Презентация: Баланы отбасында тәрбиелеудегі ата-ананың рөлі

• 1 слайд

  Баланы отбасында тәрбиелеудегі ата-ананың рөлі
  

• 2 слайд

  Мақсаты:
  -Отбасындағы ананың, әкенің рөліндегі мейірімділіктің, жауапкершіліктің, жаңашырлықтың маңыздылығын түсіну.
  -Отбасы мүшелерінің арасындағы жағымды қарым – қатынас жасауды дамыту.
  - Бала алдындағы ата – ана парызын дұрыс сезіне білу арқылы баланы тәрбиелеу.
  "Бөбек" ҰҒПББСО Адамның үйлесімді дамуы институты
  

• 3 слайд

  «... Оқыту үдерісінің тәрбиелік құрамдасын күшейту қажет. Біздің жастарымыз үшін бұл өмірлік қажеттілік.»
  
  
  Н.Ә.Назарбаев.
  "Бөбек" ҰҒПББСО Адамның үйлесімді дамуы институты
  

• 4 слайд

  Адамның жақсы өмір сүруіне үш қасиет негіз бола алады, олар барлығынан басым болатын- адал еңбек, мінсіз ақыл, таза жүрек. Бала кезден бастап адам бойында жоғары ар- ұят, өзін-өзі сыйлау сезімдерін тәрбиелеу, зиянды құмарлықтарды жоюға көмектеседі.
  
  Ш.Құдайбердіұлы
  

• 5 слайд

  
  «Отбасы – адамның жақсылық жасауға үйренетін ең бірінші әлеуметтік ортасы» В.А.Сухомлинский
  

• 6 слайд

  "Бөбек" ҰҒПББСО Адамның үйлесімді дамуы институты
  

• 7 слайд

  Құндылықтар ағашы
  АҚИҚАТ (ТАМЫР)
   
  ДҰРЫС ӘРЕКЕТ (дің)
  ІШКІ ТЫНЫШТЫҚ (ОРТАСЫ , БҰТАЛАР)
  ҚИЯНАТ ЖАСАМАУ (ЖЕМІС)
  СҮЙІСПЕНШІЛІК (СУ)
  

• 8 слайд

  Отбасы – ұлттың, мемлекеттің, әлемнің, адамзаттың негізі. Сондықтан оны нығайту керек.
  Отбасында тыныштық болса – үйде тыныштық болады;
  Үйде тыныштық болса – мемлекетте тыныштық болады.
  Мемлекетте тыныштық болса – әлемде тыныштық болады.
  
  

• 9 слайд

  Балалардың мінез-құлқына кері әсер ететін
  ата-аналардың қарым-қатынас типтері
  
  Орынсыз қамқорлық (бала ата-анасының орынсыз қамқорлығына еті үйреніп, дағдыланғаны сондай, өз бетімен шешім қабылдай алмайды).
  Орынсыз жұмсақтық (көнгіштік) (баланың мінез-құлқын бүлдіреді, басқаларға түсіністікпен қарамайды)
  Орынсыз қорқыныш, үрей (баланы мазасыз етеді, тіпті психосоматикалық ауруларға апарады).
  

• 10 слайд

  Балалардың мінез-құлқына кері әсер ететін
  ата-аналардың қарым-қатынас типтері
  
  Жоғары талаптар қою (балалар сасақалақ, жабырқаңқы, тұнжыраңқы болып, сәтсіздікке ұшыраймын деген сезім басым болады)
  Кемсіту, елемеу (мұндай сезіммен өскен балаларда агрессия, ашу-ыза басым, қызба болады. Өсе келе түрлі қылмыс, зорлық-зомбылық жасау, нашақорлық сияқты келеңсіз жағдайларға бой алдыруы мүмкін).
  

• 11 слайд

  Отбасында балаларды тәрбиелеу типтері
  Ынтымақтастық- баланың өзіндік тұлғалық дамуы мен ерекшеліктерін сезіну, түсіну. Оның осы өмірге өзінің мақсат-міндетімен келгенін ұмытпау. Ол осы өмірге бір жаңа леп әкелгенін есте ұстау. Ата-аналар баланың өзінің бойында бар ерекшеліктерін іске асыру үшін сүйіспеншілікпен , құрметпен жағдай жасауы тиіс. Бала да сол кезде ата-анасының беделін, құрметін түсініп, олардың айтқандарына құлақ сала бастайды.
  Материалдық қызығушылықтар негізінде тәрбиелеу – жақсы болсаң аласың, қол жеткізесің (ақша, сыйлық, ойын-сауық), жаман болсаң жазаланасың.
  
  

• 12 слайд

  Отбасында балаларды тәрбиелеу типтері
  Зорлық-зомбылық негізінде тәрбелеу – істегің келмесе де, істейсің, істемесең жазалаймын.
  Тәрбиеден тысқары қалу – бұл бетімен кетушілік, балаларға немқұрайды қарау. «Қалай болса, солай болсын, барлық балалар да осылай істейді.
  

• 13 слайд

  Агрессивті баланың ата-анасының бойындағы қасиеттер:
  Отбасында ешқандай ережелердің болмауы;
  Балаларға ешқандай бақылаудың болмауы;
  Тәртіптің болмауы;
  Отбасында түрлі мәселенің шешімін табу іскерліктерінің болмауы;
  Балаға сөзбен немесе іспен қиянат жасалуы.
  
  

• 14 слайд

  Ынтымақтастықта тәрбиелеу:
  1. Барлық баланы жақсы көру қерек. Жақсы көру барлығын жаңғыртатын күш.
  
  2. Баланың шынайы табиғатын сезініп, табиғат берген ерекшеліктерін ескере отырып, қалай бар солай қабылдап, түсіне білу керек.
  
  3. Әрбір баланы жақсы көру, түсіну, сыйлау арқылы қанаттандыруға болады.
  

• 15 слайд

  Ынтымақтастықта тәрбиелеу
  Баланы ақылға құлақ қоюғыштыққа, тілалғыштықа қалай жеткізуге болады?
  Баланың жүрегінде жоғары «Мен» орын алған. Ол интуитивті түрде бәрін сезінеді.
  Егер анасы оны өтірік айтып, алдап тұрса онда бала тыңдамайды. Ал егер әкесінің айтып тұрғаны басқа болып, істегені одан да басқа болса, бала оған да құлақ аспайды. Егер баланы алдап, табиғатына қарсы әрекет етес онда бала тыңдамайды. Егер мамасы оған үлкендердің ақылын тыңдау керек деп тұрып, өзі күйеуін тыңдамаса онда бала да олардың ақылына құлақ аспайды.
  Баланы ақылға құлақ қоятын, тілалғыш ету үшін ең алдымен ынтымақтастықа әрекет етіп, үлкендердің өзі өзін-өзі жақсы мінез-құлыққа тәрбиелеуі тиіс.
  

• 16 слайд

  Ынтымақтастықта тәрбиелеу
  Күнделікті өмірде ата-аналар балалаға үлгі болуы тиіс. Өзге адамдардан тек жақсылықты көруге үйрету керек және олармен өздеріне басқалардың қандай қатынас жасағанын қаласа, өздері де сондай қатынас жасауға тиіс екенін үйрету керек.
  Ата-аналар отбасында мінез-құлық ережесін жасауы керек және оны өздері де бұлжытпай орындап, сол ережеге бағынып отыруы керек.
  
  

• 17 слайд

  Үлгілі, жақсы ата-аналар:
  Беделді болуы керек;
  Ажырата білуге үйретуі тиіс;
  Сүйе білетін балаларды өсіруі тиіс;
  Балаларын әрекет етуден бұрын, жақсылап ойланып алуға үйретуі тиіс;
  Өздері жақсы үлгі бола білуі тиіс.
  Үлгілі, жақсы отбасының қасиеттері:
  Барлығы сүйе білетін, айнала қоршаған ортасын жақсы көретін болады;
  Әр қайсысы өз парызын, борышын дұрыс орындайды;
  Қуанышты, жан тыныштығына өмір сүреді;
  Отбасында бір-біріне жақсы қарым-қатынаста болады;
  Адамгершілік қағидаларымен өмір сүреді.
  
  

• 18 слайд

  Қорытынды:
  
  «Қағаз бүктеу»
  ҚолдарыңызғаА4 парағын алыңыздар.Оны бірнешеге қайтара бүктеріңіздер. Енді оны қайтадан бүктеген бөлігін ашыңыздар,иә ашқан сайын, үйде балаларыңызға жақсы сөз немесе мадақтау айтқан кездеріңізді естеріңізге түсіріңіз.
  Сұрақ.
  1. Бүктелген парақты ашып жайдыңыздар, парақты ашқан сайын қандай сезімде болдыңыздар?
  2.Күніне неше рет балаңызға мақтау, мадақтау немесе сүйіспеншілік сөздерін айтасыздар?
  Түйін.
  Ендеше дәл осылай балаңыздың жүрегінде де оған көрсетілген ізгі құндылықтарыңыздың іздері мәңгі қала береді. «Нәресте-ақ парақ. Ол параққа не жазасың, не саласың –сенің қолыңда»- дейді. Осыны ұстаз ретінде де, ата-ана ретінде де ұмытпағанымыз жөн. Әр ісімізде сүйіспеншілігімізді білдіре білейік.
  "Бөбек" ҰҒПББСО Адамның үйлесімді дамуы институты
  

• 19 слайд

  Бірге ән шырқайық.
  Жанболат пен Жазираның орындауындағы «Сен маған сүюді үйреттің»
  "Бөбек" ҰҒПББСО Адамның үйлесімді дамуы институты