Урок мокшанского языка "Лицафтома валрисьмотне"

МБОУ «Дракинская средняя общеобразовательная школа»

Аноклазе: Зюзина Н.П.,

мокшень кялень и литературань тонафтысь.

Темась «Аф личнай валрисьмотне»

Цельхне:

1) содафтомс тонафнихнень аф личнай валрисьмотнень мархта;

2) касфтомс корхтамань маштомашиснон;

3) виияфтомс кельгомаснон мокшень кяльти.

Оборудованиясь: компьютер, мультимидийнай проектор, карточкат, презентация.

Урокть молемац.

I Организационнай пялькссь.

II Кудонь заданиять проверямац.

- Проверясаськ кудонь заданиять. Панжесть тетрадентень и варжасть экранть лангста, лац ли тинь тиесть.

•         Прянь шнафтозь ичкози аф туят.

•         Ичкози путсак – маласта сявсак.

•         Мъзярда ломаненди ки перят, ламос аф эрят.

•         Къда алашать аф андсак, то усфцень кандсак.

•         Апак работак тейть тев аф тиеви.

•         Мезе вешат, сянь муят.

•         Кизоть удосак, тялотьке сюдосак.

•         Лисьфнень коряс сотцесазь паксять, а койхнень коряс – ломанть.

III Ётафть лятфтамац.

Синтаксическяй разминка.
- Мусть валрисьмотнень эса грамматическяй основатнень. Максода характеристика валрисьмотненди схематнень коряс.

ü Масторонц кельгсы и ваймостонза аф нельгсы.

                                                                 Е. Акашкина

ü  Келькте, келькте, шачем веле, моданяцти сюконян.       

                                                                  Н. Сидоркина

ü  Мон шачень мокшень велеса и тяса кочкань ёнь.

                                                                 Т. Лобанова

IY Од материалть лангса покодемась.

1. Од материалть азондомац.

- Кодама валрисьмот фкя главнай член мархта содатада?

- Мезень колга корхтай «аф личнай» лемсь?

- Морафтость валрисьмотнень. Мусть сказуемайть.

Ванды эряви молемс библиотекав.

Курок шобдалгоды.

Тейне якшама.

Аф личнай валрисьмотне – сказуемай мархта фкя составонь валрисьмот, конатнень эса аш и афи арьсеви подлежащай.

- Кодама корхтама пяльксне эряйхть сказуемайкс аф личнай валрисьмоса?

Тейнть лезды учебниксь.

- Мусть соответствиять.

    глаголсь  1-2 лицань формаса

     лицафтома глаголсь

     глаголсь  3 лицань формаса

     подлежащай и сказуемай

·        Кафта составонь валрисьмотне

·        Определённо–личнай валрисьмотне

·        Аф определённо-личнай валрисьмотне

·        Аф личнай валрисьмотне

 2. 199-це упражнениять тиемац.

- Азость личнай валрисьмотнень.

3. Работась раздаточнай карточкатнень мархта.

-Содасть аф личнай валрисьмотнень и тяштесть синь номерснон таблицав.

Кафта составонь валрисьмотне
Определённо–личнай валрисьмотне.
Аф определённо-личнай валрисьмотне
Аф личнай валрисьмотне

1) Якшафтсь.

2) Тага эсот учсян.

3) Паксяста серотнень сембонь урядазь.

4) Ялгазе тонафни цебярьста.

5) Волга берякти синь пачкодсть.

6) Кизонда мольхтяма экскурсияс.

7) Мезе одня азондат тячи?

8) Варьхмодсь.

Y Урокть итогоц.  

1. Налхксема «ДА – АФ»

1) Полафневихть или аф аф личнай глаголхне лицава и лувксова? (Аф)

2) Ули или аф лицафтома валрисьмомса подлежащай? (Аф)

3) Сказуемайкс лицафтома валрисьмоса эряй  состояниянь категориясь? (ДА)

4) Лицафтома валрисьмось – тя фкя составонь валрисьме?(ДА)

2. Куду  заданиясь.

Упр. 202.

 3. Оценкань путомась.