Работа с одаренными на тему "Развитие творческих способностей"

Алмута вилайити Әмгәкчиқазақ наһийәсиниң Баяндай йезисидики Баяндай толуқ әмәс оттура  мәктивиниң

5- синип оқуғучиси Надыров Исмаилниң шеирлири:

Мениң анам

Әлләй етип анижан,

Бөшүгини тәвәтти.

Яман көздин қорғап,

Яхшилиққа үгәтти.

Кечә-күндүз ухлимай,

Таңни өрә атқузди.

Бовақ ухлап қалғанда,

Кирпигини қаққузди.

Балам десә, анижан,

Бал тамғандәк ағзиға,

Тоймай қарар көзлири,

Қисип иссиқ бағриға.

Чоң үмүтләр билән,

Балини өстүрәр ана.

Ақлап анижан сүтини,

Болди балиси дана.

    Мустәқиллик күни

Жигирмә бәшкә толди елим,

Көк байриғи асманда ойнап.

Мустәқил Қазақстаним мениң,

Үн қатимән уйғурчә сайрап.

Достлуқ, инақлиқ макани сән,

Яшайду сәндә түрлүк милләт.

Азияниң йоруқ юлтузи сән,

Яшна, елим, қилай мән хизмәт.

Садир Палван

Садир дегән исми бар,

Күрәң қашқа ети бар.

Қошақ тоқуп, күришип,

Тарихта өчмәс изи бар.

Қошақлирин оқусам,

Көз алдимға келәр у.

Үлгә болуп башқиға,

Палван  жәңгә кириду.

Садир Палван бовам бар,

Сөзгә уста, жәңгивар.

Йеңи жил

Келип қапту қиш пәсли

Қаплап аққа жаһанни.

Мамуқ, юмшақ пәй чечип,

Балиларни хошал қип.

Йеңи жил хәвәрчиси

Йешил арча безәлди.

Мәктәптә оюн-күлкә,

Йеңи жилму тойланди.

     Бизниң аилә

Тонуштурай силәргә,

Бизниң чоң аилини.

Момам, бовам һәм апам,

Дадам, һәдәм, акимиз.

Мән, сиңлим һәм укам.

Бир өйдә тоққузимиз.

Дайим инақ яшаймиз,

Һеч қачан урушмаймиз,

Чоңларни һөрмәтләймиз,

Кичикләргә ғәмхор биз.

Баһар

Йеқимлиқ хуш чирай баһар,

Кәлдиңму бизниң өлкигә.

Ерип кәтсун һәммә қарлар,

Хош дәйли қиш пәслигә.

Әнди иш етизда қайнайду,

Ухлимас ишләмчан дехан.

Униң әмгиги билән,

Жозамға келиду ақ нан.

Мәктәп

Хошал – хорам ойнап,

Өткүздуқ яз пәслини.

Оқушимиз башланса,

Сеғинимиз тәтилни.

Алтун күз елип кәлди,

Йеңи оқуш жилини.

Чекәткә

Ала- йешил чекәткә,

Учуп қонди көчәткә.

Қоғлисам кәйнидин,

Қачмайдекән мениңдин.

Туриду маңа пақирап,

Көзлири һәм валилдап.

Кичик болсиму  яман,

Қалимән дәйду аман.

Йеңи синипдаш

Бүгүн бизниң синипқа

Кәлди йеңи бир қиз.

Өзи охшар қочаққа,

Чирайлиқ екән у қиз.

Синипдашлирим қоршап,

Соалларни жиқ қойди.

Жаваплириға униң

Бизниң көңлимиз толди.

Момамға

Момимиз бар тинимсиз,

Бир минут теч турмайду.

Бирдә бағда, бирдә өйдә,

Ишсиз у олтармайду.

Көрпә тиксә қурақлиқ,

Қолини алтун дәйсән,

Тамақ әтсә –тәмлик,

Икки апқур йәйсән.

Сәксән яшқа кирсиму,

Бәзи яшлардин тимән.

Сөйүмлүк момимизға

Узақ өмүр тиләймән.