"География жұлдыздары" сыныптан тыс шара

«Киров орта мектебі» КММ

География пәнінен сыныптан тыс іс-шара

Жүргізген: География пәнінің мұғалімі, аға тәлімгер

Рахиманова Алтынай Серикхановна

2015-2016 жыл

«ГЕОГРАФИЯ ЖҰЛДЫЗДАРЫ» СЫНЫПТАН ТЫС ІС – ШАРА

Тақырыбы:  «География жұлдыздары» (ойын сайысы)

Мақсаты:

Білімділік  балалардың  алған білімі мен дағдысын тексеру, пәнге деген қызығушылығын ояту.

Дамытушылық: балаларды өз бетімен еңбектенуге, картамен жұмыс істеуге, тапқырлыққа, белсенділікке , табандылыққа тәрбиелеу.

Сабақтың  түрі ойын сабақ.

Сабақтың көрнекіліктері: Дүние жүзінің саяси картасы, атлас, кескін карта, интерактивті тақта, Power Point презентациясы.

Сайыстың барысы:

      Оқушылармен амандасып сайыстың ұйымдастыру кезеңімен таныстырады.
Сонымен топ мүшелері бүгінгі «География жұлдыздары» атты географиялық сайысымызды  бастаймыз. Олай болса оқушылар күрделі де, қызықты география пәнінен алған білімдеріңіз сынаққа салынып, күш сынасасыздар.
«География жұлдыздары» атты географиялық сайысымыз  8 кезеңнен  тұрады. Әр кезеңдегі сұраққа жауап берсе,1 ұпай  есептелінеді.

1-кезең. «Таныстыру кезеңі»

1. Сыныпқа оқушылар келіп, 2 топқа бөлінеді.
2. Құрылған 2 топ өздерінің топтарының атын және капитандарын таныстырып өтеді.
2-кезең. «Тапқыр болсаң, тауып көр». Жұмбақ шешу.

«Галактика сарбаздары»тобы:

Аяғы жоқ жүреді, Жоғарыдан төмендеп. (Су) Зу-зу етеді, Түртіп кетеді. (Жел) Мен ылғи таң қаламын  көремін де, Төрт емес, бір маусым бар ол өңірде ?   (Экватор)

Тас тәрізді түрі бар, Жақсаң – үйің жылынар. (Көмір) Аппақ  қудай басы бар, Сан ғасырлық жасы бар. (Тау)

 «Марс » тобы:

Еркелеп жатамын , Қаңтарда қатамын. (Көл) Үйге кірдің қара жер, Назарыңды сала көр. Шыр үйіріп,үңіліп, Іздегеніңді таба бер. (Глобус) Сылдыраған суы бар, Бұрқыраған буы бар. (Бұлт)

Суды шашып бұрқақша, Мұхиттарда жүреді. (Кит) Бір ғажап  әлемде жоқ аймақ көрдім Алты ай түн, алты ай күндіз жайлап келдім. (Арктика)

3-кезең. «Бәйге» ойыны.  Кім бірінші жауап береді?

1.Қанша материк және мұхит бар?

2.Су массалары дегеніміз не?

3. Климаттық белдеулерді ата.

4. Гидросфера дегеніміз не ? Оның құрамдас бөліктері қандай?

5. Жел дегеніміз не?

6.Атмосфера  дегеніміз не?

7. Жер бедері дегеніміз не?

8.Мұхит суының қасиеті.

9.Дүниежүзіндегі ең ірі ағыстар.

10. Ауа массалары дегеніміз не,  оның қандай түрлері бар?

4-кезең. Кім картаны жақсы біледі?

Географиялық  объектілерді  картадан көрсету.

«Галактика сарбаздары » тобына: 1.Қара теңіз. 2.Жерорта теңізі. 3.Гималай тауы. 4.Гибралтар бұғазы. 5.Хуанхэ өзені. 6.Еуразия материгі. 7.Каспий теңізі. 8.Ніл өзені. 9.Арабия түбегі.

«Марс» тобына: 1.Балтық теңізі. 2.Қызыл теңіз. 3.Кордильера тауы. 4.Греландия аралы. 5.Беринг бұғазы. 6.Дрейк бұғазы. 7.Ұлы көлдер жүйесі. 8.Камчатка түбегі. 9.Мексика шығанағы.

5-кезең. Географиялық  диктант.

1.Дүниежүзіндегі ең терең көл ....,

2.Тұздылығы  42%  болатын теңіз ...,

3.Көлемі жөнінен 2-орын  алатын мұхит...,

4.Жер шарындағы ең биік сарқырама....,

5.Дүниежүзіндегі  ең ірі каньон...,

6.Литосфералық тақталарды ұсынған неміс ғалымы...,

7.Ең суық мұхит...,

8.Дүниежүзіндегі  ең үлкен арал...,

9. Дүниежүзіндегі ең биік нүкте...,

10. Дүниежүзін айналып шыққан саяхатшы...,

6-кезең. «Кім тапқыр» ойыны. Берілген сөздердегі әріптердің орнын ауыстырса  геохронологиялық  кестедегі эралар мен дәуірлердің аттары шығады.

«Галактика сарбаздары» тобына: 1.Нозайко 2.Генопале 3.Рилсу 4.Роб

«Марс»тобына 1.Леозопай 2.Бонкар 3.Ондев 4.Арю

7 – кезең. «Жекпе-жек» ойыны. (Топ басшылар сайысы)

Топ басшылары берілген сұраққа қысқаша жауап береді.

«Галактика сарбаздары » тобының басшысына:

1.Литосфера дегеніміз не, ол қандай бөліктерден тұрады?

2. Жер бедерінің  қалыптасуына  қандай  күштер әсер етеді?

3.Қанша литосфералық тақта бар, оларды ата.

«Марс» тобының басшысына:

1.Географиялық қабық дегеніміз не?

2. Геохронологиялық қандай мағынаны білдіреді?

3.Климат  қалыптастырушы факторларды ата.

ҚОРЫТЫНДЫ

 Ұпайлар саны есептеліп, жеңімпаздар анықталады, жеңген топ марапатталады.

«Киров орта мектебі» КММ

Алтын күз кеші

Жүргізген: Рахиманова Алтынай Серикхановна

Мусоболинова Раушан Калымовна

Мектеп парламенті

2015-2016 жыл