Технологическая карта "Сәлем! Сау бол!"

№1  ұйымдастырылған оқу іс-ірекеті

Күні: «______» _______________2016 ж

Білім беру саласы: «Қатынас»

Бөлімі: Қазақ тілі

Тақырыбы: Сәлем! Сау бол!

Мақсаты:

1.      Балаларға танысу, амандасу үлгілерін үйрету.

2.      Амандасу, қоштасу үлгілерін орынды қолдана білуге дағдыландыру.

3.      Әдепті және сыпайы сөйлеу мәнерін қалыптастыру.

Қолданылатын көрнекі құралдар: жұмыс дәптер, үлестірмелі материалдар.

Оқу іс-әрекетінің барысы

Оқу іс-әрекетінің түрлері	Педагогтың іс-әрекеті	Балалардың іс-әрекеті
Мотивацилық -қозғаушылық	Мұғалім балалармен жылы қарым-қатынас орната отырып олардың оқу  іс-әрекетіне деген жақсы көңіл күйінің қалыптасуына баса көңіл аударады.	Педагогты  мұқият тыңдайды.
Ұйымдастыру кезеңі	Тақырыпты ұсыну: Әрбір жаңа тақырып әліппе-дәптерде берілген алғашқы суретке қарап оқушылардың назарын аудару арқылы ұсынылады. Мұғалім осы сурет бойынша тақырып туралы түсінік береді. Тапсырмалармен жұмыс жүргізу 1.Мұғалім балаларға екі бала амандасып өзара: «Сәлем», - деп амандаса алатынын түсіндіреді де, бір баламен: «Сәлем», - деп өзі амандасып көрсетеді. Осыдан кейін балалардың  назарын үлкен адаммен амандасу үлгісіне аударып, үлкен кісілермен «Сәлеметсіз бе!»- деп амандасатындарын үйретеді. Осылай қоштасу үлгісі бойынша берілген суреттермен де жұмыс жасалады. 2. Мұғалім балаларды шеңберге тұрғызып, амандастырып жаттықтырады. Мысалы: - Арман сәлем!-  Сәлем Қанат! Атын атай отырып амандасу, қоштасу- балалардың бір –бірінің атын есте сақтауына, өзара жылы қарым-қатынас орнатуына ықпал етеді. 3. Мұғалім осыдан кейін балалардың үлкен адаммен амандасуы мен қоштасуын жаттықтыруға көшеді. Ол үшін қонаққа арнайы бір-екі  үлкен адамды шақырады ( педагог мамандар, күтушілер т.б болуы мүмкін). Олардың қатысуымен амандасу, қоштасу үлгілерін жаттықтырады. Сергіту сәтін өткізу. 4.      4. Мұғалім балалардың назарын әліппе-дәптердегі  суретке аударып, суретте берілген адамдармен қалай амандасатындарын, қоштасатындарын  қайталай отырып тақырыпты бекітеді.	Сурет бойынша сұрақтарға жауап береді, педагогтың айтқанын қайталайды. Педагогты мұқият тыңдайды, тапсырманы бұлжытпай орындауға тырысады. Амандасып үйренеді. Сергіту жаттығуын орындайды.
Рефлекциялық -түзетушілік	Оқу іс-әрекетінін қорытындылау Мұғалім балалармен оқу-әрекеті барысынан алған әсерлері туралы еркін әңгіме жүргізу арқылы сабақты қорытындылайды.	Сабақтан алған әсерлерін айтады.

Күтілетін нәтиже:

Орындайды: танысу, амандасу үлгілерін айтып жаттығады.

Түсінеді: әдепті және сыпайы сөйлеу керектігін.

Қолданады: амандасу, қоштасу үлгілерін орынды қолдана білуге дағдыландыру.

Дайындаған:  мектепалды даярлық   0-«А» сынып тәрбиешісі Затова А.Қ.

Тексерген: _____________________