"Тәрбиенің ең тамаша мектебі -отбасы"

Коучинг -  семинардың жоспары

Тақырыбы:	Тәрбиенің ең тамаша мектебі - отбасы
Мақсаты:	Бала тәрбиесіндегі отбасының алатын орны ерекше екендігін көрсету, отбасында балаларды қайырымдылыққа тәрбиелеу
Күтілетін нәтиже:	Тәрбие бесігі отбасынан бастау алатынын түсінеді, қайырымдылық, мейірімділік, қамқорлық туралы түсінігін кеңейту.
Негізгі ой:	Қайырымдылық-адамгершіліктің белгісі
Ресурстар:	Флипчарт,маркер,түрлі-түсті стикерлер,суреттер,бояулар,парақшалар

Коучинг-семинардың өту барысы
Коучинг семинардың өтілу кезеңдері	Уақыты	Коуч пен коучингке қатысушылардың іс-әрекеті
Амандасу	3 минут	Коучингтің тақырыбы мен мақсатын  таныстыру
Тренинг « Шаттық шеңбері» Киіз үй үлгісінде	5 минут	Дөңгеленіп тұрайық, Керегені құрайық. Уықтар боп иіліп, Шаңыраққа киіліп, Киіз үйді құрайық. Міне, сіздермен біз үлкен киіз үйді құрдық. Осы киіз үй сияқты отбастарыңыз мықты болып, шаңырағы биік болсын дегім келеді.
Топқа бөлу	2 минут	Қайырымдылық, мейірімділік, қамқорлық атты үш топқа бөлу.
Таныстыру	10 минут	Бірінші өз есімдеріңізді айтып, қасыңыздағы көршіңіздің атын еркелетіп айтып таныстырып отырасыздар.     Керемет! Яғни өз есімдеріңізді еркелетіп айтқанда көңіл күйлеріңіз бір серпіліп қалды деп ойлаймын. Сондықтан балаларыңыздың да көңіл күйлеріне осылай назар аударуларыңызды сұраймын. Олардың да көңілі көтеріліп қалатынын ұмытпаңыз.
Постер қорғау	5 минут	Қайырымдылық, мейірімділік, қамқорлық сөздерін қалай түсінесіздер? Топтастырыңдар.
Бейнежазба	5  минут	«Болмыс»
	5 минут	Әр үстелге 82 000 мың ақша беріледі. «Қайырымдылық» қамқорлық акциясы кезінде сіздерге жетім балалар үйіне бару керек болды?  Балаларды қалай қуанар едіңіздер?
«Арман кемесі» Сурет салу	10 минут	Жаздың бір әдемі таңы, нұрын шашып таң атып келеді. Көгілдір көк теңіздің жағасында шуағын шашып күн көтерілді. Теңіздің көз  ұшында ақ желкенін көтерген ақ кеме. Сол кемемен арманын арқалаған  балаңыз «өмір» деген  үлкен сапарға аттанып барады. Бала болашағынан қандай үміт күтесіз? Сол үміт, тілектеріңізді ақ кеменің желкеніне жазып қойыңыз.
«Тілек бәйтерегі»	3 минут	Ата-аналар өздерінің тілектерін стикерге жазып іледі.

Жамбыл мектепбалабақшасы

(Ата-анамен жұмыс)

Ұйымдастырған:  Абдирахманов Қалболат Тастанбаевич

Уақыты: 22.01.2017 жыл