3 сынып музыка пәнінен сабақ жоспары "Ақан сері"

Өтілетін күні:   12.09.2015ж.                                                                 3  «А» сынып

Сабақтың тақырыбы:   Ақан сері

Сабақтың мақсаты: сал-серілермен, көрнекті ірі тұлғалармен таныстыру, толық мағлұмат беру, шығармаларын ажырата білуге үйрету .

 Сабақтың міндеті:

1)серінің шығармашылығын танытып, музыкалық сауаттарын ашу;

2)музыкалық ырғақты сезінуге баулу, оқушының шығармашылық белсенділігін арттыру;

3)халық дәстүрін жаңғыртуда оқу-білімімен атсалыса алатындықтарын ұғындыра тәрбиелеу.

Сабақтың түрі: аралас сабақ.

Сабақтың әдісі: сұрақ-жауап

 Көрнекіліктері: домбыра аспабы,суреттер.

                                                            Сабақтың барысы:

І. Ұйымдастыру кезеңі:

Оқушылармен амандасу. Олардың назарын сабаққа аудару. Тізімін тексеру.

ІІ.Үй тапсырмасын сұрау.« Менің Отаным» атты шағын шығармаларын өздеріне оқыту.

·                    Ата-баба мұрасы дегенді қалай түсінесің?

·                    Сал-сері деген кімдер?

·                    Әндердің сипатына, орындалуына қарай қандай түрлері бар?

·                    Халық әндерінің салтанатты әндерден айырмашылығын ата.

ІІІ.Жаңа сабақты түсіндіру.

Үнтаспадан «Балқадиша» әнін баяу ойнатып қойып, оқушылардың назарын аудару.

·                    Өздеріңе таныс бұл ән қалай аталады?

·                    Ал әнеді кім жазғанын білесіңдер ме?

·                    Қиын тағдырын, толғауларын ән-жырына қосып өткен қазақ халқының көрнекті өнер иесі Ақан сері Қорамсаұлымен толық танысу үшін оқулықты ашып, мәтіңге назар аударайық.

 Оқулықпен жұмыс. Азды- көпті дәулеті бар әкесі Қорамса мұсылманша сауат алған Ақанды ауыл молдасы етпек болады. Бірақ бала кезінен домбыра тартып, әнге, өлеңге құмар болып өскен Ақан басына сәлде орап, мешіт ұстаудың орнына жиын-той, шілдехана, алтыбақаны бар жерге аңсары ауа береді. Бойшаң, келбетті, әдемі ашық үні бар жігітті қай жерге барса да құрметпен қарсы алатын болған. Сол кездегі дала өмірінің аса қызық түрі: жүйрік ат, қыран құс, алғыр тазы ұстау еді. «Сері» деген атаққа осы шарттар лайықтұғын.   Ақанның жаста болса жан-жақты дарын иесі екенін таныған ағайындары оған Құлагер атанған тай, Қараторғай атты бүркіт, Көкжендет атты қаршыға сыйлайды.

  Жан тебірентер әндерінің бірі «Маңмаңгер» осы Құлагерге арналған. Әннің сипатына, мазмұнына, әуеніне назар аударыңдар.

Музыка тыңдау: Ақан сері «Маңмаңгер».

Әнді тыңдап отырып,нені елестеттіңдер? Қандай құбылысты байқадындар?

Ән айту.Ақан сері «Маңмаңгер».

 Оқулықпен жұмыс. Мақал-мәтелдердің мазмұнын аша білуге тадпындыру.

Шығармашылық жұмыс. «Менің құлагерім», «Маңмаңгер» атты сурет жарысын ұйымдастыру (тез, шапшаң қиялдау, суреттеу).

ІV. Сабақты қорытындылау:

·                    Ақан серінің қандай әнін білесіңдер?

·                    «Маңмаңгер» әні неге арналған?

 У. Бағалау.

УІ. Үйге тапсырма:Жылқы малына байланысты атауларын, дәптерге жазу.

Краткое описание документа:

Азды- көпті дәулеті бар әкесі Қорамса мұсылманша сауат алған Ақанды ауыл молдасы етпек болады. Бірақ бала кезінен домбыра тартып, әнге, өлеңге құмар болып өскен Ақан басына сәлде орап, мешіт ұстаудың орнына жиын-той, шілдехана, алтыбақаны бар жерге аңсары ауа береді. Бойшаң, келбетті, әдемі ашық үні бар жігітті қай жерге барса да құрметпен қарсы алатын болған. Сол кездегі дала өмірінің аса қызық түрі: жүйрік ат, қыран құс, алғыр тазы ұстау еді. «Сері» деген атаққа осы шарттар лайықтұғын.Ақанның жаста болса жан-жақты дарын иесі екенін таныған ағайындары оған Құлагер атанған тай, Қараторғай атты бүркіт, Көкжендет атты қаршыға сыйлайды.