Сабақтың тақырыбы:«Мектеп-білім
тірегі,Ұстаз-оның жүрегі»
Мақсаты: Оқушыларды
ұстазды құрметтеуге, сыйлауға үйрету, ұстаз мамандығының қыры мен сырларын
түсіндіру. Ұстаз еңбегін әрқашан бағалай білуге үйрету.
Көрнекіліктер: Слайдтар,
гүлдер, шарлар.
Сабақтың баысы:
Қайырлы күн, құрметті қонақтар, ұстаздар,
оқушылар. Бүгінгі ұстаздар мерекесі қарсаңында өткелі отырған. «Мектеп-білім
тірегі,Ұстаз-оның жүрегі » атты тәрбие сағатымызды
бастауға рұқсат етіңіздер.
Ұрпаққа айтар ақылы, көрсетер өнегесі бар,
аналық, әкелік сезімнің, дана ойдың ыстық лебі бар аға ұрпақ өкілдері,
мектептің жүрегі ардагер ұстаздарымыз ортамызда отыр.
1.Қабдоллаева Гулжанат апай
2.Әділқұрманова Бақытжамал Серғалиқызы.
1- жүргізуші:Руслан Армысыздар
құрметті де аяулы ұстаздар!
2-жүргізуші:Айдана
Ұстаз деген – жарық күні ғаламның,
Ұстаз деген – анасы ол адамның.
Бүкіл әлем мойындайды еңбегін,
Сен де одан адам болып жаралдың.
Ұстазыңды түсінген сен тереңнен,
Бар әлемге еңбегімен еленген.
Сенің бағың өрге қарай өрлесе,
Ол да бірге қуанышқа кенелген.
Сол арқылы сен де өмірді жалғадың,
Ізгі іс қой, ұстаз тілін алғаның.
Мақтау алсаң ұстаздардың алдында,
Ол өзіңнің орындалған арманың.
Ұстаз сөзін айтып жүрдік ән қылып,
Одан басқа жүрген кім бар жанды ұғып.
Ұстаз деген – ұлылардың ұлысы,
Қасиеті бас иелік мәңгілік!
1- жүргізуші: Айдана Бүгін бізде үлкен мереке. Бүгін ұстаздар қауымының
төл мерекесі. Олай болса бүгінгі күн ұстаздарға арналмақ. Ұстаз -ұлағатты есім.
Күн сәулесі өмірге қандай жарық берсе, ұстаз есімі де шәкірттерге күндей жарық
береді.
Ақырын жүріп анық бас.
Еңбегің кетпес далаға
Ұстаздық еткен жалықпас,
Үйретуден балаға, – деп Абай атамыз айтқандай, шәкірттерінің өзінен озғанын
калаған ұстаздар қауымы, мерекелеріңіз құтты болсын!
II жүргізуші:Айдана Денсаулықтарыңыз мықты болсын, шаңырақтарыңыз
шаттыққа толсын, біздей шәкірттеріңіз көп болсын!
БІРГЕ: Мерекелеріңіз құтты болсын!
1-жүргіуші: Сен қалай ойлайсың, Айдана ? Менің ойымша,
кез-келген мұғалім ұстаз бола алмайды. Себебі ұстаздық-өнер, тағылымы терең
өнер. Ал өнерлі болу кез-келген адамға қона бермейді. Олай болса, шын ұстаз
болу үшін табиғи дарын ізгілікті ізденіс пен ерен еңбекке ұштастырылуы шарт.
«Шәкіртсіз ұстаз тұл» деген сөз тегін айтылмаса керек.
2-жүргізуші: Руслан, мен осы сөзің дәлелді бола түсу үшін мына жыр
шумақтарын қосайын. Ұстаз болу – жүректің батырлығы,
Ұстаз болу – сезімнің ақындығы,
Ұстаз болу – мінездің күн шуағы,
Азбайтұғын адамның алтындығы –
деп ақын Ғафу Қайырбеков ағамыз жырлағандай, біздің мектебімізде сөзі маржан,
үні ән ұстаздардың бар болғанын мақтаныш етемін. Әрине, ұстаз жүгі–ауыр жүк.
Адамның жан дүниесін түсініп, ренжітпей, қателігін сездіре білу – бұл нағыз
шеберлік емес пе?!
1-жүргізуші:
Ендеше, Ұрпақпен өмір жолы жалғанады,
Көңілді күндер тусын алдан әлі
Ән-шашу әсем әуен, түрлі өнер,
Бүгінгі күн сіздерге арналады.
Ұстаз туралы ән сіздерге арналады, аяулы ұстаздар, қабыл алыңыздар!
Ән: « Ұстазым менің ұстазым»
2-жүргізуші: Ұстаздар! Қандай ғажап халықсыздар!
Шәкіртке шыңдай биік алыпсыздар.
Жан біткен жанарына нұр сыйлаған,
Күндей боп күлімдеген жарықсыздар.
1-жүргізуші: Ұстаз ... Қандай қасиетті сөз! Әр адамның жүрегіне
ерекше жылулық нұрын себетін аяулы тұлға бейнесімен өзектес ұғым. Адам
баласының жүрегіндегі қадір тұтып, құрметтейтін екі ұғым болса, оның бірі
– Ұстаз.
2-жүргізуші: Дұрыс
айтасың Айдана.
«Ұстаз» деген сөз қазақ баласы үшін қашанда қасиетті, қадірлі болған.«Ұстаздан
тәрбие алған » немесе «Ұстаз алдын көрген» деген сөздер « ана тәрбиесін алған»
деген сөздермен ұштасып жатады.
І-жүргізуші:
Иә, Руслан.
Ұрпақ тәрбиесі – ұстазға байланысты. «Ұяда не көрсең, ұшқанда соны ілерсің »
дегендей өнегелі ұстаздан жақсы шәкірт шығатыны сөзсіз.
2-жүргізуші:
Ұстаз – ұлағатты есім. Шәкірттерін білім нәрімен сусындатып,
тәлім – тәрбие беру, жақсы қасиеттерді бойына дарытып, адамгершілік рухта бағыт
– бағдар беруде еңбегі зор.
1-жүргізуші: Шәкірттерге білім беруде ұстаздардың еңбегі ұшан теңіз.
Сондықтанда ұстаз әрдайым қасиетті тұлға ретінде ерекшеленеді.
2-жүргізуші: Айдана, екеуміз Ұстаз туралы қанша мақтау сөз
айтсақ та тауыса алмаспыз. Ендеше, қымбатты ұстаздар, шәкірттеріңіздің
өздеріңізге арналған өлең-шумақтарына кезек берелік.
1-Гүлнүр: Күллі
өмірін жеткіншекке арнаған
Мұғалімді ардақтайды барша жан
Ол мектептен шықпаса да қыс- жазы,
Жемісі оның жердің жүзін шарлаған
Бала десе ойламайды өз қамын
Көрсем дейді күнге де қол
созғанын
Шәкірттерін өзінен де озғанын.
2-Бекзат: Мұғалімді
анамдай жақсы көрем,
Қиналамын қымбат теңеу таба алмай
Өз баласын тастап кетіп үйіне,
Ел баласын оқытады, ой Алла-ай.
Мұғалімді жақсы көрем сезімтал,
Үлгі етемін өнегелі сөзін бал
Мұғалімнің мұғалімін танимын,
Көкіректе көретұғын көзім бар.
3- Айнұр: Ұстаздарға
мың алғыс
Алғыстарым көп менің,
Асыл анам, мектебім!
Үйреткені адалдық,
Ұсынғаны адамдық,
Текті мінез, даналық
Бар ұстазға тілейміз:
Бақыт, табыс, амандық!
4-Ералы Е.Жалын
атып, от боп, бірге жанасың,
Білім беріп, содан бақыт табасың
Бар өмірің өрнектеліп баламен,
Жасарып бір мәңгі жас боп қаласың.
5-оқушы:Алина
Мұғалім-ұстазысың балалардың,
Болашақ ғалымдардың, даналардың
Өмірде сенің алар орыныңды
Бәрі де жеткізе алмас бағалардың
6-оқушы:Ералы Б
Өткізіп өз алдыңнан талай бала,
Бойына құйдың ақыл , ой мен сана
Сарп етіп сан жылдық еңбегіңді,
Ақылшы, тәрбиеші, болдың аға
7-оқушы:Бекжан
Атағым Алатаудай болып биік,
Тұрса да төбем өсіп көкке тиіп
Алдыңда әрқашанда тағзым етіп,
Тұрармын «Ұстазым!» деп басымды иіп.
1- жүргізуші: Құрметті қонақтар, сіздер салып кеткен сара жол-ұстаз
жолы – ұлы жол. Өткен жолдарыңызға көз жіберіп, еске ала отырып, Оқушылардың өздеріңізге
бірнеше сұрақ қоюға рұқсат етіңіздер.
«Сыр – сұхбат» сұрақтары:
* Ұстаздық өміріңіз сізге ұнай
ма?
- Кешегі өзіңіз оқыған мектебіңіз бен
қазіргі мектепте қандай өзгерістерді байқайсыз?
- «Ұстаз — мектептің жүрегі» деген
сөзді қалай түсінесіз?
- Сабағыңызда оқушыңыз ұйықтап қалған
кезі болды ма?
- Оқушы кезіңізде сабаққа кешігіп
келген кезіңіз болды ма? Болса сол туралы есіңізде ме?
- Неліктен осы мамандықты таңдадыңыз?
- Жас кезіңіздегі армандарыңыз
орындалды ма?
- Ұстаздық өміріңіздегі жарқын белестер
жайлы айтып берсеңіз.
- Қазіргі өмірді жаңадан бастау
мүмкіндігі туса, оны өзгертер ме едіңіз?
- Егер сіз ұстаз болмасаңыз, басқа кім
болуыңыз мүмкін еді?
2-оқушы:Көп
рахмет сіздерге, біздің
көкейіміздегі сұрақтарға жауап бергендеріңізге
дән ризамыз. Олай болса, осы сыр-сұхбаттан қандай әсер алдыңыз, соны мына
«смайликтер» арқылы көрстіп, қайталап берсеңіз дейміз.
1-жүргізуші:
Асыға сәлем жолдап жүректен біз
Бірге өсіп ен жайлаған ұл менен қыз,
Тәтті күй, асқақ ән мен әсем биді,
Сіздерге тарту етіп ұсынамыз, -дей келе алдарыңызда сыныбымыздың мың бұралған
бишілерін ортаға шақырамыз.
БИ : Анель мен Маликаның орындауында қабыл алыңыздар.
2- Жүргізуші: Руслан,
Мұғалімдер бізден емтихан алғанды жақсы көреді, осы сәтті пайдаланып, біз де
ұстаздарымыздан сынақ алып көрсек қайтеді?
1-Айдана, сен сонда ұстаздарымызбен орнымызды ауыстырып көрсек қайтеді
дегің кеп тұр ма?
2- Жүргізуші: Иә, иә, тура солай, бүгін ұстаздар оқушы болсын, біз
мұғалім болып емтихан алып көрейік.
1-Жүргізуші: -ендеше тыныштық сақтаңыздар! Мұғалімдерге арналған емтиханымызды
бастаймыз. / Шар ілінеді сол шарды мұғалімдер жарып ішіндегі сұрақтарға жауап
берсе\ Сұрақтар:
1-Жүргізуші: Енді, ұстаздар, кезек-кезек шарды жарасыздар да билет аласыздар.
Сол билеттегі сұрақтарға дұрыс жауап берулеріңізді сұраймыз.
№1 билет. Сыныпта сіз үшін ең сүйікті оқушы болу керек пе?
№2 билет. Сабағыңызда оқушыңыз ұйықтап қалған кезі болды ма?
№3 билет. Сабаққа оқушыларыңыз жиі кешігіп келе ме?
№4 билет. Ата-аналарға балалардың тәртібі туралы хат жазасыз ба?
№5 билет. Сабаққа кешігіп келген кезіңіз болды ма?
Көп рахмет сіздерге,
ұстаздар! Барлығыңыз да емтиханнан сүрінбей өттіңіздер.
Сіздерге көп рахмет, аяулы да мейірбан ұстаздар. Өздеріңізге арналған шағын
сыйымызды қабыл алыңыздар.
2-жүргізуші: Ғылым
иесі ғалым да, ел қорғаған батыр да, тілінен бал тамған ақын да, тегеуріні
темір балқытқан жұмысшы да, егін салған диқан да, мал бағып терін төккен шопан
да, көк күмбезінен әрі өткен ғарышкер де бәрі-бәрі ұстаздан білім, тәлім алған,
сондықтан ұлағатты ұстаздар сіздерге бүкіл адам баласы құрметпен бас иеді.
1-жүргізуші:
Құрметті ұстаздар, қонақтар !
Бүгінгі Ұстаздар мерекесіне арналған «Мектеп-білім тірегі,Ұстаз-оның жүрегі »
атты сынып сағатымызды жабық деп жариялаймыз. Көңіл қойып тыңдағандарыңызға көп
– көп рахмет!
Оставьте свой комментарий
Авторизуйтесь, чтобы задавать вопросы.