Творчество ученицы 9 класса Уткиной Кати

• 1 слайд

  Монь лемозе Уткина Катя. Тейне 15 киза. Шачемас коря мон Торбеевскяй райононь Салазгорь веленнян. Тястонь монь алязе. Но эряфсь мрдафтомань монь тядязень шачема шири – Старошайговскяй райононь Сире Теризморга вели. Тяса мон тунь школав, васьфтень цебярь ялгат, кармань кельгома атянень-бабанень культураснон, кона шиста-шис ванфневи и козякоткшни.
  
  

• 2 слайд

  Школаньке национальнай.
  

• 3 слайд

  
  
  
  
  
  Тяса ётафневи
  пяк лама мероприятия мокшень кяльса. Морсетяма морот,
  морафнетяма стихт тядянь-алянь кяльса.
  
  

• 4 слайд

  
  
  
  Кельгома шачема шире
  
  Севонь ляйнясь эсон васьфни
  Кизонь мани эрь шиня.
  Тяса тага вийнень машфни,
  Пиже наронь шиненя.
   
  Сельмованфозень монь салай,
  Кели паксясь, сянгярь вирьсь.
  Тёждя вармась эсон палай,
  Эх и мазы шачем ширьсь.
  
  Вельхкссон морай тястонь нармонь,
  Шинясь сельмот чипоряй.
  Менельть эса ваном карман
  Тишесь копорь ангоряй.
   
  Етан велезень кучкава,
  Тарксян вайме пяшксень мяштть.
  Стирьхне лисихть мазыхть нява,
  Мельгаст цёрат, бта пяштть.
  
  Варжайне монць сёрмадомс стихт. Тястонь ширеньке,
  сонь кели паксянза и луганза, ару менелец кошардыхть синць
  сёрмадомс стихт ару мокшень кяльса.
  

• 5 слайд

  Нинге варжайне эсь вийзень кельгомань темаса, вдь эрь од ломанть аф ётнесы вакска тя чувствась. Аньцек фкять васенце кельгомась пацяяфтсы, а омбоцеть – калафтсы седиенц.
  
  Васень кельгомась
  Тон тячи ётать тага вакскан,
  И ашеть казе сельмованф.
  А тон вдь надияма максоть,
  И сельмоведне тага прафт.
   
  Тон толнять кельгомань кърьвястить,
  Сон, тейне арам, палсь, юрнась.
  Исяк лиянь ни кядьта вятить,
  Сон эздон эсот кяшсь, пърдась.
   
  Монь саты виезе тонь простямс,
  Катк ули павазу ся стирсь.
  И кда максыть пряцень ойстямс,
  Катк курок тинь учтядязь пирсь.
   
  И оду, верондак, аф максса,
  Эсь прязень обжамс эряфть пес.
  Мон видекс кельгомазень васьфтса,
  А тоннесь туй катк шобда вес.
  
  

• 6 слайд

  Мон пяк козян. Козян ся пяльде, што монь пяк оцю семьязе: тядязе, дуганозе, сазорозе, щавазе. Сидеста сашендови корхнемс щавазень мархта сонь эряфонц колга. Ашезь няфте эряфсь тейнза меньге цебярь: сембе эряфонц покодезе фермаса траксонь потяйкс, няйсь лама стака сталма, а сяльде музе и вельхтязе сонь пичефкссь. Васенда одста кулось щятязе, сонь мирдец, а тоса кулось сонь аляшка цёрац. Морафтса стихотворениять, конань сёрмадыне щавазти.
  
  
  Пяк шобдалгодсь позда! Валдашкодсь рана!
  
  Пяк шобдалгодсь позда! Валдашкодсь рана!
  И тяфта эрьси аньцек вдь тунда.
  И содаф сяге тейнек ни кунара -
  Къд а нолдайть павазть, меки аф кундат.
   
  И аш кинь сюцемс, пеняцямс аш кинди,
  Мес надиямась солай тундань ловкс.
  И ся, кие исяк тейть ульсь пяк питни,
  Сон тячи арась теене пяк плофкс.
   
  И ётась ся шиське, и весь ётась – пара,
  И нинге учтама сякокс тунда.
  Пяк валдашкодсь позда, а шобдалгодсь рана,
  И павазонь тяштезе ашезь кундав.
  
  

• 7 слайд

  Пингонь ётазь, морафнемок рузонь писательхнень стихотворенияснон, мон шарьхкодень: ёран марямс, кода синь моравихть мокшекс. Пяк мялезон, кода тянь тиедьсы Раиса Константиновна Орловась. Сонь «Подмосковные вечера» моронц ётафтомац пяк сувась седиезон.И мон сявине кельгома рузонь поэтозень А.С.Пушкинонь «Зимнее утро» стихотворениянц и етафтонь эздонза пакш мокшень кяльти. Кулхцондость, морафтса.
  
  Тялонь шобдава
  Шинясь и якшамсь – ушесь пара
  А тон удат, и стямс ни пароль.
  Тон стяк ни, ялгай, удомацень явафтк -
  Перьфпяльсь тонь ванфцень эса салай.
  Тон стяк, и якшам ширеть каршес
  Най Якшам Тяштенякс тон арсек.
   
  Илядь, тон мяляфтк, бурясь кяжиль,
  И шобда менельть эса сязендсь.
  И ковсь, сон ёфси олаф акша
  Тюжалды уле туцять ваксса.
  И тонга ащеть комафтф прят,
  А тячи вальмава тон ватт!
   
  Сенчт моли ару менельть ала
  Пяк мазы вельхтяфкс лаца, палозь
  Шить каршес велясь акша ловсь.
  И аньцек вирть най равчста валозь.
  И сянгярь аньцек тостонь кузсь,
  И ляйсь эйть ала ононц мусь.
  
  

• 8 слайд

  . Васток-васток монь салсесамань творческяй тевсь и пачфнесамань пяк ичкози. Инголен сёрмадомста келемкшнихть тематне: перьфпяльсь, кельгомась, шачема ширесь. А нинге монь мялезон пяк тусь рузонь кяльста мокшеннети ётафтомась. Тяни мялезе ётафтомс минцень земляконьконь Ванькинонь стихонзон, кона эрясь рузонь маластонь Рязановка велеса. Сон ётазень войнань китнень, сембе эряфонц максозе иттнень тонафтомаснонды. И нинге Виктор Гадаевонь , кона шачемас коря Новотроицкяйста. Арьсян, што мяльнень пяшкодьсайне маластонь пингть. Сюкпря сембонди, мес кулхцондомасть и марямасть.