5 сыныпқа сабақ жоспары "Графикалық редактодың сурет салу құралдары"

Сыныбы: 5

Күні: Пәні: Информатика Пән мұғалімі: Сапашева Е.

Сабақтың тақырыбы:

Графикалық редактордың сурет салу құралдары

Сілтеме

Оқулық Информатика 5-сынып Е.А.Вьюшкова, Н.В.Параскун, Б.Қ.Әбенов Астана: «Арман-ПВ» 2014 жыл

Мақсаты:

Paint графиктік редакторын іске қосу жолдарын, редактордың міндеті, құрылымы және мүмкіндіктерін меңгерту; Редакторда сурет салу кезеңдерін, құралдардың қызметі мен оларды таңдап, пайдалана алады; Оқушының ой-өрісін, өзіндік іс-әрекетіне жауап беру дағдысын қалыптастыру, пәнге деген қызығушылығын және белсенділігін арттыру. Сенімділікке, ұқыптылыққа, шапшаңдылыққа, ұйымшылдыққа, ептілікке тәрбиелеу;

Күтілетін нәтиже:

Редактор командаларымен жұмыс істей алады; Редактордың құрал-саймандар жиынтығы батырмаларының қызметін біледі; Сурет салу кезеңдерін біледі; Негізгі түс пен фонның түсін таңдай алады; Құралдар мен фигураларды баптай алады; Кез-келген геометриялық фигураларды сала алады; Бояу құю құралын пайдалана алады; Қылқалам мен бүріккішпен сурет сала алады; Өшіргішпен суреттерді редакциялай алады; Өшіргіш пен қылқалам өлшемдерін анықтай алады;

Сабақтың түрі:

Аралас сабақ, парктикалық

Негізгі дереккөздер:

Оқулық, интерактивті тақта, компьютер, плакат, интернет материалдары, таратпа материалдар, көңіл күй дидары, топ ережесі, бағалау дискрипторлары мен бағалау парағы

Әдіс –тәсілдер:

Диалог, топтық жұмыс, сын тұрғысынан ойлау, сәйкестендіру, ББҮ тұртіп алу стратегиясы, венн диаграммасы, практикалық тапсырмалар, талдау, қорыту, формативті бағалау

Сабақтың барысы:

І. Ұйымдастыру

- Оқушылармен сәлемдесу; - Оқушылардың сабаққа қатысын тексеру; - Жағымды психологиялық ахуал туғызу; («Шаттық шеңбері») - Оқушыларды топқа бөлу (сурет қиындылары арқылы), топ ережесін басшылыққа алу;

ІІ. Ой қозғау

Оқушылардың үй тапсырмасы бойынша дайындап келген сөзжұмбақ, ребустарды топтар арасында орындайды, талдайды, өздерін тексереді, бірін-бірі толықтырады

Сабақ кезеңдері

Мұғалім әрекеті

Оқушы әрекеті

ІІІ. Қызығушылықты ояту

Бұл қандай құралдар? Бұл құралдар не үшін қажет? Мына құралдар компьютерде бола ма? Иә, бұл құралдарды Paint редакторы арқылы қолданамыз.

Оқушылар сұрақтар бойынша өз ой-пікірлерін айтады

ІV. Мағынаны тану

Жаңа сабақ бойынша қысқаша түсіндіру. Редакторды терезесін интерактивті тақтада көрсетіп, топтарға тапсырмалар беру 1-топқа: «Редактор терезесі » 2-топқа: «Қылқалам, өшіршіг құралдары және оларды баптау» туралы 3-топқа: «фигураларды салу тәсілдері және оларды баптау» «ББҮ» түртіп алу стратегиясын қолдану

Оқушылар бүгінгі күнді және тақырыпты дәптерлеріне жазып қояды. Оқушылар берілген тапсырма бойынша топта талқылайды, пікірлеседі, ойларын постерге түсіреді Постерлерін қорғайды, пікір алмасады, топтар бірін-бірі толықтырады. Оқушылар дәптерлерінде ББҮ бойынша кестенің «Білдім» деген бағанын толтырады

Сәйкестендіру кестесі

Шеңбер немесес эллипс салу құралы

Ерікті сызықтарды салу құралы

Тіктөртбұрыш салу құралы

Ерікті пішінді көпбұрыштар салу

Сурет бөліктерін өшіру құралы

Суретке мәтін крістіру құралы

Оқушылар сәйкестендіру кестесін жұпта талқылап орындайды

Компьютерде практикалық тапсырмалар

Жұмбақтардың шешуін тап, суретін сал

Жаңбыр жауса нөсерлеп,

Әрі-сәрі болмаймын.

Алып жүрсең қолыңа,

Су болудан қорғаймын

. (Қолшатыр)

Қақаған қыста,

Өседі тыста.

Өзгертпей өңін,

Сақтауға ұста. (Шырша)

Күндіз кірер «інге»,

Жұрт қалады білмей.

Шығады тек түнде,

Болам дейді күндей. (Ай)

Көктем сайын жайқалып,

Жаңбыр суын ішемін.

Күз болғанда сарғайып,

Қурап-қурап түсемін

Оқушылар тапсырмаларды компьютерде орындайды

Сергіту сәті.

«Сілку» психологиялық жаттығуы

Оқушылар орнынан тұрып:

1. Алақанын;

2. Шынтағын;

3. Иығын;

4. Балтырын;

5. Тізесін;

6. Ішін;

7. Кеудесін қолдарымен сілкіп, шаршағанын, жағымсыз өнергияны сілкіп тастайды да, қолын жоғары көтеріп, терең дем алып, қолын төменге түсіргенде, демін шығарады.

V. Ойтолғаныс

Венн диаграммасы

Кәдімгі сурет салу құралдары Редактор сурет салу құралдары

Оқушылар Венн диаграммасын толтыра отырып, бүгінгі тақырып бойынша білгендерін, ойларын қорытады.

VІ. «Бағалау»

Мына критерийлер арқылы бағалау ұсынылады.

• Редактордың батырмаларының қызметін білемін – 1 балл ;

• Сурет салу кезеңдерін білемін - 1 балл;

• Негізгі түс пен фонның түсін таңдай аламын - 1 балл;

• Құралдарды баптай аламын - 1 балл;

• Кез-келген геометриялық фигураларды сала аламын - 1 балл;

• Бояу құю құралын пайдалана аламын – 1 балл;

• Қылқалам мен бүріккішпен сурет сала аламын - 1 балл;

• Өшіргішпен суреттерді редакциялай аламын - 1 балл;

• Өшіргіш пен қылқалам өлшемдерін анықтай аламын - 1 балл;

• Жиыны 9 балл.

Бірін-бірі бағалау парағы

Бағалау парағындағы бағаларына қарай қорытынды бағалау

Берілген критерийлер бойынша баллдарын есептеп, оны

«5 баллдық» жүйеге ауыстырып бірін-бірі бағалайды

1-3 балл – «2»

4-5 балл – «3»

6-7 балл – «4»

8-9 балл – «5»

Рефлексия

Оқушыларға кері байланыс жасау үшін түрлі-түсті стикерлер таратады.

Оқушылар бүгінгі сабақ бойынша өз ойларын көңіл күй дидарына іледі.

Үйге тапсырма.

§15. Графикалық редактордың сурет салу құралдары

1. Үйдің суретін салу алгоритмі

2. Жасыл шекарасы бар жәнеқ ызыл түспен боялған бесбұрышты салу алгоритмі

Дарынды оқушылар: Редактор мүмкіндіктерін қолдана отырып, симметриялы суреттер салып келу (ою, көбелек т.б.)