"Білім берудің мазмұнын жаңарту- жарқын болашаққа бастар жол"

Білім берудің мазмұнын жаңарту- жарқын болашағымыздың кепілі

         Қазақстан Республикасы өз тәуелсіздігіне ие болған алғашқы күннен бастап-ақ  білім мен тәрбие беру мәселесіне ерекше маңыз беріп келеді. осы мақсаттың бірі ретінде еліміздегі білім беру жүйесі мазмұнынының жаңартылуын айтуға болады. Бұл мақсатқа жету жолында ұстаздар қауымына жүктелер міндет жүгі де ауыр екендігі анық.                                                   

       Білім беру әдістемесіне инновациялық технологияларды енгізіп, білім беру жүйесін жаңарту бүгінгі таңдағы ең өзекті мәселе болып отыр. Бұл мұғалімдердің  компьютерлік сауаттылығы мен үздік педагогтар тәжірибесін дамытуға жол ашады. Еліміздегі негізгі орта білім стандартының ерекшелігі, базалық білім беруді аяқтауға бағытталғаны болып табылады, яғни 5-ші сыныптан 6 сыныпқа дейінгі оқу үрдісіне – «Ғылымға кіріспе», «Қазақстан тарихы», «Әлем тарихы», «Математика» қосылып, жоғарғы сыныптарда жалпы-гуманитарлық және жаратылыстану-математикалық бағыттағы әр түрлі мектептер үшін тереңдетілген деңгейдегі 3 міндетті пән және стандарттық деңгейдегі 4 міндетті пән енгізілмек. Осыған орай үш тілде оқыту үлгісі енгізіліп, «Қазақ әдебиеті», «Орыс әдебиеті», «Қазақстан тарихы» және «География» пәндері қазақ тілінде, ал «Дүниежүзі тарихы» барлық мектептерде орыс тілінде, «Информатика», «Физика», «Химия» және «Биология» – ағылшын тілінде оқытылуы, жазғы тіл тоқсанын ұйымдастыру жоспарлануда. Қазіргі кезде «Мәңгілік ел» құндылықтарын оқыту басталды. Сонымен қатар, баллдық жүйемен есептелетін  критериалдық бағалау жүйесі де жүзеге асуда.

      Білім берудің жаңартылған мазмұнының мақсаты – әр баланың түрлі пәндерді оқуына көмектесіп,ойдың қырағылығын дамытады, тұлғалық сипаттамаларын қалыптастырады. Ал,10-11 сынып оқушыларына мектептер арасындағы бәсекелестікті іске асыру үшін пилоттық мектептерде жан басына қаржыландыруды қабылдауды жалғастырып жатыр. 2016-2017 оқу жылдарында республиканың барлық бірінші сыныптары жаңартылған мазмұнда білім беріп жатыр .

2017-2018 оқу  жылында жаңартылған мазмұнға екінші сыныптар жаппай көшеді, қайта құру үшінші және алтыншы сыныптарда жалғасады, және осы іске 10-сыныптар да енеді. Апробация екінші сыныпта жалғастырылып, бесінші сыныпта басталады. Жаратылыстану – математика бағытындағы пәндер бойынша ағылшын тілінде  білім беру бағдарламалары мен оқулықтар шығарылып,   мұғалімдер қайта даярлаудан өтуде.

Бұрынғы ескі стандарт оқушыға 6 білім деңгейінің тек екіншісіне дейін игеруге мүмкіндік берсе, жаңа стандарт, қалған төрт деңгейге қол жеткізуге мүмкіндік береді. Қазақстан тарихы әлем тарихмен бірге 5 сыныптан бастап оқытылып, тереңдетілген деңгейдегі үш міндетті пән және төрт стандартты деңгейдегі пән енгізіледі. Оқушылардың оқу деңгейін және пәндер санын анықтауға құқы болады. Мұның өзі олардың жеке қызығушылықтарының дамуын қамтамасыз етеді, бейімділіктері мен мүмкіндіктерін арттырады.  Бүгінде орта білім беру саласын интернеттендіру және ақпараттандыру – маңызды мемлекеттік міндеттердің бірі. Бізде ЮНЕСКО мәлімдеген ХХІ ғасырдағы білім берудің басты ұстанымдары – «Жалпыға бірдей білім беру» және «Life Long Learning (LLL)» сияқты бірегей бағдарламаларды жүзеге асыруға барынша қолайлы жағдай жасалған деп нық сеніммен айта аламын.

Білім берудің мазмұнын жаңарту бағытына келсек, соңғы жылдары Приозерск қаласының мектептерінде де электронды және интерактивті оқыту жүйесі сәтімен жүзеге асырылып келеді.

Мұның бәрі білім сапасының көтеріліп, қазіргі заманғы технологиялардың терең қолданылуын қамтамасыз етпек.

Сондықтан мектеп бағдарламасының жаңартылған мазмұнда білім беруі білім мен тәрбие сапасын жаңа белестерге көтереді деп есептеймін.

"Приозерск қаласының №1 жоббм"КММ-нің мұғалімі   Айтбенбетов О.О.