Оңтүстік Қазақстан
облысының білім басқармасының «Шымкент №1 саңырау балалардың мектеп-интернаты»
коммуналдық мемлекеттік мекемесінің тәрбиешісі Бейсебаева Ж.С.
Тақырыбы: Туған өлке.
Тәрбие сағатының мақсаты:
Білімділік:
Оқушылардың
ауыл өмірі жайлы, яғни өз туған өлкелері жайлы білімдерін толықтыру. Балалардың
өз туған өлкелері жайлы еркін әңгімелей білуге және сөздерді дұрыс байланыстыра
сөйлеуге үйрету.
Дамытушылық:
Балалардың
сұрақтарға жауап беру арқылы, түрлі тапсырмалар орындау арқылы шығармашылық,
ойлау, есте сақтау қабілеттерін арттыру, сөздік қорын молайту, сөйлеу тілін
дамыту. Оқушылардың дұрыс сөйлеуін, дыбыстарды дұрыс айтуын қадағалау.
Түзетушілік:
Оқушылардың
дұрыс сөйлеуін, дыбыстарды дұрыс айтуын қадағалау.
Тәрбиелік:
Балаларды
туған жерін қадірлеп-қастерлеуге, отансүйгіштікке, елжандылыққа тәрбиелеу.
Көрнекілігі:
Мақал-мәтелдер
жазылған плакаттар, суреттер, тірек сызба, керекті сөздер жазылған кеспе
қағаздар.
Барысы:
Ұйымдастыру
кезеңі:
(Балалардың
назарын сабаққа аудару.)
Жаңа
сөздер:
Туған өлке
– адамның туып-өскен жері, Атамекен
Көгілдір
отын – газ
Күнкөріс –
тіршілік, өмір сүру үшін еңбек ету
Төсіңде –
бауырында, жанында
Жетістіктер
– жағдайдың жақсаруы
Қолайлы –
ыңғайлы, жайлы
Дендросаябақ
– демалыс бағы
Мәңгі бақи
– әрқашан
Перзенті –
баласы
Ырысы –
байлығы
Тәрбиеші:
-
Балалар,
тәрбие сағатымызға байланысты, мына бір өлең шумағын бірге оқиық.
Туған жер
– алтын бесігім,
Тербеттің
мені төсіңде.
Жүреді
сенің есімің,
Мәңгі де
бақи есімде.
Тәрбиеші:
-
Балалар,
біздің Республикамыз қалай аталады?
Оқушылар:
-
Қазақстан
Республикасы деп аталады.
Тәрбиеші:
-
Ал
облысымыз қалай аталады?
Оқушылар:
-
Оңтүстік
Қазақстан облысы, Шымкент қаласы.
Тәрбиеші:
-
Дұрыс,
балалар. Шымкент қаласында оқисыңдар. Бірақ әрқайсысыңның өз туған өлкелерің
бар. Сендер туған өлке деген сөзді қалай түсінесіңдер?
Оқушы:
-
Туған
өлке – менің туып-өскен жерім.
-
Туған
өлке – бұл менің ауылым.
-
Қазақтың
ұлы ақыны Абай да ауыл баласы.
Тәрбиеші:
-
Міне,
қазақтың батырлары мен хандары, ғалымдары да осы ауылын қанат қағып қияға
ұшқан. Әрбір адам өз ауылын мақтан тұтады.
-
Ал,
сендер өз ауылдарың жайлы не айтасыңдар?
Рамазан: - Мен
Төлеби ауданында тұрамын.
-
Біздің
ауыл таулы, табиғаты көркем, ауасы таза, демалуға жайлы жер.
Асқар:
-
Мен
Түркістан қаласында тұрамын.
-
Түркістанда
Қ.А.Яссауи кесенесі бар.
Бекзат:
-
Мен
Ордабасы ауданында тұрамын. Біздің аудан егін шаруашылығымен және мал
шаруашылығымен айналысады.
Сүйінбай:
-
Мен
Сарыағаш ауданы, Абай ауылында тұрамын.
-
Біздің
аудан егін шаруашылығына қолайлы.
Бақдәулет:
-
Мен
Кентау қаласында тұрамын.
-
Кентауда
кен өндіреді.
Эльдос:
-
Мен
қаланың шетінде тұрамын. Ол жақта зообақ, дендросаябақ, шомылатын демалыс
орындары бар.
Тәрбиеші:
-
Дұрыс,
балалар. Әр аудан, ауылдардың өз күнкөріс, шаруашылығы бар. Қазір Қазақстанның
барлық ауылдары да көптеген жетістіктерге жетіп жатыр. Сол жайында не
айтасыңдар?
Оқушы:
-
Қазіргі
кезде барлық ауылдағы үйлерге, мекемелерге көгілдір отын өткізіліп, интернет
жүйесі қосылып жатыр.
-
Барлық
ауылдарға су жүргізіліп жатыр.
-
Қазіргі
заман талабына сай бала-бақша, үлкен мектептер салынып жатыр.
Тәрбиеші:
-
Ауыл
жетістіктері жайлы да көп мәлімет біледі екенсіңдер. Енді осы ауыл жайлы
өлеңдер оқиық.
-
Қане,
кім өлең оқиды.
Оқушы:
Ауылым –
ырысы мол – құт мекенім,
Мәңгіге ақ
бесігін тербетемін.
Саяңда
ойнап-өсіп, білім алып,
Алаңсыз
біліп алып, ер жетемін.
Оқушы:
Туған жер,
туған ауыл қымбат маған,
Ешкімге
бұл сезімді былғатпаған.
Мен оның
өзім ғана сезінетін,
Қастерлі
қасиетін жырлап бағам.
Оқушы:
Топырағына
бабам тері тамған жер,
Перзентінің
сағынышы болған жер.
Бәрінен де
қымбатсың-ау, бәрінен,
Атамекен,
туған жер.
Тәрбиеші:
-
Балалар,
біз туған өлке дегенде көз алдымызға не елестетеміз?
-
Соны
тірек сызба арқылы көрейік.
Тірек-сызба:
Тәрбиеші:
-
Біздің
қазақта ауыл жайында ата-бабаларымыз қалдырған мақал-мәтелдер өте көп. Соған
тоқталайық.
1.
«Ауылым
– алтын бесігім».
2.
«Туған
жердей жер болмас,
Туған
елдей ел болмас».
3.
«Туған
жердің күні де ыстық,
Түні
де ыстық».
4.
«Жері
байдың – елі бай».
Тәрбиеші:
-
Енді
балалар, тақырыбымызға байланысты мына сөзжұмбақты шешейік.
Сөзжұмбақ
«Ауылым»
1.
Қазақстанның
бас қаласы.
2.
Киіз
үйдің бір бөлігі.
3.
Оңтүстік
Қазақстан облысының орталығы.
4.
Бағалы
тас.
5.
Бірінші
байлық ... .
6.
Мақтарал
ауданының негізгі шаруашылығы.
Ән:
«Ауылым».
Би.
Сабақты
қорытындылау.
-
Балалар,
бүгін біз не істедік?
-
Сұрақтарға
жауап бердік.
-
Өлең
оқыдық.
-
Сызба-тірек
арқылы сұрақтарға жауап бердік.
-
Мақал-мәтел
оқыдық.
-
Сөзжұмбақ
шештік.
-
Ән
айттық.
-
Би
биледік.
Тәрбиеші:
-
Балалар,
қоштасыңдар.
Оставьте свой комментарий
Авторизуйтесь, чтобы задавать вопросы.