғана ыңғайланады.    Әмбебап қыздыру қондырғыларын жасаудың қиындығы, ол жұмысты механикаландырудың күрделілігіне жатады. Дегенмен өндірісте бұл қондырғылардың көптеген түрлері пайдаланылады. Бұл қондырғылар көп жалынды оттықтармен жабдықталғандықтан олардың қыздыру өнімділігі жоғары болады. Көп жалынды оттықтар-инжекторсыз. Қуаты газ бойынша 10-20/сағ. Ацетиленмен де немесе оны алмастырғыш газдармен де (табиғи газ, пропан-бутан) жұмыс істей алады.     Көп жалынды оттықтардың қуаты жоғары болғандықтан, олармен жұмыс істеген кезде пайдалану нұсқауларының талаптарын толық сақтау қажет. Мысалы, сақтандырғыш қондырғылар. (затворлар, кері клапандар, газ таратқыш орындар) ақаусыз жұмыс істеуі керек.

IV. Жаңа материалды бекіту (есептеу, шығару және білімді бағалау, т.б.)

1.   Арнайы оттықтардың ерекшелігін айтыңдар? 2.   ГН-1 және ГН-2 оттықтарының ішкі диаметрі қандай? 3.   ГН-2 типті оттық қандай бұйымдарды пісіру үшін қолданылады?

V. Үй тапсырмасы:  Конспект бойынша дайындалу

VІ. Сабақты қорытындылау (Баға қою, оларға комментарий беру, сабақтың жағымды, жағымсыз жақтарын анықтау)

Студенттің сабаққа қатысуы мен білім деңгейіне байланысты  бағалау.

Оқытушы: ______________ Тұтанова А.Ы.

Тексерілді:_______________ Итанова Г.Б.