Сабақ тақырыбы: Ас иесімен тәтті. 5 сынып

Сынып – 5г

Сабақтың тақырыбы: «Ас иесімен тәтті»

Сабақтың мақсаты: 1. Білімділік. Тағам атауларына байланысты түсінік бере отырып, мәтін мазмұнын меңгерту.

2. Дамытушылық. Мәтін мазмұнымен жұмыс жасай отырып, есте сақтау, сауатты жазу, байланыстырып сөйлеу және өз бетімен жұмыс істей білу қабілеттерін дамыту.

3. Тәрбиелік. Тіл үйренушілерге тағамның адам өміріндегі маңызын айта отырып, оларды қадірлей білуге баулу.

Сабақтың түрі: интерактив сабақ

Сабақтың әдісі: сұхбат, әңгімелеу, сын тұрғысынан ойлау

Сабақтың көрнекілігі: кітап, оқу құралдары, суреттер, түрлі-түсті маркерлер, ватман, конверттер

Сабақ барысы:

І. Ұйымдастыру кезеңі.

- Амандасу

- Тіл үйренушілер бір-біріне деген жылы сөздерін сіз не деген..... тіркесінен бастайды.

- Сіз не деген әдімісіз!

- Сіз не деген сымбаттысыз!

ІІ. Жаңа сабақ

1. Топқа бөлу. Бір-бір конвертті алып, көрсетілген суреттер бойынша топтасыңыздар.

ДӘРУМЕНДЕР                     БІЛГІРЛЕР                    ДӘРІГЕРЛЕР

2. Мәтінді түсініп оқыңыздар.

 «Ас иесімен тәтті»

    Қазақ халқында ас ішуге үлкен көңіл бөлінеді. Ас адамдарға күш-қуат береді. «Таңғы асты тастама, түскі асты досыңмен бөліс, кешкі асты дұшпаныңа бер» деген ұғым денсаулыққа байланысты айтылса керек. Қазақтың ет, сүт тағамдарында дәрумен көп болады.

    Менің анам тамақты жақсы дайындайды. Ол кісі біздің сүйікті асымызды жақсы біледі. Сондықтан болар, әр күні әртүрлі тамақ пісіреді. Біздің отбасымыз бесбармақ, тұшпара, палау және көкөніс салаттарын жақсы көреді.

    Анам қонақтарға деген асты да ерекше дайындайды. Оларға ет, сүт , ұн тағамдарынан жасалған дәмді ас ұсынады. Дастарқан басында әңгіме, ән айтамыз және үлкендер дастарканға бата жасайды.

3.«ДӘРУМЕНДЕР », «БІЛГІРЛЕР», «ДӘРІГЕРЛЕР»  топтарына тапсырма  : мәтін бойынша түсінгендеріңізді сурет арқылы жеткізіп көріңіздер.

4. Жаңа сөздерді жеке, содан соң топпен дауыстап оқыңыздар

 Есте сақтаңыздар!

БАТА

АС ІШУ

КӨҢІЛ БӨЛУ

КҮШ-ҚУАТ

ДӘРУМЕН

ДОСЫҢМЕН БӨЛІСУ

ДҰШПАНЫҢА БЕРУ

СҮЙІКТІ АС

5. Топтарға тапсырма: 1-топ сөйлемді бастап, келесі топ аяқтаңыздар

 Қазақ халқында ас ішуге ..........................................................................

Ас адамдарға  .............................................................................................

«Таңғы асты тастама, түскі асты досыңмен бөліс, кешкі асты дұшпаныңа бер» ........................................................................................

Қазақтың ет, сүт тағамдырында ..............................................................

Менің анам ................................................................................................

Ол кісі біздің сүйікті асымызды ..............................................................

Сондықтан болар, әр күні

Біздің отбасымыз бесбармақ, тұшпара, палау және ..............................

Анам қонақтарға деген асты да ...............................................................

Оларға ет, сүт, ұн тағамдарынан жасалған ............................................

Дастарқан басында әңгіме, ән айтамыз және үлкендер ........................

6. Берілген сөздерге синонимдес сөздерді тауып жазыңыз

Тамақ ішу

Әл

Жауыңа

Жақсы көретін

Ақ тілек

 Керек сөздер: бата, күш-қуат, дұшпаныңа, сүйікті, ас ішу

7. Жаңа сөздерді тірек ете отырып, сөйлем құрастырыңыз:

 Бата, ас ішу, көңіл бөлінеді, күш-қуат, дәрумен, досыңмен бөліс, дұшпаныңа бер, сүйікті ас, ұғым

Үлгі: Менің сүйкті асым  бесбармақ.

8. Мәтіндегі үш абзац бойынша, үш топ бір-біріңізге сұрақ қойыңыздар.

Білгірлер

- Ас адамға не береді?

- Түскі асты не істеу керек?

- Кешкі асты кімге беру керек?

- Денсаулыққа байланысты қандай ұғым айтылған?

- Қандай тағамдарда дәрумен көп.

Дәрігерлер

- Тамақты кім жақсы дайындайды?

- Ол кісі нені жақсы біледі?

- Біздің отбасымыз қандай тағамдарды жақсы көреді?

- Кешкі асты кімге беру керек?

 Дәрумендер

- Анам кімдерге асты ерекше дайындайды?

- Қонақтарға қандай ас ұсынады?

- Дастарқан басында не айтамыз?

- Батаны кімдер береді.

III.

    СЕРГІТУ СӘТІ

«Ұйқасын табыңыз» ойыны.

Бір топтың айтқан сөзіне келесі топ ұйқасын жазыңыздар.

ҮЛГІ:

 Бас  жас  тас

 Ол  қол  жол

IV.      Ас атауларын топқа бөліп жазыңыз

Ет тағамдары:                             Ұн тағамдары:

Жемістер;                                  Көкөністер:

Есте сақтаңыз!

Мақал-мәтелдер:

1. Ас -  адамның арқауы

2. Ет етке, сорпа бетке.

3. Ас иесімен тәтті.

4. Ас атасы  нан.

Жаңылтпаштар:

1. Сорпа іштік,

Сорпа ыстық.

Сондықтан да қорқа іштік!

2. Ет жеймін,

Етті ертең жеймін,

Ерінбей ерте жеймін.

Дастарқан батасы:

          Үйіңіз мерекелі болсын!

          Дастарқаныңыз берекелі болсын!

          Аспаныңыз ашық болсын!

          Бәле-жала қашық болсын!

Қорытынды тапсырма.

Берілген сөз тіркестерін суреттермен сәйкестендіріңіз.

                      Дайын тамақты жеу

                Шай ішу

              Тамақтың дәмін тату

                     Тамақтың дәмін келтіру

             Дайын тамақты әкелу  

Әр топқа  аттарыңызға сай тағамдарға байланысты кеңес айтыңыздар

 Дәрумендер ұлттық тағамда өте көп!

 Тамақты уақытыңда ішіңіздер!

 Жеміс-жидек жеңіздер!

V.

Үйге тапсырма:

Жұмбақтар, мақал - мәтелдерді жаттау.

Қазақтың ұлттық тағамдары туралы берілген кестені толтырып келіңіз.

Ұннан жасалған тағамдар  Еттен жасалған тағамдар  Сүттен жасалған тағамдар

VI.

Рефлексия.  Балалар, бүгінгі сабақтан сендер қандай әсер алдыңдар, не ұнады, не ұнамады  ?

 Бүгін сабақ (қызықты, қызықсыз  )

     Сабақта маған ... ұнады.

Сабақ маған (ұнады, ұнамады)