Сочинени "Муха хила веза бакъволу нохчо"

                Муха хила веза бакъволу нохчо?

                                           Нохчо ву со, маршо къуьйсуш,

                                           Даймахкаца тоба дина,

                                          Цунна ямарт,осал хетарг,

                                         Къа ца хеташ сайх хервина,

                                        Сайн ден дакъа, ц1е-к1ур доцуш

                                        Ца даийта юкъ йихкина

                                       1азап хьоьгу лай хуьлучул,

                                       Летта,вала резахилла.

                                                                                      М.Дикаев

Ахьмад Сулеймановича аьлла дешнаш дагадаьхкира суна, муха хила веза бакъволу нохчо, аьлла хаттар сайна хьалха х1оьттича.

«Уггаре а хала нохчо хила ду, цул а хала нохчо хилла вахар а,чекхвалар а ду,»-аьлла оцу хьекъалечу поэта. Цо санна нохчочун амалш теллина, цунна санна бакъволу нохчо муха хила веза хууш, цхьа а нохчо а хиллий техьа аьлла хета суна  «Дахаран генаш» ц1е йолу  цхьа поэма хилча а тоьур ду бакъволу нохчо муха хила веза хаа. Нохчочуьнгахь хила еза массо амаал юьйцу цо шен поэмехь: г1иллакх, оьздангалла, тешаме доттаг1алла, эхь, иманехь хила везар , да-нана ларар , ойланца ц1ена хилар, хьарамечу рицкъанах ларвалар . къонахалла долуш хилар , хьаша-да т1еоьцуш, комаьрша хила везар и.д1.кх. Цу х1уманна ойла йича , ма бакъ хилла-кх поэт олий хета .Дан а ма ду нохчо хилла  ваха хала.Амма вайна хаа , нохчо хилалур вац кхечу аг1ор , х1унда аьлча  иза Дала дуьненчу кхуллушехь, цунан ц1ийца елла цунна и амалш, цундела цунна хала дац и дерриг дукъ д1акхехьа.

Нагахь ницкъ я доьналла ца тоьъна а , ледарло яьлча , шегара валар доьлча санна эхь хета нохчочун . Масала : вайн х1окху текстан турпалхо волу Абу ледара къонаха гайтина кху т1ехь.Иза болх бан лууш вац , ша нуй схьаэцча шена т1е эхь дог1у моьтту цунна . Амма цхьана х1уманна т1ехь ледарло ялийтина волчу Абун, майралла ца тоьу , хино д1ахьош волчу Лоьмина орцахвала . Сулимас  иза к1елхьараваьккхича , юьстах лаьтташ волчу Абун ойланаш йовзуьйту  вайна авторо . Иза эхьах вуьзна, шегара и ледарло муха яьлла ца хууш , г1айг1ане ойланаш еш  ву .Цу суьрто гойту вайна Абу холчу хоттинарг , Дала иза кхуллушехь цунна делла эхь а , яхь а хилар .Кху т1ехь ас йийцина ерриге а ойланаш шеца йолуш хила веза аьлла хета суна бакъволу нохчо.