Дидед чIалан тарсара чирвилер гунин карда интерактивный плакатдин важиблувал

Дидед  чIалан тарсара  чирвилер гунин карда интерактивный плакатдин важиблувал

  Гьар са девир дегиш хьайила, инсанрин уьмуьрдани дегишвилер кьиле физва. Виридаз малум я, гьар са девирдихъ вичин кьет1енвилер, истемишунар, ц1ийивилер жеда. Школайра ФГОС тун- им вахтунин истемишун я. Вучиз лагьайт1а алай девирда чун яшамиш жезвай обществодиз вини дережадин чирвал авай, вичин вилик эцигнавай месэлаяр гьялиз алакьдай инсанар лазим я.

 Уьмуьр санал акъвазнавач, вири дегиш жезва. Гьавиляй чирвилер гунин къайдаярни, девирдин истемишунриз килигна, дегиш жезва. Садазни сир туш хьи, алай вахтунда  информационный технологийри чи уьмуьрда лап важиблу чка кьунва. Тарсунал аялдин фикир желб авун патал компьютерар ишлемишун муаллимдиз алай вахтунда чарасуз кар я. Гьавиляй муаллимдивай  вичин тарсуна аялриз чирвилер гунин карда интерактивный плакатрикай еке менфят къачуз жеда. ИП – им чирвилер гунин ц1ийи такьат я лугьуз жедач, ам фадлай маса тарсарай ишлемишзава, амма лезги ч1алай чаз абур гьазуранбур авач.

Вуч я ИП? ИП-  им электронный плакат я, мумкинвал гузвай  муаллимдиз тарсуна лазим тир малуматар ( текст, сес, таблицаяр,шикилар) аялриз къалурдай,абурун чирвилер артухардай  ва абур ахтармишизни жедай. ИП алай аямда чирвилер гунин карда гзаф мумкинвилер авай такьат я.

Гьихьтин кьет1енвилер ава адахъ:

тарсуна менят къачуз регьят я;

къалурзавай материалдин кьадар гзаф я;

адан куьмекдалди вири классдихъ галазни(интерактивный доскадал), гьак1 кьилдиз аялдихъ галаз(кьилдиз компьютордихъ) к1валахиз жеда;

гьазурнавай  материалди  муаллимдиз тарсуна вичин вилик эцигнавай месэлаяр гьялиз  куьмек гузва, яни плакатдал алай материал къайдада туна ганва( ц1ийи материалдикай чирвилер,адакай алава материалар, къачур чирвилер мягькемарун патал тапшуругъар).

ИП-дин къурулуш квекай ибарат я:

тарсунин конспект хьиз я; аялриз тарсуна чпин вилик эцигнавай месэла ачухдиз аквазва. Кьилин шарт1 : абур вири санал к1ват1нава, яни са документ хьиз я.

Заз куь фикирдиз гъиз к1анзава  жува туьк1уьрнавай плакат «Алфавитдиз мугьманвиле»  Ам са шумуд паюникай ибарат я: «Квез лугьуда алафавит», «Шад алфавит», «Гьарфари вуч къалурзава», «Чирвилер ахтармишин», «Алфавитдин тарихдай».

ИП-кай тарсара менфят къачуникай гьихьтин хийир ава: экрандилай аквазвай материал аялрин рик1ел хъсан аламукьда, муаллимдивай ина гьар жуьре къайдайри кай менфят къачуз жезва( текст, сес, шикилар), классдихъ галаз к1валахдай жуьреба-жуьре къайдаяр ишлемишиз жезва.

Гьелбетда, вири крар икьван регьятдиз жезвач. Плакат гьазурун патал хейлин вахт герек къвезва, вири муаллимриз мумкинвал авач тарсара абурукай менфят къачудай.

Краткое описание документа:

Гьар са девир дегиш хьайила, инсанрин уьмуьрдани дегишвилер кьиле физва. Виридаз малум я, гьар са девирдихъ вичин кьет1енвилер, истемишунар, ц1ийивилер жеда. Школайра ФГОС тун- им вахтунин истемишун я. Вучиз лагьайт1а алай девирда чун яшамиш жезвай обществодиз вини дережадин чирвал авай, вичин вилик эцигнавай месэлаяр гьялиз алакьдай инсанар лазим я.