Стихи учащихся на тему : "Амирхан Гамринский"

                                Амирхан Гамринскийге багъышлана.

                                 Гьюрмет булан къаршылайбыз.

Сыйлы, гьюрметли къонакъларыбыз,

Сизин шатлыкъ булан къаршылайбыз.

Бизин игит Амирханны эсге алып,

Охувчулар сезлерибиз башлайбыз.

Макътав бизде игитлеге гьаман да,

Биз сав туруп, абур-сыйлар этебиз.

Юреклерде сиз даимге яшайсыз,

Башларыбыз алдыгъызда иебиз.

Бугюнгю шатлыкъ гюнню

Тарихлени бетлерине язабыз.

Амирхангъа багъышлангъан

Шат жыйынны башлайбыз.

                                           Ахмедгаджиева Зумруд   6 класс

                                           Амирхан Гамринский

Къылычынгны лансыллатып гьавада

Душманланы сен айландынг къувуруп.

Ярлы халкъгъа къайтармагъа герек деп

Бай тайпаны малын алдынг сувуруп.

Асгер бёлюк къурдунг ата юртунгда

Савут алдынг Уллубийден, Магьачдан.

Ашарлыкъ сурсатны къалып гьайында

Ярлы халкъны оьлме  къоймадынг ачдан.

Умутсузлукъ юреклерден тайышды,

Гюнлер гелди ярлы халкълар гёзлеген.

Гьалал болсун ананг берген акъ сютю,

Къызыл юлдуз сени тёшюнг безеген.

Тарихлени бетлерине язылгъан

Халкъ гёзлеген сен гелтирген язлары.

Сени къоччакъ ишлерингни унутмас

Оьтемишни уланлары, къызлары.

                                                   Исаева Салигьат     8 класс

                                       Игитлер унутулмай.

Игитлеге алгъыш ёрай абайлар,

Игитликден хабар айта балалар.

Игитликни игитлиги яшынмас,

Айланмадай айланса да заманлар.

Игитлеге бизде гьаман сый болур,

Игитлеге къыржанлар да ий болур.

Аминтавлар – шагьатыдыр йылланы,

Игитлеге йырланагъан йырланы.

Анажанлар игитлени атларын

Бешикдеги яшларына бергенлер.

Шо игитлер яхшылыкълар гелтирип,

Азатлыкъгъа амин болуп гетгенлер.

Оьзенлердей агъып тура заманлар,

Бу дюньяда гьали де бар яманлар.

Гьона, геле  Амирханны асгери,

Яшыныгъыз, халкъ малын талагъанлар!

                                                     Гаджиева Айгюл  6 класс