СПРАВАЗДАЧА па тэме самаадукацыі “Развіццё здольнасцей вучняў на ўроках беларускай мовы праз выкарыстанне тэставых заданняў” за 2017/2018 навучальны год

СПРАВАЗДАЧА

па тэме самаадукацыі

“Развіццё  здольнасцей вучняў на ўроках беларускай мовы праз выкарыстанне тэставых заданняў”

за 2017/2018 навучальны год

Харлап Ганна Леанідаўна,

настаўнік беларускай мовы

і літаратуры ДУА “Сярэдняя школа   №31   г. Бабруйска”, 2 кв/катэгорыі

У сучаснай школе адначасова з існуючай традыцыйнай сістэмай ацэнкі і кантролю ведаў вучняў склалася новая эфектыўная сістэма, заснаваная на выкарыстанні тэставых тэхналогій. Таму тэма самаадукацыі  “Развіццё  здольнасцей вучняў на ўроках беларускай мовы праз выкарыстанне тэставых заданняў” у 2017/2018 навучальным годзе абрана невыпадкова. Гэта выклікана патрэбай у атрыманні незалежнай аб'ектыўнай інфармацыі аб навучальных дасягненнях вучняў.

У жніўні я вызначылася з тэмай самаадукацыі і выбрала асноўныя пытанні для вывучэння гэтай тэмы. Далей я спраектавала сваю дзейнасць па тэме самаадукацыі і склала індывідуальныя планы работы на 3 гады.

Далей я звярнулася да наступных артыкулаў па тэме:

1.  Майоров А. Н. Теория и практика создания тестов для системы образования. – М., 2001.

2.  Матрос Д. Ш. Технология разработки тестов. г. Челябинск, 1998.

3.  Саматыя І.М.,  Саматыя , Р.І. Выкарыстанне клоўз-тэста на ўроках беларускай мовы як спосаб фарміравання прадметнай і метапрадметнай кампетэнцый.

4.  Старычонак, В. Тэставанне як форма праверкі і кантролю ведаў.

5.  Якуба, С.М. Тэсціраванне як сродак экспрэс-кантролю ў сістэме прафесійнай падрыхтоўкі філолагаў.

Вывучыўшы навукова-метадычную літаратуру па дадзенай тэме, я прыйшла да высновы, што тэставы кантроль ведаў эфектыўны толькі тады, калі з боку настаўніка прыкладзена вялікае намаганне. Настаўнік павінен ведаць, як правільна падбіраць тэсты і як іх складаць. Бо не кожны набор пытанняў з варыянтамі адказаў на іх можна назваць тэстам.

Таму на наступны навучальны год перад сабой я паставіла наступныя мэты:

ü Павышэнне асабістай прафесійнай кампетэнцыі ў  вобласці тэорыі і  практыкі выкарыстання  розных формаў тэставага кантролю ведаў,  уменняў і навыкаў па беларускай мове.

ü Падбор і складанне тэставых заданняў па асноўных тэмах і раздзелах беларускай мовы ў адпаведнасці з узростам вучняў, іх індывідуальнымі здольнасцямі і засваеннем  праграмы.

ü Трэніроўка ўменняў і навыкаў вучняў у рабоце з тэстамі розных тыпаў.

ü Аптымізацыя форм і метадаў навучання.