Кружок "РОДНАЯ СТОРОНА"

ТЕМА: Повторение и обобщение пройденных тем.

1. Повторяем простые предложения (ошибки в задании 1).

Эки теркипли джумле эки баш азадан: муптеда ве хаберден ибареттир. Оларгъа джумленинъ экинджи дередже азалары да къошула билир: Алие кельди. Алие мектепке кельди.

Джумледе иш-арекетини ким я да не япкъаныны косьтерген сёз муптеда олур. Муптеда: ким? я да не? суалине джевап берир.

Джумледе предметнинъ не япкъаныны, онъа не япылгъаныны, не олгъаныны бильдирген сёзлерге хабер дейлер. Хабер джумледе иш-арекетни бильдире. Хабер – не япа? не япты? не япылды? Киби суаллерге джевап берир.

Муптеда ве хабер джумленинъ баш азалары сайылыр.

Джумледе муптеда ве я да хабернинъ манасыны изалагъан, тамамлагъан сёзлерге экинджи дередже азалары дейлер. Джумледе экинджи дередже азалары: насыл? кимни? нени? не? не заман? къайда? неден? киби суаллерге джевап берелер.

Хабер, ифаделенювине коре, эки тюрлю ола билир: фииль-хабер ве исим-хабер. Тизимине коре, саде ве муреккеп чешитлерине болюнирлер.

1. Адий джумлелерни бельгиленъиз:

а) Тёгерегимизнинъ биринджи топлашувына багъышлап газета чыкъардыкъ.

б) Биз оджанынъ айткъаныны дикъкъатнен динъледик.

в)Кимиси бир яш буюк, кимиси бир яш кичик.

г) Эльмазчыкъ шашмалай, азбардан чыкъып кетеджек ола, лякин йигит оны токътата.