Тақырыбы: «Бақытты балалық шақ» ән-би байқауы. 2015 -2016 оқу жылы
Мақсаты: 1)Талантты оқушыларды таңдау;
2) Дарынды оқушылардың өнерін шыңдау;
3) Оқушыларға эстетикалық тәрбие беру;
Байқаудың барысы:
1-жүргізуші:
- Армысың мектебімнің қауымдары,
Жайнасын көңілдердің жасыл бағы.
Ән шашу, әсем әуен, түрлі өнер,
Ұрпақпен өмір жолы жалғанады.
2-жүргізуші:
Бүгінгі күн сіздерге арналады,
Көңілді күндер тусын алдан әл.
Сіздер үшін осы кеш ашылады,
Сіздер үшін жұлдыздар сайысады.
1-жүргізуші:
Армысыздар ардақты ұстаздар, оқушылар, қадірлі ата-аналар! Жаңалық пен жаңашылдықты, шынайы талантты, нағыз өнерді сүйетін барша көрермендерге жалынды сәлем!!!
Бұл әні мен сәні, күйі мен биі үйлескен «Бақытты балалық шақ» атты концертімізге қош келдіңіздер !
Ендеше біз бастаймыз !
2-жүргізуші:
Ал, халайық ықыласпен демейік,
Жұлдыздардың өнерлерін көрейік.
Сыры менен сымбатына қарап біз,
Әділдіупен бағаларын берейік.
Ортаға әділ-қазыларды шақырып,таныстырып өтейік.
1-жүргізуші:
Біздің халық өнерге мол, бай тегі,
Әнші деп те, күйші деп те айт оны.
Әнге сенің қанша икемің бар екен,
Тыңдап алып жалғастырсаң қайтеді – деп алғашқы ән кезегіне жол берейік.
2-жүргізуші:
Аспан тұрса күлімдеп,
Айын биік орнатып.
Ақса биік гүрілдеп,
Балаларға сол бақыт.
Ән: «Қазақ елі осындай»
Орындайтын: Шынболатова Жанель.
1-жүргізуші:
Шалқытып мерекеде ән салайық,
Өнерпаз өрендерге тамсанайық.
Аңыз боп ертегіден бізге жеткен,
Әншіміз Бекзатты қарсы алайық.
Ән: «Желкілдек»
Орындайтын: Қайратов Бекзат.
1-жүргізуші:
Мектебіміздің жұлдыздары өнері асқан,
Билейді мың бұралып бала жастан.
Қайда біздің өнерпаз қыздарымыз,
Ортаға шығыңдаршы тартынбастан.
Би: «Қара жорға»
Орын: Бақтығалиев Мейрамбек.
Ән: «Қос бәйтерегім»
Орын:Рашиденова Аяулым.
2-жүргізуші:
- Жез таңдай, күміс көмей, дана уыз,
Сайысқа баптап қосқан дүлдүліміз.
Балалықтың бал дәуренін өткізіп,
Бақыт, шаттық, қуаныш тілейміз.
Ән: «Махамбеттің термесі»
Орындайтын:Нигметуллина Сымбат.
1-жүргізуші:
- Ал, оқушы ұстаздар,
Ортаға назар салыңдар.
Ажар шығып келеді
Қол соғып қарсы алыңдар
Ән: «Домбыра туралы баллада»
Орындайтын: Рашиденова Ажар.
2-жүргізуші:
О, туған жер, қадіріңді кім білген.
Мен қырыңды теруші едім бүлдірген.
Сенде өткізген артық екен бір күнім,
Ән: «Туған жер»
Орындайтын: Хасенқызы Айдана.
1-жүргізуші:
- Өнермен терең жүзіп шарықтадың,
Мақсатыңды талап пен анықтадың .
Сан қырлы таза гауһар секілденіп,
Қуантады өзіңді танытқаным.
Би: «Үнді биі»
Орындайтындар:Мендуллина Альбина,Бисекенова Айдана.
Халық әні: «Гүлдерайым»
Орындайтын: Үмбетова Аружан.
2-жүргізуші:
Туған тілім – тірлігімнің айғағы,
Тілім барда айтылар сөз ойдағы.
Өссе тілім – менде бірге өсемін,
Өшсе тілім – менде бірге өшемін.
1-жүргізуші:
Ән айтып, би билейміз біздер әлі,
«Домбыра» қазағымның тамаша әні.
Көрермен қол соғыңыз қошеметтеп,
Ақерке айтса әнді жарасады.
Ән: «Тәуелсіз елім жасасын»
Орындайтын:Дауетова Ақерке
Ән салса әншілерім таң қаларсың,
Әр сөзін тоқсан тоғыз қайталарсың.
Осындай ән туғызған қазағымды,
Жалындатып шарықтағын әр дайым.
Би: «Орыс биі»
Орын: бір топ оқушылар.
2-жүргізуші:
Кім өнерлі, бұл кеште үміт алда,
Қобалжу бар жүректе күдік барда
Әділ қазы алқасы атыңды ақта
Жұлдыздарға арман мен бақыт жолда.
1-жүргізуші:
Күнде жиын бола бермес дәл осындай
Күн сайын өркендейміз өзгереміз
Ұл-қызың бақыты үшін ғұмыр кешкен,
Алдымызда отырған әділ-қазы қонаққа сөз береміз.
Марапаттау:
Көңілдің ақ тілегін қол етеміз,
Тілектер мен нығайсын мерекеміз.
Баршаңызға жолдаймыз аппақ алғыс,
Осы мен аяқталды байқауымыз.
2-жүргізуші:
Көңіл бөліп тамашалағандарыңызға көп-көп рахмет.
Жолыққанша күн жақсы, ел аман болсын!
Оставьте свой комментарий
Авторизуйтесь, чтобы задавать вопросы.