МБОУ «Сузгарьевская СОШ»
Тонафнихнень творческяй тевсна
Мяльхт – арьсемат тядять кельгоманц колга
Кельгомась… А мезяма
тя тяфтамсь? Минь ламоксть корхнетяма «Мон кельган…». Но минь аф арьсетяма тя
валть смузенц лангса. Кажнай ломанть эряфоц ушеды кельгомаста. Емла шабась
марясы лямботь и кельгомать алянц и тядянц эзда, тага нинге эста, мъзярда сон касы
ни и марясы тя кельгомать ломаттнень эзда. Но сонць шабась нинге аф няфнесы
тянь пъцтай киндивок.
Минь тядяньке – тя
васенце ломанць, кинди минь макссаськ эсь кельгоманьконь. Тядясь фалу пичеди
инксонк. Сон муй кодама эряви валхт, штоба минь афолеме лажна, марялеськ
пряньконь эрявикс обществати, ломаттненди. А тядянь лямбось солафтсы «эйндаф»
седитьке. Тянь инкса аф эряви юкснемс тядятнень, тяшнемс тейст сермат,
гайкфнемс эрь шиня, сашендомс шачема – касома пизонязт, коса содасак, учихть
эсот фалу. Синдейст тяфта эряви минь кельгоманьке и лямбоньке! А иттненди тяфта
пара и сяда лямбе тя «кельме» мирса тядять кельгоманц эзда!.
Мес радняньконь
мархта аф ащекшетяма петнагъдть ваксса кельме тялонь илядня? Мес фалу миндейнк
аш мъзярда? Пяк лама кизефкста, и ламотнень лангс минь аф мутама ответ. Минь
тядяньке шарьхкодьсы, кода минь эрятама зайняфт, но аф шарьхкодьсы сонь седиец.
Эряви кельгомс, мяляфтомс, аф юкснемс тядять. Въдь аньцек сон и ванфтсы тя
уженять, минь шачема-касома вастоньконь, коса фалу палы тол, яфоди танцти ямонь
шиненя и учихть эсонк пъцтай кшиса – салса!
Сермадозе: 9- це классонь тонафнись
Дорожкина
Данилась.
Сексеть маладомац – самац.
Тядде сексесь
ширезонк маладсь ширезонк кода – бъди апак учентт. Шитне ульсть манихть. Шись
нинге аф ужяльдезь срафнезе лямбонц, пидесь, бъта кизонь кучкать. Но сексеть
самац няевсь сембе ширде. Кожфсь ни иляденди коль кельмосесь. Шобдава раса
путерьксне сяда ламос пиндолкшнесть олаф тишеть лангса.
А кодама вирсь!
Шуфттне кармасть щашендомост мазы нарядснон Вага акша ронга келунясь. Сонь лангсонза
разнай тюсонь щапт, бъта мокшень од ърьвяняламонь – кърдань панарса: сянгяря,
акшаза сянгяря, тюжя, якстеряза лопаса. Келунясь Бъта шнафтсь пря лия шуфттнень
инголе. Аш мяльсна лядомс мазышинь коряс и лия шуфттненьге: ушторть, пизелксть,
пяшеть. Синь лопасна палозь - палыхть шить каршеса.
Тя пингть оцю
заботаса эряйхть зверьхне. Вов сеельсь арды пизозонза, сон канни тоза лопат.
Урсь аноклай тялонди тожа ярхцамбяль: коське панкт, пяштть.
Но курок полафты
вирсь, да и сембе перьфпяльсь. Сетьми вирсь. Аф кармайхть марявома нармонень
моротка. Ламоц синь эздост тухть лямбе шири. Мекольцекс шачема вастснон кадсазь
яксяркне. Аньцек шякшатась то тяса, то тоса азы латта, што сон ваймамань аф
содазь ванцы вирть шумбрашинц.
Мон кельгса
сексеть, сяс мес сон пяк мазы пингсь и мазоптсы семботь перьфпяльса.
Сермадозе: 8 – це классонь тонафнись
Нестеркина Надясь
Монь Мордовиязе.
Мон эрян
Мордовияса. Тя республикась мондейне инь кельгови, сяс мес сон монь аймакозе.
Сон тяниень пингонь эряфть коряс ашезь ляда фталу лия республикатнень эзда.
Ингольдень пингть
мокшетне эрясть аф оцю веленява, конат ащесть вирьхнень потмоса, ляйхнень ваксса.
Ломаттне касфнесть сера, а тянь эзда панцесть кши. Ляйхнень эзда кунцесть
калхт, тяфта и трякшнезь пряснон.
Мокшетне содафт нинге
пяк кунардонь пинкнень. Къда семботь тянь ваномс, то шарьхкодеви, што мокшетне
– кеме ломатть, конат анокт максомс вийснон эсь народонц инкса.
Минь
республиканьконь пяк козя историяц, конанц пара мяльса тонафнесаськ. Пингонь
етазь мокшетне аердавсть эрямс ськамост, кешендемс вирьгя и арьсесть эрямс кеме
сотксса и ладязь Россиянь народть мархта.
Тяниень пингть
Мордовияса мольфтеви экономическяй и социальнай виияма. Тя няеви сянь эзда, што
минь ни 1000 – нь киза эрятама марса Россиянь народть мархта. Мордовиясь пяк
малацек ялгаксшиса ащи лия республикатнень, областтнень, ошнень мархта. Тя ялгаксшись
няеви сянь эзда, што тяса етафневихть межрегиональнай конференцият, спортонь
сяськомат. Аш кода аф азомс и тяса эряй ломаттнень колга. Мъзяра тяста лиссь
Советскяй Союзонь, Россиянь геройхть, композиторхт, поэтт, спортсметт. Минь и
минь иденьке карматама эряфоньберьф лятфнемост тяфтама ломаттнень, кода С.Д.
Эрьзя – скульпторть, конац содаф аф аньцек Мордовияса и Россияса, но и лия
масторсовок, писательхнень – Кузьма Абрамовонь, Илья Девинонь, Григорий
Пинясовонь и лиятнень. А мъзяронди нинге эряви сатомс инь оцю сатфкст, штоба
тиемс содавикс минь Мордовияньконь. Козя мокшень модась тяфтама ломаньца.
Монь республикасон
лама мезе цебярьда: Смидовичень лемса заповедниксь, Ледовай дворецт, тяниень од
оборудования мархта центрат, спортивнай комплекст. Тянь лангс оцю мяль шарфни
минь Главаньке Н.И. Меркушкин. И мон тяни арьсян, кода полафтыхть сай пингть
школатне. Тяни ни синь эсост ащихть компьютерхт, интерактивнай доскат, конат
няфтьсазь, што работамась эсост аф пяк стака, да и ломаттневок арайхть сяда
енюкс.
Мон арьсян, што
Мордовиязень колга кармай содама марнек мирсь, и ломаттне тяза кармайхть
сашендома аф аньцек опытонкса, но и ваймосема.
Монь аймакозень
эряфоц – тя и монь эряфозе, эрь мокшень ломанть эряфоц. Кодама кармай
Мордовияньконь эряфоц ванды – ламода ащи эсь эздонк. И мон пара мяльса азса,
што пяк лад мялезон, мес шачень и касонь тя инь мазы уженяса – Мордовияса.
Сермадозе 11 – це классонь Сузгярьге велень школань
учениксь
Зуев
Яков.
Тежянь киза марса.
Тя ульсь пяк кунара:
Сирель эста Руссь.
Святослав князть
мархта
Мокшесь, эрзясь
ульсь.
Сяда тов Владимир
князсь
Лихтсь лия Указ.
Мокшень масторть лангса
Макссь покодемс
наказ.
Наручату – центрав
Мокшень модать лангс
Лама купец сашендсь
Мишендема флангс.
Славянскяй нароттне
Мокшеть мархта пяльдсть.
Лама цебярь тевда
Тисть синь пара
мяльхть.
Тежянь киза марсот:
Татархт, мокшет,
руст.
Сянкса фашистть эзда
Аралазь синь Русть.
Марса тевське теждя,
Киське виденя.
Сянкса илась оцю
Тяддень кизоня.
Лама цебярь ломань
Мокшень плямась
шачфтсь.
Руснень мархта
поладсть
Кядняда кундасть.
Яла мокшесь арьси
Эсь эряфонц колга.
И Россиять планонц
Тисы, аш месть
корхтамс.
- Яла тяфтак улеза! –
Мярьголь Шкабавазсь.
Тага тежянь – тежятть
Киза эрямс марс!
Сермадозе
10 – це классонь Сузгярьге велень школань учениксь
Зуев Яков
Оставьте свой комментарий
Авторизуйтесь, чтобы задавать вопросы.