Презентация на тему " История моей фамилии"

Джиоты мыггаджы равзард.

  1-слайд     Нары хъæуы цардысты  дыууæ æфсымæры Гоци æмæ Джио .

     2-слайд .   Иу афон сын фæзынди знæгтæ æмæ тохы мидæг Гоци фæмарди. Джио мæстджынæй фæлыгьди Нарæй æмæ æрцарди Регахы. Уым  æркодта ус, фæзынди йын сывæллæттæ. Фæлæ та  сæ фыдбылыз  баййæфта.

     3-слайд .  Сæ сыхаг мыггагимæ фæтуджджын сты. Джиоты лæгтæй баззади æрмæст иу ноггуырд лæппу. Лæгмартæ куы  бацыдысты хæдзармæ, уæд бафарстой мады:  «Кæм ис сывæллон?» Æмæ мад, цæссыггалгæ, загъта: «Уæхи цæмæн æгад кæнут? Бакæсут ма йæм цы хуызæн у. Йæ былтæ  хуыйы былты хуызæн». Уыцы ныхæсты фæстæ лæппуйы ныууагътой , нæ  йæ амардтой.

    4-слайд.   Мад  æмæ лæппу алыгъдысты Регахæй æмæ æрцардысты Хуымысæрты хъæуы. Фæлæ уым дæр бирæ нæ  ацардысты. Ацыдысты хуыздæр бынатмæ-Гыццыл Гуфтæмæ. Хуыбыл сыстыр и æмæ æркодта бинойнаг. Фæзынди сын цот æмæ цоты цот. Йæ фæлтæр куы адаргъ и, уæд сæ фылдæр райстой сæ фыдæлты мыггаг - Джиотæ.

     5-слайд .  Рæстæг цыди æмæ  адæмæн зæххытæ нал фаг кодта. Иу хатт Джиоты  мыггагæй дыууæ лæджы ацыдысты цуаны. Фæндагыл фембæлдысты сырдыл. Йæ фæдыл бирæ фæцыдысты. Æрталынг. Фæстæмæ рацæуын æхсæвы сæ ныфс нæ бахастой æмæ сыл кæм æрталынг, уым æхсæвиуат  æркодтой.

    6-слайд .   Райсомæй куы акастытысты,уæд федтой диссаджы бынат: бирæ сойджын уыгæрдæнтæ, цæугæдон, кусæн зæххытæ. Фæстæмæ æрцыдысты æмæ сæ цотимæ алыгъдысты Гыццыл Гуфтайæ æмæ уыцы диссаджы ран æрбынат кодтой. Фæстæдæр æй схуыдтой  Цоны хъæу.

       Афтæ равзæрди мæ мыггаг -  Джиотæ.