Произведение (стихотворение) Л.В. Кокышеву

Јӱрегиме јуук, сууген поэттиҥ, Лазарь Васильевич Кокышевтин, 90 јажына учурлайдым.

Кару поэтти эске алынып,

Катап ла катап кычырып турадым.

Санаамда јӱзӱн јуруктар јуралып

Суушке курчадып, сӱрнӱгип турадым.

Јылдар ӧткӱре чырайар  слердиҥ

Јараш ла эрӱ болуп билдирет.

Чаазында артыскан улу керегер

Чаҥкыр Алтайда айылдап јӱрет.

                                          Јылдар ӧткӱре самара ийип,

Јаш ӱйени јакарып салдыгар.

Келер ӱйеге баштанып тура,

Кеендикке јолды кӧргӱзип койдыгар.

Ӱлгерлеп айткан слердиҥ сӧстӧрӧр

Ӱйелер колбогон кожоҥ болзын.

Алтындый баалаган алтай јоныгар

Алтай тилисти баалап јӱрзин.

Эрке тилибис энчиге артып,

Эленчик чакка ӧчпӧй ӧссин.

Ӧскӧ калыктар ортодо адыгар

Ӧчпӧс оттый кӱйӱп турзын..

Алтай баатырлар тоозына кийдирип,

Албатым слерди бийик кӧдӱрзин.

Чечен тилигер бистерди јуунадып,

Чактар ӧткӱре тазылдап ӧссин.